هنا تجمع حوامل وبنات منطقة تبوك .....

كل دنيتي خالد · 06-04-2011, 02:07 PM

مساء الخير كيفكم جمعيا
هلا فوق مستواك والله ابدا بخير والله مااحس اي الم الي احس فيه نغزات زي الابر تحت بس لكن الم مغص وظهري لا لي اسبوع بتاسع ونفسي اولد قبل اهل زوجي يجون ابي اترتاح
وصايره امشي وربك يسهل ويهون يارب
مشكوره ياقلبي ع السوال
انتي كيفك وكيف مشعل

ام لارااا · 06-04-2011, 03:19 PM

فووووووووق لامستوااااااااك ماتخافين من الهواء يدخلك
لسى انتي رطبه ع قولهم

ام لارااا · 06-04-2011, 03:26 PM

الله عندنا علوووووووم غيركم
الوحده تظل ع الرشاد والعسل طول العشرين يوم الاولى
والعشرين الثانيه تطيح في الاعشاب الشمر واليانسون والحلبه
وطول الاربعين فطير بلدي الصبح مع سمن
وماتاكل رز عشان البطن والغداء مرقه لحم او دجاج مع خبز فتوت
والعشاء عصيده والا فطير بعسل
وتشرب طول اليوم اشياء دافيه
وماتتتعرض للهواء البارد
وغير الكبو
الله والله ايم النفاس حلوه ماتطلعين من البيت الا وانتي بنت بنوووووووت ههههههههههههه

قريب الاربعين بيوم او يومين تصبغ شعرها وتسوي بخار ودلكه سودانيه
وتتنقش وتكون مقضيه قبل الولاده الفستان والقمصان لزوجها
وتروح له وهي عروس

تتخيلون طول الاربعين مايقرب مني زوجي بس تعذيب عشان يصير عريس ع الاربعين خخخخخخخخخخخخخخخخخخخخخخ

كل وحده تقول وش تسوي في الاربعين نتشابه في العادات

فوق مستواااك · 06-04-2011, 07:02 PM

خخخخخخخخخخخخ والله مطنشه بالاعشاب وغثتهم .. الا سفوف اخذه العشرين الاولى وثاني العشرين الاخيره.. واغسل بقشر رمان .. ووووووووبسسسسسسس ليه اكثثثثثثرررر احس كثرتها مالها سنع ؟؟

كل دنيتي خالد الله يسهل عليك.. والله حنا تمام وكل يوم بسووووووق الله يسهل

الحب المستحيل2000 · 06-04-2011, 07:55 PM

اقتباس:

المشاركة الأصلية كتبت بواسطة فوق مستواااك

بناااااااااات الحمدلله ولدت يوم الاربعاء الساعه 12 بالليل .. بالمستشفى العسكري
وجبت احلى مشعل .. عقبااااااااالكم يااااااااااااارب..

ألف ألف الحمدلله على سلامتك اختي ربي يحفظه لكم

و دعواتك لنااا

ام لارااا · 06-04-2011, 08:51 PM

صباياااااااااااا
ادري طفشتكم عرس اخو زوجي قرب
وجات في راسي فكره اسوي لبنتي زفه
بطبع في اوراق شعر مدح منها لعمها واوزعها
وبشتري صواني شكولاته واوزعها
المشكله اني نفسي في تحف ودي تحف بالجمله وتكون رخيصه في تبوك
والله اجلت المشيه للاثنين عشان احد يرد علي منكن
وين القى التحف الصغيره ممكن تتوزع بالجمله او بالحبه
ساعدووووووووني ودي بنتي تتميز اه اكلت قلبي هالبنت احبهااااااااااااااhwam l84

الملاك · 06-05-2011, 05:44 PM

السلااااام عليكم.....

كييييييييييفكم.؟؟؟

هلاااا ام لااارا فيه عينات عطور صغيره من اصناف ابو نواف يطبعون عليها الاهداء وفي علب صغيره وانتي تختاري اي عطر تحبيه... ويحطووه بسله

وشوفي الحارثي عنده علب توزيع ...

وشوفي شهد للحلويات...

هذا الي اذكره حاليا اتمنى اني افدتك...

الملاك · 06-05-2011, 05:49 PM

فووق مستوواك طمنيني كيف شعول الحين...؟؟
وانتي كيف خياطك؟؟
الحمد الله يارب انا جرحي التئم خلااااص...بس خاايفه يكون رحمي به هواء لان بصراحه اعشاب شربت اول 15 يوم بسسسسسس ...بعدين خلاص ماعاد شربت اعشاب لا وطلعت للرياض بعد ...امس رجعت.. كملت باقي اربعيني عادي والله اني خايفه حيل ان يكون داخلني هواء...

الله يكتب لنا الي فيه الخير...

الملاك · 06-05-2011, 06:02 PM

كل دنيتي خالد..... الله يقومك بالسلامه يارب

تروشي في الماي الدافي وحاولي يكون على بطنك وعلى ظهرك...

وامششي كثير وكثري رطب ..

وبوقت الطلق اشربي ماي دافي وكثري فيه العسسسل..

لينوو" · 06-05-2011, 07:19 PM

مسا الخيرر كروشات
بالله اللي تعرف مذركير مسوي تخفيضات ولا لا تخبرنااا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل	warka	ملتقى عضوات حوامل	7	06-22-2012 09:12 PM
منطقة تبوك	احبتي الثلاثة	المـنـتـدى الـعـام	18	01-04-2012 01:19 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
تجمع حوامل صفروربيع اول	حياتي عيالي	إستفسارات حوامل من الشهر السابع إلى الشهر التاسع	1	01-23-2011 09:03 PM