دردشة بنات المدينه المنوره - تجمع حوامل بنات المدينه

[Reema2011]

الحمدالله على سلااااااااااااااااااامتك أميرة

وألف مبرووووووووووووك ياالغلا
وتتربى بعزكم إنشاالله

[ايس كريم]

الف الف الف الحمد لله على سلامتك يا اميرة ومبروك البنوته الله يجعلها من عباده الصالحين وينبتها نباتا حسنا يارب
والعقبى للباقيات

[أميرة بعزتي]

بسم الله الرحمن الرحيم


مساء الخير لكل المتواجدين واللي حيكونوا معايه اليوم ويقرأوا قصة ولادتي


طبعاً أنا سبق لي وولدت كذا مرة ولله الحمد بس هالمرة غير كل مرة


نبدأ من يوم السبت اللي كنت باموت من الطفش فيه وباطق من الزهق والضيق على 2 الظهرية اتصلت على امي وقلت لها تعالي تغدي معانا هههههههه المضحك انه احنا كنا اتغدينا اصلاً بس أنا ماادري كيف اتحجج واقولها تعالي مع الظهر لأنه زوجي كان حيروح الدوام الساعة 3 ومايرجع الا 11 الليل المهم امي قالت طيب خلاص ارسلي زوجك يجيبني عندكم ورط زوجي وقالي الله يرجك الحين تعرف اننا متغديين قلت مو مشكله جيب غداء معاك لامي ولبنتي الكبيرة لأنها ماتغدت معانا المهم طولت الهرجة عليكم بس أنا كنت واعدتكم اني ارجع واحكيكم التفاصيل كاملة راح زوجي يجيب امي ودخلت على القروووب واخيراً اتصل النت معايه فرحت ولقيت ورد المدينة الله يسعدها سلمت عليها وسألت عن البنات وكانوا يحسبوني ولدت طمنتها وقلت لها اني غبت بسبب النت واني حارجع واكلمهم قريب جات امي ومافي شويه بعد ماجات اتصل اخوي وكان نازل من ينبع وتوه وصل المدينه وقال انه جاي وبيجيب غداء وصار المطبخ مليان من غداء المطاعم خخخخخخ أنا مع القومة والجلسه حسيت باآلآم ببطني زي الحزام تمسكني وتفك وكنت مشغوله ماهتميت بالاول سبحان الله لمن نسيت الولادة جاتني المهم بعد ماتغدوا ضيوفي وقهويتهم وانا كنت احسب الم بس مابينت ابداً لاحد جلسنا بعد المغرب نهرج ونضحك وانا احس الالم كل ماله يزيد وانتبهت للوقت لقيته كل 10 دقايق يعني منتظم هنا بديت اقلق واتوترت وكنت خايفة يبان عليه شيء وانا مع كل الم اشرد على المطبخ او اقوم اسوي أي شغله عشان مايبان على وجهي المهم راحوا من عندي على الساعة 8 العشاء وقمت سويت عشاء لاولادي والالام صارت لا تحتمل اتصل زوجي يطمن قلت له معايه الم بس باصبر لحد ماتجي البيت وقمت ابغى انام شوي ههههههههههه عشان اتأكد لو صحاني الالم من النوم فهي ولادة بلا شك خخخخخ ادور عذر يبعدها عني شغلت سورة مريم بصوت الشيخ ماهر المعيقلي ونمت شوي الا الله لايوريكم الالم يصحيني من عز نوم وقمت لقيت الساعه 10 ومسكت الاب توب ابغى اكلم البنات بالقروب او المنتدى عشان يدعولي والشبكة مافي كنت احس اني باموت من القهر وقت اللى ابغاهم مالقيت الشبكة شوي زاد الالم وصرت شوي واصرخ اتصلت على زوجي وقلت له مااقدر اصبر الحين تعال احس اني باولد قريب قالي انتظري مابقي شيء عن 11 قلت لأ مااقدر الحين تعال بصراحه الخووووف كان مسيطر عليه اكثر من الألم عاد ابو الشباب يومها سيارته مخبطة واخذ سيارة خويه وجاني فيها رحت على مستشفى الولادة الله ياخذهم والاقي زحمة وطوابير قدامي واقولهم عندي الم ولادة تقولي استني بالاستراحة قبلك في كثير تخيلوا اطالع الاقي الدكتورة الحمارة باكستانيه ومع كل مريضه تدقها هرجه وسوالف أنا رحت عشان اعرف الرحم مفتوح ولا لأ ويصرخون على الحريم الممرضات وماعندهم الا روحوا على الاستراحه والاستراحة مترين في متر قمت وخرجت على بره وزوجي يسالني ايش صار كنت معصبة واتكلم واقوله ابطلع ماراح انتظر اروح على المواساة واكشف وزوجي مستبعد مشوارها ويكون لسه مافي ولادة سمعتنا وحدة ممرضه من برى ونادتني تقولي ايش عندك ليش معصبه قلت لها القصة ولمن عرفت انه عندي ولادات قبل راحت معايه على طول ونادت وحده من الممرضات وصارت تعبي الورقه بياناتي ولمن خلصت قالت لي شوفي أنا دوري خلص كذه الله يعينك على بال ماتجي الدكتورة وتكشف عليكي سالتها ليه قالت هذه الدكتورة الباكستانيه تموت على المريضه