شاركينا رأيك مفرش نفاسك وتجهيزاتك

[ام شوق05]

انا افضل يكون لون يجمع بين الجنسين عشان اقدر استخدمه مره ثانيه يعني يكون مناسب للولد او البنت وشي ثاني اذا حبيت اهديه لوحده يعني يمكن تكون جايبه ولد وانا جايبه بنت وهكذا

[حياتي عيالي]

صح اخت نونيتا انا معك ان النفاس لازم تكون مرتبه ونظيفه مو مبهذله وانا مااتكلم عن بيجامات وارواب البيت حقت الشغل على قولتك العاديه بس بيجامات حلوة وكشخه يعني من لاسنزا شفت عندهم اشيا حلوة او قمصان النفاس الحلوة اللي تجي الوانها فواتح اما قمصان نعومي وذي الاشكال مادخلت مزاجي مررررررررة مرة رحت لوحدة من صاحباتي لابسه قميص يهبل وردي من اشكال نعومي وصدرها وبطنها دانتيل والروي كلها تل ومسشورة شعرها وفاكته شعرها طويييييييل ماشالله وحاطه مكياج شكلها بسم الله عليها يهبل كانها عروس بس ماحبيت الفكرة انا الحين حامل وابغى اجهز لنفاسي فاعطونا اراكم ومن وين اشتريتوا ملابس نفاسكم والمفارش

[خربشات انثى]

والله بنسبه لي انا على حسب الغرفه الي راح تستقبلي فيها الضيوف

اما بنسبه زيبرا او التايجر انا ما شجعه لان هالنوع مايعجبني

[Nonyta]

حياتي عيالي والله سلااااامات وش فيها صحبتك كاشفه صدرها وبطنها للناس شوي بنلاقي بنات بالنفاس لابسين بيبي دول هع

شعرها مطلعتو على حسب عوايد الناس واجناسهم تختلف
صديقتي يمنية تعرفي كيف عوايدهم بتنجلطي
اسبوعين تكون قاعده بلبس نفاس وطرحه وبعدالاسبوعين كوشه وفستان سهره كنها رايحه زواج ومكياج وتسريحه ويوميا زفه الين تكمل الاربعين
تصدقي انو حتى المره الكبيره اذا خلفت يسون لها نفس النظام انجلطت لما عرفت انو عمتها يزفوها كل يوم وعندها ست اطفال وكبيره
الله يعين

[حياتي عيالي]

والله هدا اللي شفته ومو وحدةاكثر من وحده حتى وحده في الموضوع هنه كاتبه بتلبس في المشفى قميص ليله دخلتها ياليت توضح لنا وثانيا يابنات ساعدوني ابغى شي يكون حلو وكشخه اجهزه البسه في نفاسي اذا ربي احيانا وفي نفس الوقت من وين

[حبيبةحبيبها]

حااااااااااااااااااااااااااااااااااااااااااااااااا ااااااااااااااايسة

[تذكار25]

الله يسهل امووووورك ويرتب حوستك يارب

[الحب بالقلب]

الله يعين صح الوحده لازم تلبس لبس حلو بس مو مرة ملفت ...
انا عن نفسي لبست ببنتي بيجامه حلوه وناعمه بالمستشفى
والبيت ثوب النفاس اللي يجي قطعتين ...
والمرة هذي ناويه اغير البس ثوب عادي افصله يكون لا مبين جسمي ويكون نفس حركه الكسرة من قدام وقماشته حرير او ستان يعني ناعم ومو ملفت مع لفه حلوة ويعجبني الللون الوردي الفاتح اذا لقيت القماشه اللي تعجبني افصله ان شاء الله ...
ولو سمحتوا وحده نزلت ثوب تقول بفصل زيه ماطلع عندي الصورة ياريت تنزلها مرة ثانيه الله يعافيها ويهون ولادتكم عليكم ....

[شوقي لك نار]

انا حابه يكون المفرش لون سكري او كمان يكوون مناسب لجلسه الاستقباال يكوون مرره حلو متنااسق وانا ناويه اخذ لون البرتقالي او التفاحي
الله يتمملنا على خيييير

[سبحانك اللهم وبحمدك]

الافضل السكري والبيج والابيض تحسي كانك عروس وفرحة الولاده ماتقل عن فرحه العرس
سؤال تفصيل كامل طقم النفاس بكم؟ويشمل ايش بالضبط؟