تجمع الكروشات اللي ولادتهن في رمضان 1433ه

[مناير999]

# ملابس الحمل

ملابس الحمل:
فيه في اغلب الاسواق محلات متخصصه للحوامل بتلاقين عندهم
ملابس مناسبه
لكن فيه محلات عندهم اقسام للحوامل مثل :
مذركير موجود في دبنهامز والرياض جاليري
اتش اند ام قسم الحوامل عندهم قطع انيقة
سيتي ماكس بناطل السكيني مريحه وحلوة للحوامل وبجامات البيت
عندهم روعه..
الجنزات خوذي تبع الحوامل تلاقينها عند : H&M - مذر كير -
ليندكس
وفيه محلات عندها قمصان قصات واسعه تصلح للحوامل خاصه
اللي بالشهور الاولى
مثل مانجو عنده قطع تنلبس مع بناطيل تجيك واسعه وموديلاتها
رسميه شوي
توب تاتو عنده فساتين ناعمة
بيرشكآ وبرمود و ريفر ايلاند.. وزارا وأنوتا عندهم اشياء حلوه
قطع قصتها واسعة وتصلح للحوامل.




خلطات شعبية:
للوجه:

-قناع العسل والخميره والزبادي

للكلف وسمار الرقبة:
اسكينول بالليمون وبعده فير اند لفلي اوكريم جونسون

للجسم:
-حطي زيت الزيتون في علبة بخاخ وبعد كل استحمام ،
بخي على بطنك وجنوبك

- زيت اللوز للجسم النتيجة بياض وصفاء بشرة كأنها بشرة طفل

-زبده الشيا يستخدمونها بالحمل وبعد الولاده عشان التشققات,
ناس تستخدمها خام وناس تخلط معها زيت زيتون ..

-زبده الكاكاو يخلط معاها زيووت جونسون وزيت زيتون .

-مقدارين من الفازلين مقدار من زيت جنين القمح مقدار من زيت اللوز
المر تخلطين الزيوت مع الفازلين لين يصير قوامهم مثل الجليسلوليد
يعني مو سايل مره .

-الخلطه الصابونيه + الترطيب ,الخلطه الصابونيه مكونه من
( صابونة اللبابايا + صابونة الكركم + صابونة الطاؤؤس + صابونة الغار )
تبشرينهم كلهم وتخلطين معهم ماء ورد الطائفي وتحطينهم بعلبه وكل مادخلتي
تتروشين تفركين فيهم وترطبين جسمك.

-الخلطه عبارة عن : (( جليسوليد نص العلبه تقريبآ + فازلين مايقارب ملعقه
+ زيت لوز مر تقريبآ فنجال او اقل بشوي + زيت الجلسرين تقريبآ فنجال
+ ماء ورد + عصير ليمونه ))


حل شعبي:
في لبنان يستخدمون لمحاربه التشققات عسل اصلي على الجسم .

[مناير999]

توت ياعسل

لاشكر على واجب يالغلا
الموضوع جد عجبني لانه بالعاميه وكله اشياء موجوده عندنا مو الهذره اللي بالمواقع الاجنبيه المترجمه ...
يعني تجارب شخصيه لاحد الامهات وكله بالاسم ....
اتمنى الكل يستفيد منه ...والله يجزى صاحبته خير


طالبه الدعاء
اذا انتي مو مرتاحه لدكتورتك غيريها ...مهم تكوني مرتاحه مع الدكتوره وتكون نفسها زينه وتتقبل الكلام والاسئله
لان بعضهن عصبيات لاجلستي معها ضاع الكلام اللي بتقولينه

ومن ناحيه الحساب ماعندي فكره ...ان شاءالله البنات يحسبو لك مضبوط ...

[ام حماده1]

صباح الخير لناس الي غلاهم غير

اصبحنا واصبح الملك لله ....

صحاني نوني يرافس بعد قلبي الي يصحي ماما لصلاه وه اذ ما اعض رجوله متى بس
مين تبغى شاي حبق ومطبق ..