وتجلس ساعه تهرج معاها قلت لها كيف يعني اولد وهي ماجات قالت والله زي مانتي شايفة ياليت لو تشتكونها أنا انتظرت اشوي واسمعها عند السرير اللي جنبي وتسالها ايش مشكله متى اخر دورة الاقي الحرمة مو ولادة توها لها شهرين بس حامل وجاها نزيف ووقف والحين جايه تتطمن طيب مينا ولى بالكشف احنا او هي وجلست اكثر من 5 دقايق تكلمها وانا ابنفجر بس سبحان الله ماادري كيف صبرت بعدها قلت حاتجيني تكشف عليه الا اخذت مريضه ثانيه وحطتها على نفس السرير فتحت الستارة اطالع ابموتها بس الحياء ردني أنا تعبانه وهذه الحرمة مافيها شيء مااسمع لها صوت وانا ازن واون بس الله كان له حكمة تخيلوا الحرمة الرحم مفتوح عندها 9 سم سبحان الله على صبرها بس هديت كثير لمن شفتها قلت ولا صوت ولا شيء وهي منتهيه جاتني الباكستاني هوانا من كثر ماني حاقده عليها اقول بنفسي ليه ماخليها تكشف علي وبعدين اشوتها برجولي عشان انتقم منها خخخخخخخخخخخخخ احس اني مجرمة بس بعد الكشف قالت الرحم من 5 الى 6 سم هنا خفت مووووت وخرجت على مسئوليتي وعلى المواساة وياطول المشوار والالم صار فضيع مع الخووووف وصلنا هناك على الساعة 12 وربع و مالقيت الا هاله شوقي وكشفت قالت الرحم 6 سم وطلعت على فوق ماادري وين بس كنا راكبين مصعد ودخلنا غرفة الولادة وزوجي كان معايه هو هذا الشيء الجديد في ولادتي بس المسكين لمن شاف سرير الولادة قالهم هنا تولد قالت السستر ايوه التفت عليه وقالي انتي بتوريني كل شيء لا باطلع قلت له لأ هذا انتظار والكشك جووه وصدق أنا من قوة الالم طلبتها الكمامة قبل تطلع الدكتورة ووصيت زوجي يكلمهم على ابرة الظهر واشفط من الكمامة الللي اول مرة اتشرف بمعرفتها وادوووخ واسمع الناس تهرج حولي وانا احس اني اطير واسمع زوجي يقولها تبغى ابرة الظهر والدكتورة تقول على بال ماتنزل تاخذها تكون ولدت تحت وانا ابغى اعترض بس الكمامة موديتني بعالم ثاني واقولهم لا لا ومااحد معطيني وجه واحس بكل الالم طبعا بس ارحم من مااكون صاحية وولدت وهم يقولون ولدتي وزوجي ياحرام يقولي خلاص لاتبكي ولدتي واقولهم كذابين تضحكون عليه هههههههه واذكر كاني امسك بطني ابغى اتاكد وماسبت الكمامة الا بالقوووة احسهم فكوها من يدي بالقووووة ودايخة ومافقت الا بالغرفة كنت فيها الساعة 1 ونص نمت الين الفجر ولما صحيت بديت استوعب اللي صار وحسيت بالفشيله من اللى سويته وانا اصلاً مو متأكده أنا سويت كل هذه الحاجات ولا لأ لحد ماجاني زوجي الله يخليه ويحفظه ليه الصباح وصار يقولي ماسبتك حتى وقت الولادة يالله مادريت انك كنتي تتعذبين الا الحين لو ادري ما خليتك تحملين وشوي شوي طلعت الفضايح الا يقولي ضربتيني اول جمع بصدري والممرضات يضحكون عليه يقول ومسكتك باهديكي الا والجمع الثاني ببطني هههههههههههه شكلي كنت حاقدة عليه واللى يضحك سمعته يقول للدكتورة هو كل الحريم زي كذه وقت الولادة يتعبون مع انه الدكتورة اخلاقها كويسه وتعاملها عسل بس ضايقتني لانها تقوله لأ مش كلهم بس مراتك بتدلع شويه والحمد لله بدون خياطة ولا شيء قالت لي ابدا ً ماكنتي محتاجة خياطة لا داخلي ولا خارجي ماشاء الله المنطقة عندك ملمومه كويس طبعا ً أنا ماصدقت بارتاح من الهم شويه وقلت لها طيب أنا لو كنت ابغى خياطة كيف قالت لي بعد الاربعين تكشفي وتشوفي اذا محتاجة ولا لأ مع اني ماانصحك ابداً لانه الوضع كويس جداً على كلامها وامانتها عاد الله اعلم بكرة يبان كله بس أنا مو زعلانه لاني احس انه زوجي متغير 180 درجة وكاني اول مرة اولد ندمت كثير صراحة لأني مااخذته بولاداتي اللي قبل والتكاليف كانت 2625 ريال مع 70 للكشف وفتح ملف طبعا ً2500 الولادة و125 للحضانة واكلهم رائع ويفتح النفس والاحلى من كل ده تعامل الممرضات معايه يقوموني ويودوني الحمام ويساعدوني بكل شيء ولمن اطلبهم تجي والضحكة ماليه الوجه والحمد لله جابولي رسوله حبيبتي وشفتها دعواتكم ليه ولها وانه الله يديم السعادة على بيتي وزوجي واولادي وعقبالكم جميعا ً

