تجمع حــوامل التوائم

[حنان الهاجري]

ام ياسمين الله يعبنج سبحان الله الواحد يوم يشوف حد نفس حالته واكثر يهون عليه اللي هو فيه
ربي يكتب لج ولادة سهله ميسره يا رب
انتي كيف عرفتي ان الرحم فاتح عندج ؟


قمربن 2
اهئ اهئ تعالي نصيييح انتي بشو حاسه انج بتواصلين للاسبوع ال 38 ؟ ولا قبل
انا عندي احساس باذن الله اني راح اربي هالاسبوع او اللي بعده

[قمرين 2]

هانت يا أم ياسمين ما بقا شيء خلاص بس والله هذا اللي أنا خايفة منه الله يعينا بس ويسهل ولادتنا انشاء الله ما يخلص ها الاسبوع الا انتي والدة وأمانه تبشرينا لا تتأخرين علينا

[أم ياسمين]

حنان :عرفت الله يسلمج لاني كنت رايحه مراجعه عند الدكتور عادي فشاف ان ظغطي مرتفع قالي دخول على ملاحظة الولاده على طول بنعطيج درب اذا ما نزل ظغطج انولدج و اهني فحصني فحص داخلي ولقاني مفتوحه 3 سم وقالي اغلب الحمل في توم من الشهر الثامن ينفتحون من 2 الى 3 سم لان يكون ثقل على الرحم بس ما يكمل يفتح الا وقت الولاده بس الحمدالله لمن نزل ظغطي صعدوني الجناح و بعد 3 ايام طلعوني.

[قمرين 2]

حنان الهاجري
والله ما عندي احساس بوعد ولادتي ولا أفكر .. لكن لما سألتيني توقعت اني يمكن اولد في الاسبوع 37 يعني اسبوع العيد او الاسبوع اللي بعد العيد هذا توقع والله أعلم

[أم ياسمين]

انشالله يالغاليه تامرين امر.

[أم ياسمين]

يالله حبايبي اخليكم الحين اروح اسوي العشا وانوم ياسمينه اشوفكم على خير بنات باي.

[عذب]

مساء الخير ياحلوات

[نـــــــارا]

ام الحلوين... أنا بخير حبيبتي ونونواتي بخير بس مطفشيني... وداعاً للنوم..حليب وحفاظات

محجبة... أنا نفسك كنت خايفة من الكورسيه ألبسه.. بس الدكتورة قالت لي أفضل لأنه يساعد على التئام الجرح.. أنا لبسته ثالث يوم بس ما قدرت لأن الحكة كانت ما زالت فيني بسبب الكبد .. لكن بعد 5 أيام لبسته ومستمرة عليه طول اليوم بس بالليل أشيله
والمشد اللي عندي شريته من سنتر بوينت.. عندهم نوعين وأنا جربت النوعين.. اللي جاي لونه بيج وسعره أرخص أفضل من الأغلى.. ما ادري بس أنا ارتحت له أكثر.. وأول الأيام كنت أخلي المشد فوق ويوم ورا يوم أنزله شوي شوي لحد ما صرت أغطي منطقة الأرداف وألبسه عدل ويغطي الجرح بعد.. وبالعكس أول ما ألبسه شوي يضايق بس بعدين بسرعة تتعودين عليه.. وبالعكس يساعد على الحركة... يعني أنا مستحيل مع العملية أقدر أنقلب على جنب أو اتحرك بحرية لكن مع المشد ساعدني على الحركة بحرية... ألحين تركت المشد وصرت ألبس الكورسيه اللي جاي مثل الشورت أو البكيني..من ناعومي وهذا مريح جداً ويشد البطن عدل.. بس ما بديت ألبسه إلا من يومين يعني بعد العملية ب15 يوم تقريباً

غلا القصيم.. مشكورة حبيبتي وعقبالج.. بالنسبة لجسمي.. أنا ما سمنت بصراحة فترة الحمل ما غير الكرشة اللي صارت شكبرها بالعكس أنا ضعفت عن قبل.. بس دبتي شكبرها
بعد الولادة الله لا يراويج.. ما بحبط معنوياتج.. بس الكرشة صارت كلها جلود ومنكمشة على نفسها ومترطرطة وكأنها جلي تتهزهز ومهترية.. بس الحمد لله يوم ورا يوم تصغر.. حتى أول يوم ما قدرت ألبس البيجاما بس ألحين البيجاما واسعة علي,, وخاصة مع المشد بطني شوي شوي جالسة تشد.. أهم شي ما تهملي نفسك وألبسي المشد من البداية والحركة جداً مهمة

قمرين.. تولدين بالسلامة إن شاء الله.. وإن شاء الله تولدي طبيعي وما تحتاجي للقيصري وأهم شي السلامة

حنان الهاجري... من ناحية الجماع تراه خطير في الأشهر الأخيرة خاصة لما الوحدة عنق الرحم عندها قصير أو معاها تقلصات... عموماً أنا زوجي هو اللي حرم روحه من الجماع مع أن الدكتورة كانت تقول لنا عادي الجماع ووضعي طبيعي.. ما عدا في السابع لما جتني تقلصات وطلق مبكر منعوني منه.. بس زوجي حرم نفسه من الخامس.. كان يرفض حتى لو أنا طلبت منه .. وايد يخاف على البيبيات ويوسوس..

بنات محد سمع شي عن حزن الزمان؟ أكيد ولدت بس ما سمعنا منها الخبر للحين

[زود الغلا]

مرحبااااااااااااااااااااااااااااااااااااااا عليكم اجمعين
شلونكم يا حلواااااااااااااااات ؟؟؟
وحيا الله اللي انظموا لنا عشمانة في ربها ....... وام لاول مرة ....الله يتمم عليكم .

[زود الغلا]

عذب .........شونك ؟؟\
نارا .................شلونك وشلون الحلوين ؟؟؟