اهلا باهل الجود والكرم **اهلا بسيدات ليبيا**

[ام معاد]

السﻻم عليكم
الف ﻻباس علي فروسة الحمد لله جت علي هكي ردي بالك منه ققدر المكان امنعيه من دخول المطبخ

[ام معاد]

جيجي اهﻻ بيك عزيزتي وصحة الرشدة

[ام معاد]

خولة كيف حالك وحال بنيتك والحمل ردي بالك تولدي طبيعي وهو في وضعية زي هدي حاولي معاه في اختيار اللف كان هدا اطلبي عملية وضع الفارس فيه خطورة هلبة مش عارفة دكتورتك كيف اعطاتك اختيار زي هدا

[ام معاد]

الله يسلمك فروسة وصحة عليكم البدة والبطاطا

[dr.loly]

المشاركة الأصلية كتبت بواسطة أمل ليبيا

ام فروسه كيف حالك وحال الحلوين صغارك والاهل ان شاء الله تكونو بخير
بس ماقلتليش ع طريقتك في الطاجين اني كتبتلك طريقتي

مرحبا حبيبتي اموول
طؤيقتي في طاجين الجبن انوااع
بس نا لاحظت ف طريقتك رغم انها عجبتني ان مافيهاش جبن
وهواسمه طاجين جبن خخخ ندير فيها نفس امتاعك ونقولها عجة بطاطا بمفروم
نحبوها خصيصا ف رمضان ..
واحدي طرق الطاجين نديروا فيه ب بطاطا مقليه دوائر ومع طبقة جبنة شرائح وفوقها هريسه عربيه وزيتنون حلقات وفوقها طبقة بطاطا وطبقة الدحي ودقيق اكيد عارفتيها لي تصبي فوووق وفي مرات نديرو ف طبقة مفروم ايامات حوش هلي لكن نا نحبه بدونه يجي خفيف واقل دسامه
وفي طريقهلي تقرضيه كل شئ مكعبات نفس طريقتك بالضبط ونضيف له قطع جبن شيدر احلى من البشر لان القطع بعد يدوبن هكي يعطن مذاااق اطيب وتقدري نفس الشئ تحطي نصف الكميه وتضيفي طبقة التشيز .جبن شرائح وعقاب الكميه تحطيه فوقه وهكدااا


ووينك وشخبار فطوما الحلوة ..اكيد احلي جو توا السن متاعها ربي يحفظها لك
مناغاه وضحك

[dr.loly]

أم وسونه نورتينا وانقطعتي من جديد
اكيد المدرسه واخده وقتك ربي يعينك
وان شاء الله الاموره زها مش امتعبتكـ واجد هالايام
ترضع طبيعي هي؟

[هدية الخالق]

السلام عليكم ورحمة الله وبركاته
فروسه ألف الحمد لله علي سلامة فروسه والله رعشة حصلتوها الله غالب الحمد لله اللي جت بسيطه وردي بالك منا ارقيه العين حق والله حتي أني الاسبوع اللي فات طاحت سما علي طاولة التلفزيون مرش عينها قاعدة منفوخه وزرقة والسبب إنه يومها جتني مراه تعزي ما بطلتش من كلمة محلا عيونها وحي عندها غمازات وكلمة ماشاء الله ما قالتها ربك يستر وخلاص

[هدية الخالق]

صحيتوا يا بنات عالرد والاهتمام بارك الله فيكم
بس للاسف جت الدورة اليوم الحمد لله علي كل حال لكن حسيتها غريبه قويه حاشاكم زي النزيف والوجع اللي عندي مش طبيعي تقول طلق زعما يكون اجهاض قولولي كيف نعرف وشن الفرق بيناتهم ؟
أني الحق أمس خفت طول وقتها سألت صاحبتي اهني حامل وصارلها حاجة زي هكي قاتلي قعد عندي وجع دوره لمده أسبوع بعدين نزل عليا نقاط دم خفيفة مع مخاط مرتين ووقفت واني صار معاي هكي في البداية نزلوا نقاط خفيفة ووقفوا وليا أسبوع عندي ألم الدورة
لكن نضت الصبح لقيتها جاية وغزيرة الحق اضايقت مش لاني نبي نحمل هالشهر بالذات لا خفت كيف يعني صار غلط وما حملتش معناها في سبب منع الحمل لا سمح الله لكن بعدين نرجع ونطمن في روحي قلت مرات وقت صارت الغلطه كان احتمال الحمل ضعيف وقتها لأنه نهاية التبويض وقتها كان مازال عشرة أيام عالدوره ومرات نقول صار حمل ضعيف ونزل من كثر الحركه والتعب لأنه الحق بلا مبالغه أول أمس لين معاش قدرت نمشي كويس من التعب
ومرات نقول تأخرت الدورة ولخبطت بسبب النفسيه والرعشة الفترة هادي
الله أعلم احتررررت وشو ماكان فيها خيره إن شاء الله

[هدية الخالق]

خوله ربي يسهل عليك وحتي أني ننصحك تكتري حركه وسجود وحبو وبعدين تجربي اللف أولا كان ما مشاش معاك توكلي علي ربك وديري عملية وخلاص وإن شاء الله ما تحتاجيها لا هيا ولا اللف ويتعدل البيبي بروحه بقدرة قادر
أني صارتلي في الشهر التاسع لما فحصت بطني بيدها قالتلي ما حسيتش بالراس تحت مع إنه تقريبا من السابع أو بداية الثامن نزل تحت قاتلي شكله غير وضعه وعطتني موعد للجهاز بعد تلاته أيام وخلال هالثلاثه أيام مابطلتش مرد ومسح عالارض وسجود وبديت نتحرك هلبه حتي راجلي قبل لما يبي حاجة يجيبها بروحه بدي يبعت فيا أني حتي حاجة قريبه عليه أكتر مني يقولي تعالي إنتي اعطيهلي
المهم لما درت الجهاز الحمد لله طلع راسها لوطه وتبي الحق كنت شاكه في الدكتورة انها غالطه لأني وقتها حاسة بالراس مضايقني لوطه لين ما نقدرش نقعمز

