تجمع الحوامل اللي ولادتهم في صفر 1434هِ

[اروي يقيني]

لاحبيبتي لاتروحين لو تحسين في ضرر واحد بالمئه لاتروحين

لين ولدتي سوي الابتسوينه حبيبتي

[ياهم ربي كبير]

للاسف ماقدرت اروح :(
الدنيا مطر ورياااااح مالها نهاية
أجلته لتاريخ 25 يونيو

ميسوو هذا السؤال كان يجول بخاطري بعد
مادري لو عادي او لا ، رح اسأل الدكتورة ان شاء الله

وبعد في شيء ثاني ابغى اتأكد منه
سألت الحوامل بدردشة الحوامل عن صبغة الشعر
في اللي قالو احنا صبغنا اكثر من مرة بالحمل وماصرلنا شيء
وفي اللي قالو اتركي الصبغ عشان ممكن تأذي
بس انا عندي مناسبة بداية الشهر الجاي ، وودي اصبغ شعري !!

[اروي يقيني]

انا من اللي صار لي ذيك المره خفت كنت يوم حامل بولي الله يرحمه

دائماً كل شي اقول عادي عادي وفي ناس سوو وماصادهم

وبعدين النتيجه سبب له تشوهات

من جذي هالمره مابي اجازف ولابأي شي

الحمدلله يارب أتمم لنا على خير

وكلها جم شهر باقي ونخلص اتحملو عشان البيبي

[مهرة]

عادي حبيبتي عندك وقت لصوم لسي بدري وعندك 4 ايام موكثيره ان شاءالله تخلصيها
بالنسبه لجنس الجنين يبين بالرابع

الغازات انا كنت اشربها بحملي وللحين اشربها والحمدلله ما احس فيه ظرر

زينب اكيد خير لك انك مارحتي ربي سخرلك الامطار اكيد حكمه وان شاء الله تطمني قريب

[مهرة]

زينب بس الافضل انك ماتسويها بشهورك الاولي اقصد الصبغه

[رسال]

السلام عليكم
مرحبا كيفكم

انا مثلكم مسويه ليزر والان طلع واكثر شي مضايقني منطقة الموستاتش ( الشنب) :)
وسبق قريت انه اذا كان بعيد مايضر
بسأل دكتورتي وعساني ما انسى لانو كل مره انسى وش بسألها

زينب خيره الله يكتب اللي فيه خير

[رسال]

والصبغه لا تجازفين
عادي مو طايحين يصبغون اطراف الشعر :)

ليالي ومهره الشيبس يسبب احتباس السوائل بالجسم وبالتالي يسبب الزلال اللي هو تسمم الحمل
ويسمن من غير فايده
انا مره انهبلت فيهم لكن احاول والدكتوره خاصمتني

[ياهم ربي كبير]

يعطيكم الف عافية بنات

ان شاء الله بفكر في حل حق شعري
لان العرس اللي معزومة عليه حريمي وودي ابين شعري بس فشلة الصبغة الماضية نزلت و صارت لين الرقبة خخخخخخخخخ

[ياهم ربي كبير]

مهرة
توقيعك مايتحرك ، لان المفروض تكونين بالاسبوع الـ 12 او دخلتي بالاسبوع 13 !!

[ليالي حب]

تبين شوري لا تصبغين يضررر
انا سالت طبيب عن تشقير حواجب رفض