ديوانية البحرين - دردشة حوامل البحرين - البحرينيات

[أم الشيهانه]

المشاركة الأصلية كتبت بواسطة rose soul

أم الشيهانه..يا هلا ومرحبا فيج منورة..والله يتمم حملج ان شاء الله..ونتمنى مواصلتج على طول ^_^

..
انا اليوم تعبانة شوي..شكلة رجعت النساة مرة ثانية..وقمت ارجع وانتو بكرامة..واحس بدورة..
:(

هلا الغاليه تسلمين حبيبتي وياج يارب

سلامتج حبوبه

[soso84]

المشاركة الأصلية كتبت بواسطة أحلام أم

مساء الخير على عيون الحلوات ودبيبهم ههههههه
اليوم حدي ضايق خلقي
أمي شرعنها البارحه نوموها في مستشفى السلمانية وومادري حصلوا ليها سرير لولا أخرإتصال البارحه من الوالد يقول بيخلونها في طوارىء الأطفال لين مايحصلون سرير <<<هذي حاله عااد مالت عليه مستشفى
ضاق خلفي وولد إختي إللي تجوده كل يوم جابته إختي ليي وبس يصيح مو ساكت عمرة6 أشهر ونص الله يساعدني أشوه خدامتها وياه إنجان ويش حالي وهيكي بس تدور به متمرض مسكين
المشكله إني أمي الله يعطيها العافية تحط المأتم والعشرة يوم ثاني وفاة الإمام الحسن (ع) يعني أقل من إسبوع
إدعو ليها تطلع بسرعه من المستشفى ،من مرضت في العشرة بأعراض الزكام والكحه غربلوها بالأدوية والمضادات لين عفسوا بطنها وصادها ألم حااد في البطن مايوقف
شكله ولد أختي مستوحش على أمي كل يوم هي تعابله وتسبحه وتأكله وتناغيه وتشيله وتحطه واليوم ناكر وجودي تحته وبس يصيح وهو مايشوفني إلا في الأسبوع مرة

الله يشافيش يالوالدة البيت مايندخل بدونش ياحبيبتي

الله يشافيها ويرجعها لكم معافاة يارب.. عادي يختج السلمانية هاي حاالها.. انا رقدوني في الطواري 3 ليالي مع الرجاجيل تخيلي !!!!! ليما حصلو لي سرير في الجناح..
وعدل كلامج البيت ما يندخل بدون الام.. هي شمعة البيت .. الله يحفظ كل امهاتنا وحبايبنا يارب

[حنين للماضي]

صخة اش عندهم الدبادب؟؟( اله يسمعني جني زيتونة الحين)

حبية حسوني ماعليها شر امش العودة وربي يشافي كل مريض بحق هذه الليلة العظيمة

ها فلونة تسمعتي السيد؟؟

سوسو وام شيهانه انتو في اي شهر؟؟؟
سوو لكم تكر عشان لا ننسى

رومانسية حياش الله حبيبتي
وهاي من ذوقش
ابقي معانه وخلينا نتعرف عليش اكثر

روز الله يعينش على النساة صدق شيء كريه

[حنين للماضي]

توه مكلمة ابوي وكنت داخلة الحمام اشغل الغسالة وصوتي صار في صدى
تخرع ابوي عباله في المستشفى
هالاسبوع بيتنا مو في دنيا من يتصلون ومارد يقولون اكيد رحتي المستشفى
(بيني وبينكم ساعات اقول جان زين مايخلص هالشهر لأن الدلع زاااايد من القريب والبعيد حددده فن)

الحين عندي سؤال يسدح نفسه
يعني خلاص بصير ماما؟؟؟

[فلونة]

هلا حنوون .. اليوم الكل صاخ حتى طفلوو مسنفرة حدها وما دشت اليووم مادري شفيها للحين ويا هالجلابيات تقولين الملكة نورة ادور لهاا فساتين :p

