تجمع حوامل ليبيا

سورينام · 02-08-2011, 10:43 PM

آية .. شكر حبيبتي النور نورك ياغالية .. انتي قاعدة توا والا لاااااااا؟؟

طرابلسيه · 02-08-2011, 10:44 PM

أيوته الدم شويه؟نقصد هل مجرد قطره او قطرتين؟لان ممكن تكون أسوله ماشاء الله حركيه وهذا خلا قطرة دم تبان،ياريت لو فيه وحده من العضوات تجاوب على سؤال آية

سورينام · 02-08-2011, 10:53 PM

اقتباس:

المشاركة الأصلية كتبت بواسطة ღॐ آية ღॐ

سورينام منورة
وعندك الحق افتكيت من البنتوات
ونحس في عمري بنغسل بكري ولله الحمد
بس سؤال امتى رجعتي لحياتك الطبيعية مع زوجك ؟؟
اول ما ننضاف او نستنى للاربعين..

أني في رأي يا ايوته استني للأربعين أحسن حتى يلتئم الجرح كويس من داخل .. وآهو بالمرة يزيد يستاحشك ابو ايوب شويتين

بالنسبة ليا أني والله خليته في جرتي لين سكرت لشهرين لين جتني دورة الأربعين باش عرفت راسي من رجليا من ناحية المانع

وربي ايقدرلك اللي فيه الخيييير يااااااااارب

ღॐ آية ღॐ · 02-08-2011, 10:53 PM

انا قعدة سورينام
الدم شوية طرابلسية يعني قطرة تقريباً..

سورينام · 02-08-2011, 10:57 PM

بالنسبة للدم يا أيوته لو جهة الصرة أكيد منها .. ماتخافيش منه لأن الشدادة متاع الصرة كان تحركت مرات الجزء اللي لاصق فيها يكون تحته شوية دم لأنها لما اتطيح نلقو تحتها حاشاك دم مولي زي الأسود لأنه يبس .. ماتخاااااااااافيشش وطهور انشاالله لكن لو تكررت مرة تانية .. اطمني عند دكتور وخلاص

ام قصى محمد · 02-08-2011, 10:58 PM

اهلاين ايه الله يعاونك

ام قصى محمد · 02-08-2011, 10:59 PM

مرحبتين سورينام

ام قصى محمد · 02-08-2011, 11:00 PM

شوفى ايه ربى دار لكل حاجه عبره يعنى حتى وكان جبتى طبيعى لازم تربعنى قبل ما تقعدى مع راجلك وبعدين حلك رايفتى ههههههههه

سورينام · 02-08-2011, 11:00 PM

ليبيا قلبي . هيا خشي عاد طمنينا عليك وعلى بنوتك وقوليلنا شن بتسميها وحطيلنا صورتها راهي أم سعد اتدور لولدها في عريس وآية هوينها اتكم في بنتها وتلبسلها في الخراصات والذهوبات باش اتصورها لأم سعد هههههههه

ღॐ آية ღॐ · 02-08-2011, 11:01 PM

اللهم امين
هو صبر الهلبا قعد الشوية..