تجمع حــوامل التوائم

[ام رضوي القمر]

هلا حبيبتي حياج الله معانا

انا بعد جديدة معاهم وللحين ماحفظتهم زين :)

كان على بالي اسمي يارا ويوسف ااذا بنت وولد خخخ بس غيرت راي عن يارا وصار خاطري اسمي شهد

[أم ياسمين]

ماء الزير:انا كانت عندي ثلاث بويضات بس سبحان الله اللي تلقحو بس بويضتين وكله رزق من رب العالمين.
نواعم النعومه وورود من نور اله يسهل عليكم و يقومكم بالسلامه.

[أم ياسمين]

ساره لا توسوسين وايد ترى مو زين خلي كل شي على الله سبحانه عادي حركتهم تشد و تقل المهم تحسين بحركه انا اللي في بطني ما يرافسون كلش بس احس بحركتهم.
زودالغلا :الله يطمنج حبيبتي .
محجبه:خخخخخخ الله يصلح ولدج بس.
نبع الكوثر:لا تخافين المنشطات عاديه وما تسوي شي ليش انتي خايفه منها اذا تبين توكلي على الله انا من المؤيدات.
متلهفه لحظوركم:بعد قلبي الله يعينج و يريح بالج.

[أم ياسمين]

اله يسهل على الكل انشالله
عشمانه في ربها انتي الظاهر ما تاخذين مقوياتج انا صار فيني مثلج بس في ايدي تعورني و تطقطق لاحظت ان من اول ما وقفت الحبوب بدا معاي الالم اخذي مقوياتج بانتظام توج اول الطريج.

[أم ياسمين]

قمرين الله يعينج.
انتظار:لأ من تقعدين ساعتين ربع ساعه كافي و لازم يطلع اشوي بعد الجماع السائل بس مو مشكله صكري ريلج حاولي ان ما يطلع.
توأم روحي:بعد قلبي زين طمنتينا عليكم الله يقوم عيالج بالسلامه ميخالف يبيلهم وقت و الله كريم لا تنسين اهم يايين وايد مبجر مستعجلين على الشقا في هالدنيا الله يشفيهم.
بنوته مغتربه:لا تحاتين حبيبتي كلنا خوات.

[أم ياسمين]

توينز اذا مواعيد الحكومه تطول روحي استشيري دكتور بالخاص اهي مشكله التوم ان ما تتوقعين متى ايون انا عطوني ابره الرئه و مثبتات و كانو متوقعين اولد بالسابع كاني الحين بالتاسع و مو راضين اليهال يطلعون لزقو والابره اذا ما نفعت ما تضر والدكتور يعطيج ياها اذا حس انج راح تولدين مبجر.

[أم ياسمين]

توينز ترى حتى بالخاص الابره مو غاليه ابدا لأنها اساسا كورتيزون.
يارا ويوسف:حياج الله يالغاليه.

[يارا ويوسف]

مشكورة اختى ام ياسمين

[زود الغلا]

السلاااااااااااااااااااام عليكم
محجبة ............تستاهلين الهدية .... على هالموقف ...شقالولك عن روس البيبيات ؟؟؟
ام ياسمين ........... شخبارك ؟؟؟
اليوم رحت لموعدي .......الحمدلله كل شي تمام بس روس البيبيات فووق وسالته عن ابرة الرئة قالي مايحتاج بس انا حنيت علية قالي الموعد الجاي نتكلم في الموضوع وعطاني موعد بعد شهر تخيلوا يعني قبل لا ادخل التاسع بعشر ايام .

[زود الغلا]

توام روحي .....وينك يا قلبي والله خوفتينا عليك ... الحمدلله الله يطمنك عليهم وتشوفينهم بينكم يارب .... كم اوزانهم ان شاء الله زادوا .