مراااحب اختي الحب لك وحدك,,,
بصراحة آنه سالفتي سالفة ليلة زواجي اللي صار بتاريخ 3|7|2010
المهم قصتي الله يسلمكم في ليلة زواجي طبعاً وصيت زوجي انه مما يتأخر علي علشان تصويرنا الساعة سبعة فآنه رحت الصالون من وقت علشان اجهز ومااتأخر , فكانت معاي مرافقة حماتي اللي هي أخت زوجي ما أطول عليكم المهم ذيك الليلة اتصل فيني صاحب المحل اللي استأجرت منه فستاني وقال لي علشان الباقة ( المسكة ) أستلمها مع القلاصات وكل شي فزوجي اتصل فيني قال لي ما عندي مجال بيضيع الوقت اذا رحت استلمها طرشي احد غيري اذا احد يقدر يروح ياخذ الاغراض المهم ما عندي احد الا ابوي واخوي قمت اتصلت في اخوي على الحظ اخوي توه راجع من السعودية ومسكين قلت له وما قصر راح بسرعة يجيب الباقة ولما جابها لي الصالون جفت الباقة انصدمت تدرون ليش؟؟؟ لأن الباقة اللي طلبتها مو هي طلعت باقة غير اللي اخترتها انه اخترت باقة كلها يكون الورد ابض ومن نوع الكزبلانكا الكبير وقعدت اصيح على ان مافي وقت ان اسوي وحدة ثانية الساعة صارت تسع ونص واحنا للحين ما رحنا نصور والباقة مو عاجبتني لونها اخضر ومكياجي كان مموه بلون البطيخي والبنفسجي يعني ابداع ماشاء الله وبعدين عصبت كفاية تأخير عن التصوير وبعد تطلع الباقة مو هي واسوي زعزعة واتصل لصاحب المحل واقول له شلون جذي تجيبون لي باقة مو اللي انه اخترتها قام قال لي سامحيني يمكن صار بالغلط وما ادري شنو قلت له تدري ان آنه للحين في الصالون ولا رحت صورت هاي متى باروح اصور وبخلص الا يقول لي انزين روحي محل الزهور وطلبي باقة اي باقة تبينها وبأي سعر بعدين بعطيج ثمنها قلت اوكي بعد شاسوي لان مستحيل ادش الصالة بهالباقة كأنها سلطة مو ورد كلها خضرة ولا فيها شكل ولا لمعة وويع مو حلوة ومكياجي لونه غير شلون يركب خصوصا ان مكياجي مافيه لون اخضر ولا خط اخضر ههههههه ورحت سويت باقة اهذ لها تقريبا 15 دقيقة على ما جهزت بس طلعت كشخة الحمدلله حتى حماتي يات معاي علشان تختار لي الباقة هي مع زوجي وتهدا لي اعصابي لان قهر مافي وقت كل شي حزة الحزة وتالي زوجي قال لي ما يحتاج نصور بالاستوديو بنروح على طول صالة العرس صرخت بويهه مسكين وقلت له مستحيييييل اول اصور في الاستوديو وبعدين نروح الصالة وشخط بالسيارة بسرعة والزينة اللي ركبناها طارت من السرعة ههههههه مسكين زوجي داخ في هالليلة وكل من يتصل فيني ليش للحين ما جيتو الصالة يالله قبل الناس لا يطلعون بدون عشا ونشخط كرة ثانية للصالة ونزلت وعلى طول الصالة على ما يجهزون لي الدخلة والزفة زوجي المتفرغ قاعد ياكل مكسرات وآنه اعصابي مشدودة ذيك الحزة حدي وكل من يقول لي صاير تجننين بس ضحكي شوي خلاص عدت الليلة وبعدين خلاص صارت الحفلة عجييييييبة استانسنا رقصنا مع الاغاني وفرفشنا وتالي وصلوني اهلي لشقتي وسوو لي زفة سيارات بالشارع حت حماتي تطالبني بتصليح هرن سيارتها تقول اخترب من ليلة عرسي من التدقدق ههههههههههه..
هاي القصة كلهااااااا وسامحوني على الاطالة هههه
07-28-2010, 09:22 AM
رد: غير مسجل تعالي خبرينا بأطرف موقف مر عليك بيوم زواجك
الحب لك وحدك 
العرض العادي
