دردشة حوامل أهل القصيم - دردشة بنات القصيم - تجمع حوامل القصيم

[لينا2011]

المشاركة الأصلية كتبت بواسطة ام احلى اثنين

غفوة حلم

ماعرف مكان يبيع ملابس حوامل حلوات

روحي الحسون وخوذي تنانير الحمل حلوه عندهم

واشري بلايز اللي موديلهم مثل موديل الحمل انا كذا اسوي

لينا ياعمري الله يهون عليك ويكتبلك الولادة الميسرة ويسخرلك المستشفى والدكاتره اللي يخافون الله فيك

اميييين وياااك يالغاليه
ويااااااااااارب اولد الليله او بكرا بالسلامه بقى اسبوع واكمل التاسع

[**طيور الجنه **]

لينا يارب تولدين بالسلامه ان شالله لاتنسي القصه اذاولدتي
وعقبالنا ان شالله
الله يعين على البرد
هلابعمري .
مادري عن اسعارهم بالضبط دقي عليهم واسائليهم

[ام احلى اثنين]

ردينه مبروك الحمل الله يتمم لك على خيير يارب

احكيلنا تجاربك بالولادة قبل ووين ولدتي وهلم جرا

فرح الف الف مبرووووووووووووووووووك

ماشاء الله تبارك الرحمن

ويتربى العريس بعزكم وتتهنون فييه

ويهون عليك النفاس ويطلعك منه بكل صحة وسلامه

هاه وين ولدتي ووشلون الولادة لما اللحين توجع خخخخخخخخخ

ووش رايك بالمكان اللي ولدتي فيه وكل شي

وقصي لنا قصة ولادتك

بس اذا صرتي مروقه مابي اثقل عليك

[ردينة]

مبروك المولود للاخت فرح وجعله الله من حفظة كتابه وباربك
الله يبارك فيك اختي ام احلي اثنين
راح ابدا ابني البكر جبته في متشفي البكرية طبعا قبل 11 سنة يعني ايام الخدمات الزينة
اما بنتي جبتها في الرس القديم كانت افظع ولادة في حياتي بصراحة لحد الان اتذكر اللي
صار لي كابوس
اما ولادتي الثالثة والرابعة فاكانت في الرس الجديد طبعا فرق عن المستشفي القديم لاني كنت
متابعة مع استشاري مممممممررة ممتاز الله يذكر بالخير
راعية طويلة بالسوالف لازم اشرح خخخخخخخخ
طبعا مااحب اراجع عند خاص الا اذا بغيت اسوي سونار
وامري حبيبتي اي سؤال انا حاضرة
وانتي كم عندك اطفال

[ام احلى اثنين]

هلابك

انا عندي ولدين جبتهم بمستشفى الولادة ببريدة

الاول كابوس وماكانوا حلويين

والثاني لا ماشاء الله كانوا مره زينييين

واللحين متردده وين اولد

وخصوصن عندي سكري حمل واخذ انسوليين

واتابع بمستشفى الولادة مره حلوووو وناس فاهمه

[**طيور الجنه **]

الف مبرررررررررررررررررروك فرح نبي القصه
يتربى بعزكم ان شالله
وعقبالنا ان شالله
بالنسبه لملابس الحمل انا اشتريت بلوزتين حلوات وناعمه من ستي ماكس
واشتريت لنونو ربيعي حلوات بس طبعن البنات احسن شكل من الاولاد خخخخخخخ

ردينة
الف مبرروك الحمل الله يتمم عليك
انا عندي ولد عمره 5سنوات وجبته بمستشفى الملك سعود وكانو موحلوين معاملتهم شينه وعلشان كذا حبيت الثاني اجيبه بالحبيب ولا الوفاء ومتردده بس اذ قرب الوقت قررت الله يسهل علي واصل التاسع يارب
هلابعمري :
الوفاء فيه احد يمدحه واحد لا على حسب الي تولدك بس تدرين ليش انا متردده اولد فيه لانهم اذ صعبت عليهم الحاله على طول ودوك مستشفى سعود وهذا الي مابيه
**************************************

[هلا بعمري]

وش رايكم بمستشفى الوفاء..؟

[هلا بعمري]

بس ان شاء الله حالتنا تكون سهله وميسرة ..
بس كم سعرهم..

[ياردلي]

الف مبروك يافرح يتربا بعزكم
من ولدة بمستشفى الولاده ولاطفال ببريده ومن افضل دكتوره

[ردينة]

مررررراحب
اماحلي اثنين الله يخليهم لك ويصلحهم ويارب ترزقك البنوتة القمر مثلك كاني
شايفتك خخخخخخ بس اكيد قمر الله يهون علي وعليكي والجميع يارب
طيور الجنة الله يقومك بالسلامة ويخليك ولدك ويرزقك البنوتة القمر
امابالنسبة للمستشفي الوفاء فكثير يمدحونهم اختي الان تراجع عندهم علشان الحمل
واعرف وحدة ولدت عندهم قيصري اعتقد بين 10000او 14000والله يسهل علينا