ديوانية البحرين - دردشة حوامل البحرين - البحرينيات

[الفتاة الذهبية]

هاي شخباركم ؟؟ وحشتوني واايد
زين انهم يددوو لنا الديوانية
سوري امس ما قدرت ادش
لانه انا الايام الي اطبخ فيها يصير عندي ضغط انا اطبخ الاثنين والثلاثاء
تنظيف الصالة وغرفة عمتي و المطبخ والحمامات وانتوو بكرامة
واطبخ واذا خلصت طباخ جذي يمكن الساعه 12 او على حسب
ونتغدى الساعه وحده ونص واشيل الغدى وارجع انظف الصالة وغرفة عمتي
لانه الصبيان في الصالة يتغدون والبنات في غرفة عمتي
ويعني اغسل المواعين وما اخلص الا خلاص طاقة مافيييييييييي
بس الحركة زينة لانه طول الاسبوع ما عندي شي اسويه كله قاعده
على الاقل اتحرك لي يومين بالاسبوع
انا قاعده من الصبح اليوم والساعة 8 ان شاء الله بطلع اطبخ
حنين.... شكرا ع سؤالج عني
سوري طولت عليكم
حرووف... ان شاء الله تولدين في موعدج
اليوم عندي تلفزيون الساعه 4 العصر بس مثل ما قلت لكم مب رايحة
واذا جى موعدي مال الحوامل بحمل ورقة الخاص وياااااااااي

[بنت الأياويد]

الله يعينج الفتاة كل هذا على راسج على الاقل احد يعاونج من البنات ترى مب زين تشيلين وتحطين وايد وانتي حامل حاسبي على روحج، انا بما اني دخلت هالاسبوع الجامعه فصرت اطبخ الاثنين والاربعا بس وامس طبخت بس ماخلصت طباخ الا احس ظهري بينقص من الالم ومن دخلت الحين السابع احس بثقل زيادة وحركة الياهل صارت تألمني الله يعينا ان شاء الله
من يتكرم لي ويسوي لي توقيع مو عارفه اسوي وتوقيعي طار او تشرحون لي بالخطوات

[بنت الأياويد]

مافي احد اليوم في الديوانية كلكم راقدين شكلكم

[الفتاة الذهبية]

بنت الاياويد انا يالسة اطبخ بس برد عليج على السريع
احنا عندنا معركة على الطباخ كل مرة وحده تتسبب وتتهاوش
احنا 3 نسوان حمي الا اهي انا وبعد ثنتين
وما يرضون يعاونون احد كل وحدة تشيل ايامها بنفسها
عني تقدرين تقولين كل وحده مالها خص في الثانية
والسبب تافه جدا فأنا قلت ما اعور راسي وياهم
اشيل ايامي ولا اتيي وحده وتهاوشني على سبب تافه
وانا بسررعه اشيل في خاطري من جذي انا ابتعد عن مشاكلهم ثنتينهم
حتى لو اتييني وحده منهم تشتكي على الثانية اسكتها واقول لها انتي وياها تحلون مشاكلكم
بروحكم لانه يمكن لو دخلت روحي بتصير لي سالفة

وعلى سالفة التوقيع لي رجعه لان مشغولة في الطبااخ

[بنوتة حلوة]

ام السادة مرحبا بش ويانا في الديوانية ترا بيني وبينش يوم بس نجوف منهي اللي بتولد قبل خخخخخخخ اني النفسية شوي صارت احسن باقي 4 ايام تقريبا على مايرجع زوجي من السفر كل يوم اتصل ليه يحاجيني اقل من 10 دقايق كله وياه ناس ماحب جدي. . بس قررت ما اكتئب واجد...

الا بقول ليكم.. تحسون بالحركة في الاسبوع ال16 لاان في بدايته كنت احس بنغزات لين انبطح احين ماحس بشي كلش! وقمت اوسوس..