اييي تسمعته ويا سبحان الله كنت شايلة هم الوزارة لانه الاحد يبوني وخايفة اروح لهم ويجوفوني بدبتي وكالعادة يتفلسفون علي .. جني مسوية جريمة بس احين الحمدلله قاعدة اكل برتقالة وللحين ما سويت العشى
وانتي للحين مو مصدقة ان بتصيرين ام .. انا كل ما تكبر دبتي اقول حق زوجي يعني صج انا حامل :p جنه حلم الله يتمم لنا على خير ويعطي كل محرمة بحق هذي الليلة

[فلونة]

انا قبل ويا اختي نفس الشي .. بس دشت التاسع اتصل لها واذا ما ترد اتصل حق امي وين اختي في المستشفى :p
وساعات اقهرها اذا ترد على التلفون اقولها وانتي للحين ما ولدتي

[فلونة]

شكلي اتحجى بروحي
باقوم اسوي عشانا،، هالتبولة صار لي ثلاثة ايام ماخذة بقدونس وللحين ما سويتها
برب

[حبيبة حسوني]

ياربيييييييي ويش اسوي يابنات
حطيت التحميله من قدام واكو ميته منها تحرقني حراق
رحت الحمام الله يعزكم والا هي دابت نصها وطاحت في المرحاض
حتى خفت شفت في الكيرفري شويه دم وميته من الخوف ويش اسوي في روحي
ادعوليي الله يسهل عليي ويخفف هالالام عني بمووووووووووت من الوجع شكلي لابيفيد ويايي لاكريمات ولاتحاميل لين ماولد

[بنوتة حلوة]

يوووووو هم قالوا ليش حطيها من قداااام ؟؟

أني خب الكيرفري ايام البواسير كلللله دم ذكرتيني الله لا يرجع ديك الأياااام ..
وحدة في عائلتنا ولدت جابت عمااااار حدي مستانسة ليها ومنقهرة ان باقي ليي شهرين .. طبعاً اذاااا كملت التاسع بسلام ..
ويح قلبي مسدووووووحاً

طفطف بعدهي تفتر في سوق المحررررق وشكلها في طلعتها قالت خلنا نمرر سووق المنامة تدوور هالدشاديش عاد..

اليوم رجلي يقوول خلنا نروح نشتري سرير للجاهلة انجان اقول ليه مااابي اليوم << متخلفة!!!
نوع إلا جاية في بالي فكرة اني ما أشتري سرير أحين وأخلي السالفة لبعدين عقب الولادة .. ويش رايكم ؟؟
لأن بتكون عندي ليها سلة .. وأحس مابي احطها على سرير لين نايمة يعني إلا اذا السرير الرخيص دا اللي على شكل سلة وليه ستاند يعني لين بتنام .. وبقية الاوقات وياي يعني ماتخيل روحي اني في مرقد وهي في مرقد شلوون بحس حق حركتهااا لين جدي ...
شرايكم انتوووون وخاصة أهل الخبرة ؟؟؟؟

[شمس الصباح]

سلاااااااااااااام قلت أدخل أشوف أخر اخباركم

حنون ولدي الحين اشوه بس مسكين في الليل اسمعه يساعل وبلغم عنده والي ألحين ما ياكل شي حده لقمة ويقوم

ام خليل اي والله اكره شي الأنتظار اليوم ولدي الصغير يقول لي ماما انتي ما ولدتين للحين اني غصيت باللقمة ااااااااي قلت في نفسي كفايه ابوه بعد يجي الياهل ويكملها كانه بكيفي متى اولد

حبيبة حسوني لازم تحرق التحاميل بس الدم ما ادري عنها شي اذا استمر روحي المستشفى وما تشوفين شر

فلونة لا تحاتين اذا الله كاتب ليش الشغل بتحصلينه غصبا عنهم

يالله أخليكم الحين واشوفكم بكرة

تصبحون على خير