دردشة بنات فلسطين, دردشة حوامل فلسطين, تجمع بنات فلسطين

[حواء مثالية]

ام عزمي وينك

[Heba T]

احساس

اللولب بعمل التهابات و قرح في الرحم الله يبعد الشر عن الجميع..بعدين صعب تحملي بعدو الا تتعالجي فترة يالطيف

[احساس أنثى]

بس تعرفي يانبض حماتي وامي مش موافقيني بحكولي بس تشوفي حالك لاني حملت بعد سنه وبحكولي لو سار الحمل كويس بيجي اخ او اخت لزوزو بتسلى معو
بس انا عشان جوزي قبل هيك حكيت انو طالب رغم انو بطلع دخل ممتاز كل فتره وفتره بس فعلا الاطفال بدهم مسؤليه وجوزي عندو قانون انو كل طفل لازم ياخد حقو وانا موافقتو .... عشان هيك لسى مشوشه من هالموضوع وبرضو الحمل والولاده مو سهلين والله خلينا ناخد فتره راحه

انتو شو رايكم بنات هيكم عرفتو قصتي والحمل!!!

[احساس أنثى]

معقول ياهبه بس بسمع انو احسن مانع
الحبوب بتسمن وممكن تضعف

[حواء مثالية]

احساس انا مو مفكرة اخد اي مانع خصوصا بعد الحمل الاول وعندنا بالضفة هون لو تلفي كل المستشفيات ولا دكتور بعطيكي مانع خصوصا اللولب

استخدمي طريقة العزل انا هيك ناوية اعمل فترة التبويض ما يصير بينك وبين زوجك جماع واذا صار حمل بكون ربنا كاتب هالشي ما رح نعترض
اختي بتحط بعد كل حمل لولب يا احساس وصارت حامل مرتين وهي حاطة اللولب مره سقطت وهلا حامل بالشهر الرابع يعني ما في شي مضمون ومثل ما حكيتي كل وسيلة الها اعراض جانبية لهيك ماما عمرها ما حطت لولب كانت تستخدم هاي الطريقة هيك رحم الست بضل طبيعي وكويس

[لولو حمادة]

انا بعد ابني الاول ماخدت مانع لاني برضع طبيعي وصارحمل بس ماتم نزلت بالشهر الخامس
وطبعا بعدها عملت مانع طبيعي بعد التنزيل فحملت طلع معي خربطة هرمونات بعد التنزيل والتبيض اتاخر اسبوع وصار حمل بتعرفي ارادة الله فوق كل شي
بس كمان لمن يكونو 2 وراء بعض بعدين مانع افضل بيلعبو مع بعض
احساس مادام وضع المادي ممتاز خلص لاتوخدي مانع
شو جوزك بيشتغل احساس مش هو طالب

[حواء مثالية]

معاكي حق يا لولو

بس كمان يكون فترة بين كل بيبي والتاني احسن هيك اريح للست وكمان البيبي بياخد حقه

انا بموت بالاطفال بس كمان بحب اولادي يعيشوا احلى حياة عمرهم ما يحتاجو شي

وبيني وبينك الدخل الممتاز هاي الايام يادوب الواحد يكفي احتياجاته انا حابه اامن مستقبل اولادي وتعليمهم يعني هلا وهم صغار بككون حملهم اخف بس وقت يكبروا ويصيروا بالجامعة الصعب

انا جربت فيا وباخواتي انا بابا كان كل سنة حد يكون عنده توجيهي اختي كانت سنة رابعة وانا ثالثة واختي ثانية واخي اولى يعني اشي بهلك

انا كمان ناوية اشتغل لهيك لازم التنظيم انا دكتوري حكالي انسب اشي للست العزل الطبيعي بس اهم شي يكون احسابها صحيح والدورة تكون منتظمة وبالنهاية الي مكتوبله يجي على هالدنيا راح يجي

[لولو حمادة]

صح حواءكلامك لازوم يكون فترة بين الاثنين اقل اقل شي سنه
حواء شو اسم البرنامج اللي حكيتي عنو معاملة الاطفال ومتي بييجي التوقيت يعني

[عسولة فلسطين]

لولو الله يتقبل منا ومنك يارب
كيفك وكيفهم حمادة ومحمد مغلبينك هههه؟
كنت بدي اقولكم شي ونسيت هههههههه

[عسولة فلسطين]

يا جماااااااعة
مسك وييييينها ما شفتها من امبارح؟؟
أم عزمي اليوم ما طلت كمان؟
أم عمورة حبيبي
غموووووض؟؟
ميسا
عيون
جارة
بينك
سهى