من يومين مسوية اوردر من النت حق جهاز تقدر الام تحطه على بطنها وتسمع نبض الجاهل وتتأكد انه اوكي من البيت بس للحين ماوصل واني بروحي كله اوسوس وبس..

احد جرب هالجهاز او سمع عنه؟

[شمس الصباح]

المشاركة الأصلية كتبت بواسطة حنين للماضي

بنت الاياويد كلمي الدكتور يمكن يرضى يقدم ليش الامتحان الفاينل قبل
اني آخر كورس كان عندي امتحانين في يوم وكلمنا الدكتور قدم لنا الامتحان بروحنه شهر 12
ربي يسهل عليش ان شاءالله وتكملين
وعلى طاري التوقيع في موقعين عندي
www.baby-gaga.com
www.babystrology.com
جوفي اي واحد تبينه وبسوي ليش اذا ماعرفتي

حيالله بأم سلمان
يلا ما باقي شيء كلش
بجي سلمان ان شاءالله؟؟؟
ربي يقومش بالسلامة

هلا والله بشمس وروزة
يعني حبيبتي شمس انتي تشتغلين بعد؟؟؟
الله يكون في عونش اذا كنتي تشتغلين عجل
اييي الله يساعدش اكيد ماعندش وقت مدارس وحمل
ربي يكون في عونش

هلا وغلا باهل البحرين

هلا حنونه اي اشتغل بس دوامي على كيفي يعني اروح العصر الصبح وقت اللي يعجبني وعلى حسب الضرورة لاني صاحبة المؤسسة

اقول حنونة ممكن تسوين لي توقيع فلاش الثاني لاني تعبت جنني التوقيع تاريخ ولادتي 13/1/2011م



عاشقة شخبارج انا مو زعلانه بس احب اتدلع عليكم اشوي خخخخخخخ

بنت الأياويد انه سئلت الدكتورة عن الشد في الريل وقالت من الثقل ونصحتني اني اغير بين فترة وثانية طريقة النوم علشان يخف الشد ونجح معاي بس ما يروح ولكن يخف

حيا الله ام السادة معنا نورت الديوانية بالساده وامهم

بنوتة حلوة اختي روز شخباركم

اختي الفتاة الذهبية الله يساعدج تلاقينها من تعب الحمل وشغل البيت لو نسوان الحمي يالله هونيها وتهون بس شكلج طباخة ماهرة تعرفين تطبخين مممممممممم على طاري الطباخ حياكم بنات على الغذاء اليوم سويت غذاء العيد دجاج مع الحشوة والعشاء ناشف جبود دجاج يعني اليوم دجاج في دجاج بس انكسر ظهري

[أم حماني]

احم احم ... شكلكم خلاص نسيتوووا ام حماااااااااني

[طفلي حياتي]

السلام عليكم
شخباركم حوامل؟
اني خب عايشه ويى وسواسي وابغي من يطمني
بنات متى ارتفعت النساة عنكم؟
يعني وقفت اعراض النساة متى باي شهر او خفت عليكم؟؟

[طفلي حياتي]

مشكورات خلف جبدي اتضح انكم رديتون واني ما شفت الرد وخليت بخاطري
ربي يقومنا بالسلامه وناخذ افكار من بعض عن اليهال ولبسهم و كل شي يخص الحياة بعد الولاده يارب ياكريم يارحيم بحق محمد وآله الطاهرين

[الفتاة الذهبية]

المشاركة الأصلية كتبت بواسطة أم حماني

احم احم ... شكلكم خلاص نسيتوووا ام حماااااااااني

هلا ام حماني شلونج؟؟
لا حبيبتي احنا ما ننسى ناس نعزهم
بس انتي انشغلتي مع حماني وما قمتي اطلين علينا طبعا انتي معذورة
لانه الياهل بهذا الوقت يبي له شوي متابعه
الله يخليه لج احنا مو ناسينج فهمتينا غلط
بس انتي كل مرة طمنينا عليج