[اميره باوصافها]

اناااااااا
والا اقول بطلت فيني النوم بالعافيه عليك ام حموده
تمسون على خير

[ام حماده1]

اميره وانتي من اهلو
انا الحمدلله شبعااانه نوم
بس ماعندي مشكله افطر ارجع انام كيس نوم

[نور العيوووووون]

 ادعو الله لك في هذا الصباح : ان ينعم عليك بنعمة يعجز عنها شكرك ، وان يرزقك بصيرة ينير بها دربك وان يهب لك سكينة يشرح بها قلبك اللهم امين  صبآحٌ يدُق آلفرحَ بأنَّ گل مانملِكُ منَ اللهِ لأنفسِنَا لَم يرحَل صباحُ الحياةِ حينَ عادت لنَا بعدَ ممات صباحُ ( الشكر والإمتنان)، بأنَّنَا نستيقظُ على أمنٍ وأمَان ، وعلى صوتِ الأذان . . صَببآحكم خَير وطاعة ، 

[نور العيوووووون]

مناير مشكوووووووره على المعلومات الاكثر من رائعه وعجبني مرررره زيت الترطيب الي بالحبيب ودي اشترين احب الجسم دائم مرطب وعجزت بحملي ذا القى شيء يرطبه حتى زيت بيبي جونسونماعاد فادني
اننايله يارب يشفي بنتك والله الحراراه معاناه ولعب اعصاب

[نسمة دفا]

منور مشكورة ياعسل على المواضيع الحلوة فتحت 4 مواضيع وجالسة أقرأها

بحتفظ فيهم في ملف على الكمبيوتر

....

هيوف اللي لقت مخدة الحوامل مو أم سينا وهي بالشرقية مو بالرياض

[طير]

صباااح الخير








ام حمادة ... منورانا



مناير .. يعطيك العافية :)

# أكتئاب الحمل:
هو حاله طبيعية امر فيها الحامل بسبب تغير الهرمونات لكن هناك اشياء
تساعدك انك تتغلبين عليها.
أعراضه(ضيقه وتعكر مزاج أغلب الوقت ,افكار سوداويه,وسوسه وقلق,
تهويل الامور"يسوى من الحبه قبه",يصاحبه انعدام شهيه وارق
بكاء عند ادنى سبب او لالاشئ,تحسي انك مو فرحانه بحملك ).

اتوقع هالشيء عندي بذمة وضمير .

بس الحمد الله اقاوم بشراسة .. لدرجة اني اقرا نكت وانا لحالي خخخخ


واشغل قران في البيت .. قناة مباشر مكة .. او فور شباب للقران >>> شيء مريح للاعصاب



.::.





اشتريت ملابس حمل للشهور القادمة .. برمودا اسود .. وتنورة سوداء اللون

جلابية .. وبلوزتين .. وبجامة .. وملابس داخلية


>>>>>>>>>>> احسن شيء في الحياة الواحد يصرف فلوس خخخخ




.::.


هذي فكرة توزيعات مررررة عجبتني


موضوع نظيف :للهم أنبته نباتاً حسناً، واجعله قرة عين لوالديه واحفظه، توزيعات مولود - منتديات شبكة الاقلاع ®


.::.







ام مهند ..

عندنا وعندك خير

المنطقة الحساسة تئن وتشتكي .. ومعرفش اعمل ايه

استخدم ملح يوكو ... بس ما احس يكفي

قد سمعت كريم فيداوت .. للتفتيح .. جبته ولا قدرت استخدمه >> ريحته بشعة

استخدم صابونة زيت زيتون خاصة بالمنطقة من العطار .. بدال الغسول ما احبه ابدا ابدا

وبس :(

[نسمة دفا]

طالبة الدعاء انا دورتي نفس يوم دورتك

وكل يوم 23 من كل شهر ندخل شهر جديد

باقيلي 12 يوم وأدخل السابع بأمر الله

أنا حسابي متفق مع السونار ومع الدكتورة

.....

منور ياقمر شكلك سهرانة لوحدك طول الليل وجبتيلنا موسوعة مفيدة..الطفش والوحدة مفيدين بجد..يخلوكي تدوري على مواقع حلوة ومفيدة

يارب تفرحي بولادتك بالسلامة أنتي والبيبي وتكون عائلة سعيدة يارب

........