دردشة حوامل دولة الجزائر- تجمع بنات الجزائر

[نادية آلس]

مساء الخير بنات بلادي واش راكم مع كروشكم؟
شهيتوني وفكرتوني بالعام في البلاد من زمان ماحضرتوش
أم مريم أنا شلفية,أنت من وين في شلف؟ راني ناوية ندير الطمينة كي نولد انشالله بصح مالقيتش السميد مليح راني غي نحوس والحوانت تاع المغاربة بعاد عليا
حبيبتي راندة واش راك ؟واش راه الأميرة تاعك ربي يحفظكم

[randa]

مساء النور ندو
وش راكي مع الكرش راكي تسجي للولادة
الله يسهلك لولادة ويرزققك واش تتمني
شفتي لبارح لبنات نعتولي الطمينة وشهونى فيها سيغتو نتاع لقبايل جامي ذقتها لازملى انجربها ونشوف

[randa]

سنبلة الي في كرشي راني غير نستني فيها
باباها قالي بلي وليت مجنونة باغسكو نهدر معاها وهو حاسبني نهدر وحدي قالي راح نرقيك هههههههه

[om mar]

مرحبا بيكم لبنات رانا ملاح وانتوما لاباس عليكم
ام رندة نقول راجلي هو الي هبل ما شي انا كل ما نقولو راني مغمومه ولا قلبي طرني يقولي هذاك وليديراه يقباح كيما انا

[randa]

صباح الخير
وين راحو لبنات ايا انشطو شوية
رونق +ام مريم+ندو+رنيم عاد انتي طليتي ورحتي وينك+ام ولاء حتى هى مظهرتش
كل ما ندخل منلقاش حتي وحدة
انشطو خلينا نشطو صفحتنا

[randa]

ام مريم من حقو راجلك يفرح حتي انا فرحان ويلعب عليها وياسبحان تتحركلو امبصح ميحبش يهدر ياسر عليها ايقلي اكتمى باش تثبت لينا ان شاء الله

[ميسون الجزائرية]

صباح الخير عليكم واش راكم ان شاء الله بخير ........ مبروك التجمع و الله غير فرحت كي شفته كنت كل يوم ندخل ندور هنا و نعاود نخرج بصح كي لقيتكم قلت خليني نسجل و ندردش معاكم شوية...
عمري 22 سنة وهدا اول حمل ليا وراني داخلة في الرابع ربي يكمل علينا بالخير ان شاء الله......... وانا من بشار

[randa]

اهلا وسهلا بيكي اختي ميسون واهلا بناس بشار
شرفتينا بالانضمام لمجموعتنا
انا رندة من سوق اهراس وساكنة بفرنسا وعندي 7شهور

[ميسون الجزائرية]

الله يسلمك حبيبتي رندا و ربي يكمل عليك بالخير ان شاء الله ............واش راكي مع الغربة

[randa]

ان شاء يا ربي ويفرحنا اجمعين
الحق مانيش حاسة ياسر بالغربة اعلي خاطر ماه محسوب فاميلتي كامل لهنا غير بيت عمتي في سوق اهراس نتوحشهم ياسر اعلي خاطرش تربيت معاهم والحق انحن لدزاير وقبل مانتزوج كنت محسوب كل ستة شهور انجي
ثم انا نسكن في مرسيليا معمرة عرب وفاميلتي يسكنو بعاد عليا شوية