[هدية الخالق]

المشاركة الأصلية كتبت بواسطة أم أجنادين 80

هدية ان شاء الله ربي يصبرك

نقرا في كلامك دموعي لا اراديا نزلوا

صعب والأصعب مافيه انك في الغربة

ان شاء الله ربي يرزقك بحمودة

وردي بالك علي روحك الفترة هذه بالذات

مش عارفة ليش انا هما بيعزوا ولا بتغدوا

أهلا جنوده ربي يسلمك يارب وماتبكي علي غالي إن شاء الله ربي يحفظلك وخيينك وعيلتك كلهم
وامين ربي يسمع منك مشكوره عالدعوه إن شاء الله ربي يرزقنا جميعا

المشاركة الأصلية كتبت بواسطة أم أجنادين 80

مـــــــــــــــــــــاشاء الله تبارك الرحمن

ربي يحفظهالك

اللهم أمين وإن شاء الله نشوفوها عندك يارب

المشاركة الأصلية كتبت بواسطة أم أجنادين 80

سلم هالضحكة وربي يدومها

سلمك يا رب ويدوم ضحتك ويفرحك بزيها يارب

المشاركة الأصلية كتبت بواسطة جوهرة ليبيا

هدهد خليك مرتاحه حبوبه

ديري كل الاحتمالات في بالك

ولو استمر الالم والدم عالمستشفي طول

وربي يشفيك والله خفت قريب متت عليك

مع بحدانا في شويه دوشه علي خاطر الساعدي شدوه زدت خفت اكثر

وربي يطمنا عليك
سلمها جيجي يارب مشكوره عالاهتمام واسفه رعشتك وخوفتك في اخر الليل
كلمت راجلي امبارح وقلتله يجي لسما واني ارتحت لكن الحمد لله صار اللي صار
جنوده مشكوره حبوبه عالطريقه حنجربها باذن الله

المشاركة الأصلية كتبت بواسطة ام معاد

هد هد طهورا ان شاء الله بالك هدي غر توراية الحمل ايقولولها هكي اني في حملي دائما اتجيني

الله يسلمك ام معاذ وصحيتي عالاهتمام الله غالب حتي أني نحسابها توراية لكن مصارش فيها خيره

المشاركة الأصلية كتبت بواسطة sosolibya

هدهد إن شاااااااااء الله خير ياربي..
شوفي زيدي ركزي لو نزلت حاجة ثانية ولا لا وهذه لو كان حمل فهذه يقولوها توراية أوعلامة الحمل وهي تدل على إنغراس البويضة في الرحم

وربي يستر وإن شاء الله ماتكونش دورة يارب...

سلمك ياسوسو صحيتي اوخيتي والله حسيتك ملهوفة وتبيني نحمل أكتر مني وفعلا زي ما قلتي تو تشوفي كان جاتك الدورة كيف تضايقي الله غالب ربي ما كتبش الشهر هذا المره الجاية إن شاء الله

المشاركة الأصلية كتبت بواسطة خوله 2014

ان شاء الله لاباس اختي هدية وردي بالك علي روحك حسب علمي والله اعلم ان هدا شيء طبيعي يصير لان جارتي حتي هيا في حملها التاني ينزل عليها دم كانها دوره ولما عاينت القوها حامل ووضع الجنين ممتاز وتوا هيا في السادس وانتي بالك هده علامه حمل بوليد ما تندريش وربي يكمل حملك علي خير

سلمك يا خوخه مشكوره عالرد والافادة تعرفي في الأول فرحت بردك وعطاني أمل توا لكن بعدين فكرت معقوله الدم بالغزارة هادي ومازال فيها حمل اكيد جارتك نزلها شوي وقف
ولا استمر عندها ؟؟

المشاركة الأصلية كتبت بواسطة dr.loly

الله يرحم اخوك عزيزتي هدهد
ومنحك الله الصبر
ذكرتيني بفقدان خالي الغالي
ومانصبر كنت الا بختم المصحف ع روحه
كل مره .. وحتي هو مافارقني في احلامي
وللان .. مايفوتش شهر مانحلم به..


وان شاء الله ربي يعوضك خـير وتجيبي احلى احمد زغيرون
تفائلتلك لانك قلتي الغلط صار في اخر ايام التبويض اعتقد
[size=5]وهالشئ ان شاء الله لوطلعتي حامل ح يرجع ان المولود ذكر[/size]الله يسلمك فروسه تعيشي وتترحمي إن شاء الله وربي يرحم خالك ويرحم موتانا جميعا ويسكنهم فسيح جناته
والله يسمع منك ويعوضني عنا خير
بأذن الله تعالي..


بالنسبه لبقعة مخاط ممزوجه بالدم مثل ماقالن اخواتي
هذه العلامه نقولولها انا الحق عمرها ماصارتلي

بس سلفتي صارتلها مرتين حملت معاي

وقالتلها امها طول نذكر انها حامل..
اهم شئ بعدها ان مانزل شئ عليك عشان
تحولي الشك من الدوره مثلا..

وربي يحفظلك الاموره سما تبارك الرحمن عليها
وع ضحكتها زي الملآك .. واللون الاسود لاقوة الا بالله
عليها..ربي يحفظها وتخاويها

الله يسلمك أمين ويحفظلك لولي وفروسه ويباركلك فيهم