دردشة بنات مصر , دردشة حوامل مصر , تجمع بنات مصر

[ام يحيي 2011]

ايه الغلاسه دى فينكم مش كفايه الراجل فى الشغل هقعد لوحدى ولا ايه اهئ اهئ

[om arwa]

المشاركة الأصلية كتبت بواسطة رنا خالد

انا اللي واحشني الكلام معاكي ياسمسمه تسلميلي ياقمر لما لقيتك سأله عني انبسطت
حلو لما الواحد يغيب ويلاقي حد مهتم بيه بيحس ان ليه لزمه
انا زيك ياسمسمه بفكر بالشكل ده بس بشكل مختلف شويه
دايما احس اني مش هاعيش كتير ويجي في بالي بنتي مين هيربيها ؟
اقول اكيد هاتبقي مع احمد واحمد عايش عند مامته يبقي هما اللي هيربوها
وساعتها قلبي بيتقبض اوووووووووووووووووي
اه والله بفكر كده
واقول لا انا مش عايزاها تطلع زيهم
لدرجه اني هاكتب وصيه اقول فيها لو مت اللي يربي بنتي تبقي ماما
وحاولت اتكلم مع احمد في الموضوع ده بس متررده
بس اكيد هافتحه معاه
ممكن اللي يقري كلامي يتريق او يضحك ومايهتمش
بس بجد ده تفكيري
محدش عارف هانعيش لأمتي
وانا نفسي ا اطمن علي بنتي
وسعات بخاف اوووووووووووي علي ماما لأن هي اللي فاضله لنا
من بعد بابا الله يرحمه
ولو جالي تليفون في وقت متأخر اتخيل ان حد هايبلغني خبر وحش
بجد الشيطان عارف يحزني
بس التفكير ده مش بيجيلي طول الوقت
يعني في اوقات معينه بيبقي مودي فيها مش متظبط زي دلوقتي كده
او لما اسمع ان فلانه ماتت وسابت ولادها وماشابه ذلك
ربنا يهدينا بقي ويبعد عننا الافكار السودا دي

انتى كانك بتتكلمى بلسانى
نفس اللى فى تفكيرررررررررررى
بالظبط
بس انا المشكلة مش عارفة اصية مين يربيها
امه ملهاش خلق لتربية العيال وبتقولى كدة فى وشى
امى ماربتناش اساسا
جدتى اللى ربتنى
هوصيه يسيبها مع جدتى ربنا يديها الصحة بقى يارب
اختى طبعا عندها ولدها
بصراحة بحبط جدا
بس فى الاول وفى الاخر ربنا خير حافظ مش احنا اللى هنحفظهم حتى بوجودنا
ربنا احسن من اى حدددددددد
وبعيط كتير وانا اصلا من ساعة ما صحيت وعمالة اوصى فيه وقلبهالة نكد
بس والله غصب عنى يخربيت الشيطان

[العليــــــــــاء]

الاول السلام عليكم ورحمة الله
اعرفكم بنفسى انا اسمى علياء مصرية صعيدية وعندى 24 سنة وحابة اوى ادردش معاكم بس يا رب تقبلونى

رنا - ولو انى يعنى ما اعرفكيش لكن انا عارفة الاحساس ده كويس اوى بس يا حبيبتى سيبيها لربنا سبحانه وتعالى اللى خلقنا قادر يحفظنا ويبعد عننا المخاطر وبدل ما تفكرى مين هيربى بنتك ادعيلها وحصنيها بدعواتك ... لكل أجل كتاب يا حبيبتى ومحدش عارف مين هيروح قبل مين المهم اننا نعيش الحاضر فى طاعة الله علشان ربنا يكرمنا فى المستقبل او لو توفانا يحفظ ابنائنا ويسخر لهم اللى يرعاهم ... واسفة لتطفلى

[om arwa]

اهلا بيكى يا علياء معانا
كلامك صح طبعااااااا
فى ايه فى سورة الكهف
( وكان ابوهما رجلا صالحا فاراد ربك ان يبلغا اشدهما ويستخرجا كنزهما)
تخيلوا نا عشان ابوهم صالح ربنا حفظلهم ميراثهم اكيد حفظهم
ربنا اللى بيربى مش احنا ربنا يجعلنا سبب فى تربية اولادنا تربية اسلامية
ده اول حمل ليكى ؟؟؟؟

[om arwa]

اللهم اني لا احسن تدبير امري فدبرلي انت امري

[ام يحيي 2011]

لسه هنا ولا مشيتى

نورتى يا علياء

[om arwa]

( قُلْ لَا أَمْلِكُ لِنَفْسِي نَفْعًا وَلَا ضَرًّا إِلَّا مَا شَاءَ اللَّهُ وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ إِنْ أَنَا إِلَّا نَذِيرٌ وَبَشِيرٌ لِقَوْمٍ يُؤْمِنُونَ )

[om arwa]

ازيك ياسارة وازاى يحيى

[ام يحيي 2011]

الحمد لله يا سمسم عمله ايه فى التلج ده انتى واروى العثل

[العليــــــــــاء]

ده نوركم حبيباتى وربنا يهدى قلبها ويحفظ لكل ام اطفالها
ويتمم حملى على خير ياااااااااااااااااااارب