تجمع حــوامل التوائم

[ام عدي آل الشيخ]

الله يعينا ان شاء الله ويهون علينا يارب ويتمم لنا الى الشهر التاسع اللهم آمييييييييييييييييييين

[ام عدي آل الشيخ]

حبيبتي زود الغلا ..استودعتك الله الذي لا تضيع ودائعه ..
يلا يالغالية بروح انام ..تعبانه حيل ومو قادرة على القعده اكثر من كذا ..في امان الكريم.

[متلهفة لحظوركم..]

ام حمودي المملوح..
لا انااا لسى مادخلت التاسع المفروض بكره او بعده وانا واحد منهم مقعدي وواحد نازل براسه بس حددوا لي وقت العمليه ...

قمرين الله يسهل عليك وعلي وعلى جميع البنااااااات يارب..

[ام الحلوة]

اهلن بالجميع اسال الله ان يتمم عليكم بالصحة والعافيه
ان من المتابعين لكم وحابة اسال متى تحسون بالحركة لاني بالاسبوع التاسع عشر واحس بالحركة نادرا وفي جهة واحدة

[أم ياسمين]

توينز:اي والله روس بيبياتي تحت صارلي 9 ايام من دخلت التاسع بس اوزانهم مادري قبل 9 ايام كانو واحد 1800 وواحد2200 بس الحين اكيد انهم زادو.

[سآره]

صباح الخير حبوبات شخباركم...؟؟

بنات مثل ماانتم عارفين انا جالسه عند اهلي قريب اكمل 3شهور

ومن يومين جايتني حاله ضايق خلقي ومتنكده وبس اصيح والله تقولون نهر مطر اللي ينزل من عيوني مو دموع

وكارهه اخوي الكبير كره ماتتخيلون شلون اكره اكره من قلب لدرجة اني اذا شفته اترفز واعصب واجلس اصييييييييييييييييييييييييييييح لين اتعب

ماادري وش فيني قلت لامي اني ابي اروح شقتي مارضت لان هناك مافي احد يهتم فيني ولا يسويلي اكل وانا بدون شي مااقدر اوقف على حيلي من ضربات القلب القويه والدوخه اللي شبه مستمره وعندي الهيموجلوبين 8 شسوي

بس حبيت افضفض لكم يعي عادي اكره اخوي وعادي كله اصيح

استغفر الله

[محجبه]

ساره جبيبتي
هذا اكتئاب الحمل ويختلف من وحده لوحده وتاكدي انك كلما قربت من القران خفت حالتك كثير حاولي تجلسين تقرين جزء اونصف بس اهم شي ماتتركين قراءته بتبدل حالتك وتغير
وان شاء الله تنبسطين وتصير فرح ووناسه بس وطني نفسك لانك كثيره توسوسين اطلعي غيري جو رحي لو مشوار بسيط وتونسي وكثري دعاء الكرب وخلي لسانك رطب بذكر ربي وماتشوفين شر

[كيري]

سارة كلام محجبة عسل ...اسمعي كلامها وماتتشوفين شر ...

أم الحلوة ..............انا قبلك باسبوع ... الله يحفظك انا مثلك الحركة نادرا ماتحسين بها مرة في جهة وبعد كم يوم بجهه ثانية لكن هم اثنين كلن واتجاهه ...حتى دقات قلوبهم مرة تحسينها مرات لا ...فلا تفكرين في ها النقطة كثير ابتتعبين ....عموما لي يومين ماحسيت فيهم ..أبد ولا كنهم ببطني ...فوسعي صدرك وتوكلي على الله فهو حسبك ...

[كيري]

[ام رضوي القمر]

ماتشوفين شر سارونه وان شاء الله فترة وتعدي والبنات ماقصرو