[أميرة بعزتي]

الله يبارك لكم جميعا لكل اللي باركولي واتحمدوا على سلامتي وسامحوني مارديت عليكم وحده وحده بس والله من التعب وبكاء النونو كمان بس لي رجعه واعوضكم ان شاء الله

[Mish]

صرآحة قصتك خطيرة يآ أميرة .. و أحلى مآفي الموضوع إنك تحكي بالتفصيل ..
و أنا أمووووت في القصص إللي فيهآ تفصيل ..
و الحمدولله مآشآلله تبآرك الله إنو كآنت ولآدتك سهلة الحمدولله ..
الله يخليلك زوجك و يحفظلك رسوله و بزورتك كولهم يآرب ..

[Mish]

اليوم روحت النور مول مع مآمآ و أخوآتي ..
و إشتريت من بيت الجلآبية روبين حلوة نآعمة حقة إستقبآل الضيوف إنشآلله ..
و وآحد حق التبريد الصبآح ولآ العصر كخخخخ
و روحت سنتربوينت سألت عن وشآح الرضاعة قلي مخلص روحي شوفي إللي في عآلية المدينة ..
فإنشآلله بوكرة رآيحة مع مآمآ و أخوآتي أشوف إزآ ألقى يآرب ألقى ..
وووو بس

[مدام الهام]

حبيبتي اميرة الحمدلله على سلامتك والله اكشن ولادتك يضحك بس الحمدلله ربي يسرها لكي وولدتي وارتحتي وعقبالنا يارب

[مدام الهام]

ميش كيفك ياميش فينك فاقدتك لما ادخل مالاقيكي ----------روحتي للنور فيلو حاجات حلوة احتمال بكرة اروح

[Mish]

أهلين إلهآم .. والله مآشآلله ليآ كم يوم أنآم نوم فلة جآيبة العيد ..
أصلن حتى دحين مسطولة بس مآسكة نفسي شوية ..
إيوة والله روحت بيت الجلآبية لقيت عندو أروآب نآعمة إشتريتلي 3 ..
وإشتريتلي كم غرض من سنتربوينت ..

[sho_sho]

حمدالله علي سلامتك يا اموووورة
وربي يديم عليكي الصحه والعافيه انتى وزوجك وأطفالك
وان شاء الله علي طووول مبسسسوطين يا رب
وعقبال الكروشات كووولهم