تجمع حوامل ليبيا

ام قصى محمد · 02-09-2011, 04:27 PM

قوليلى انتى شن تشتغلى بالضبط زايطه فى العمل هههههههههههههه انا دايره غداى طبيخه مشكله بيضا بالدجاج تفضلى

ام قصى محمد · 02-09-2011, 04:29 PM

بولينا مرحبتين يبك وطرابلسيه انشالله امورك بخير

غرام الغالي · 02-09-2011, 04:31 PM

ام قصي و محمد
الله ايخليك سخبارك
انا خايفة من الالتهابات هلبة لانه في البداية قالوا عندك و عطوني علاج لكن؟؟؟ خايفة منه
لو في حد صاره الالتهابات مثلي من البنات يفيدن؟؟
عاشقة البازين
الله يسترك انسيه نين تحصليه التوحم و الوحم مشكلة بجد
ان لما يسالوني شن تبي تقول ..... بيتزا.................ههههههههههههههههههه

ام قصى محمد · 02-09-2011, 04:31 PM

اقتباس:

المشاركة الأصلية كتبت بواسطة ميرنا

اية حبيبتى فى مضاد حيوى بودارة خاص بسرة النونو يبيعو فيه فى الصيدالية اشرى وديريه لها وما تخافى هذا الدم ممكن الديبر او الحفظات هم لى يحركو فى المسكة امتاع السرة اثناء حركت بنتك عادى جدا انا ديمة نشوف فى خواتى وصبيا خواتى نفس قصت بنتك وهكى ما يديرو بودارة المضاد الحيوى او التنتورة الموف يحطو فيها على السرة بعد ما تطلع دم

ايه الكلام الى قالته ميرنا صح البودره هذى زى السحر

ام قصى محمد · 02-09-2011, 04:33 PM

الالتهبات انا ذوبونى فى بنتى البكريه والله نقعد نبكى من الالم مافرحت بحملى بكل

عاشقة الصحراء · 02-09-2011, 04:33 PM

تسلميلي يا أم قصي ياقمر ... يالله معاش بنديرها وبنمشي هكي مسافات ..
تعرفي متضايقة من حاجة ومهبلتني حماتي اللي هي وحيدة أهلها ومواليد 84 ومش متزوجة
المهم جوها تمام معاي ونحبوا بعض وماشالله عليها إلا في حاجة وحدة .. مرات نحس فيها من كتر ماتحبني ولا مافهمتش شن نفسر تبي تتملكني .. ديما تحب تكون معاي وديما مع بعضنا حتى في الخدمة نخدموا مع بعض وكان مشيت لحوش أهلي تقولي نبي نمشي معاك وتخيلوا لما طلعت مع راجلي وقلنا ان يوم خاص بينا تغير شكلها وتضايقت وقعدت تقوللي باهي شن بندير من غيرك غدوة ... قلتلها عادي خودي راحة مني معليش يوم ويفوت .. وقبلي كانت مهبلة سلفتي بنفس الحالة لين جيت اني .. لكن سلفتي مشردتها أكتر مني كانت لأن تحب خوها التاني ومتفقين مع بعض اكتر من علاقتها براجلي .. المهم سلفتي مزينة وتقعد طول اليوم برا يعني مافيش عندها غيري شادتها في جرتي وتحب تعرف عليا كل شي وتحب كل شي نديره نقولهولها ومسكينة بالفعل تحبني ونحبها لأن لما تشوفني متضايقة ولا عندي مشكلة توقف معاي هلبا لكن خنقتني من كتر ماتلحق فيا في كل شي ... واني طبعا إلا في طلعتي مع راجلي مدايرة خط أحمر ومانقوللهاش تعالي معانا ولو قلتلها ماكانتش حتقول لا ... حتى اهلى لاحظو الموضوع ..
قولولي كيف ندير ؟؟؟

غرام الغالي · 02-09-2011, 04:35 PM

ام قصي و محمد
سلم ايدياتك على الغذاء
خطرتي عليا الطاجين الابيض بالدجاج
مرات الوحدة تحير فيه شن؟؟؟؟؟؟؟؟؟؟؟؟؟

غرام الغالي · 02-09-2011, 04:38 PM

ام قصي و محمد
المشكلة اني مش حاسة بيهن بكل الا لما كشفت عليا الدكتورة قالت انت كيف مش حاسة بيهن
شن الحل

ام قصى محمد · 02-09-2011, 04:39 PM

تعرفى هى مسكينه شكلها ما عندهاش اصحاب حاولى تخليها تكون صدقات بعيد عنك وانتى عوديها بشويش بشويش انك مستقله عنها ممكن هى تحبك ومفسره مشاعره غلط ومتمسكه فيك مره مره اطلعى مع راجلك من غير ما تقوليها وبعدين احكيلها وامشى لهلك وما تخبريها نين ترجعى هكى تفهم انك مستقله عنها ومثلا لما تجيك فى حوشك خليها تحكى مع خوها وفى نص الحوار اتركيهم وعدى اشغلى نفسك بعيد عليهم طبعا مع مراعاه مشاعرها بالابتسامه

عاشقة الصحراء · 02-09-2011, 04:39 PM

امممممممممممممممم جبتوا سيرة الماكلة ... لكن للأسف كرهت الدجاج بشكل غير عادي ومعاش نحب نشوفه حتى في الشارع ههههههههههههه
حبيبتي أم قصي انا نشتغل في مكتب خدمات تعليمية يعني نراسل في الجامعات اللي برا ويردوا عليا بالقبول ونكمل للطالب اوراقيه المطلوبة باش تخش للسفارة وتطلعله التأشيرة ويتوكل ..
وقرايتي بتبدا يوم 1/ 3 انشالله علي خير