تجمع حــوامل التوائم

[زود الغلا]

المشاركة الأصلية كتبت بواسطة جومانا

سلااااااااام يابناااات
اللي معي بالسابع تحسون كرشتكم فيها لمعة ومشدودة
انا اشوفها كذا
وباي كريم تدهنون الكرشة مافية الازبدة الكاكاو
وانا بطني ناطة على قدام تفششششل وانا بالعباية خخخخخخخخ

انا كرشتي مشدودة على الاخر الله يستر عسى ما انفجر:) بس مافيها لمعة ........الظاهر انت كرشتك كاملة الموصفات كشخة فيها لمعه........وانا ليش كرشتي ما تلمع ؟؟؟؟
واستعمل كريم بريطاني بس مو زبدة كاكاو شي ثاني .
وبطني كل من شافة اخترع يقولونلي شكلك دشيتي العاشر يا حظي مايدرون اني توني بالسابع ............والله مليت من الكذب والعيد هذا مراح اطلع من البيت بخلي امي تعتذر عني وتقولهم ماتقدر تجي الدكتور يقولها ارتاحي .

[زود الغلا]

بنات شرايك بهالبيبيات يااااااااااااااااااااااربي يجننون كاكاوات ..عجبوني ونزلتهم لكم .






شراااااااااااااااااااااااااااااااااااااااااايكم

[ام رضوي القمر]

صباحكم عسل

شخباااركم ؟؟

زود الغلا عجيبين الصور ... بسرق لي وحدة للتوقيع ..

بنات من منكم تشتغل ؟؟ انا اليوم رجعت الدوام وانا حاطة يدي على قلبي اخاف يصيدني شي لا سمح الله مع انه اختي جابت توم وهي مدرسة والله حفظ ليها بناتها وصادها نزيف كدا مرة بس الحمد لله جابتهم 9 شهور واوزانهم كيلوين ونص وصحتهم ممتازة الحمد لله .. يارب تمم لي على خير مثل ماتتمت لاختي ..

[محجبه]

[QUOTE=زود الغلا;437886]انا كرشتي مشدودة على الاخر الله يستر عسى ما انفجر:) بس مافيها لمعة ........الظاهر انت كرشتك كاملة الموصفات كشخة فيها لمعه........وانا ليش كرشتي ما تلمع

زود الغلا صراحه مصعتي مصاريني وهي مو ناقصه تمصيع
حتى انا كرشتي كامله المواصفات تلمع عالاخر
روحي اقرب غسيل سيارات يسوون لها تلميع خخ
ياحليلك انا من العيد اللي راح وانا امي معذرة لي الناس بس والله ماارتحت من كلام الناس وهم اللي قررو ان فيني توم شكل معهم اشاعه وانا مادري
جومانا انا كرشتي تلمععععع زيك والعروق منتهيه
وادهن بزيت زيتون لان التشقق منتي سالمه منه لوتدهنتي بس يالله شي بالنفس
بنت مغتربه
حياك الله وماشاء الله بالسابع متاخره علينا

عذب
وعليييييييكم السلام

[ام رضوي القمر]

شربت كوفي ودار راسي مرة وحدة :( وحسيت بخفقان مو طبيعي . ..

عذب شخبارج .؟؟ بيني وبينج 3 اسابيع تقريبا شخبارج وشنو تحسين ؟؟ كبرت كرشتج انا ساعات احس بطني بطن وحدة في الخامس ومرةو حدة احسها تصغر خخخ مادري شالسالفة انتو بعد جدي ؟؟

سامحوني بنات داشة عرض وللحين ماحفظت اساميكم ؟..
الله يسهل على كل وحدة ويعوض كل وحدة خسرت اجنتها ياااااااااارب

وياارب اكمل معاكم مشواري والله يقر عيني بشوفة اجنتي بيبيات كاملين وبصحة ياااااااااااااااااااااااااااارب يااااااااااكريم .. انا حملت فيهم بعلاج الحمد لله وان شاء الله ربي مابيحرمني منهم ..

[متلهفة لحظوركم..]

مرحباااا كروشات..

كيفكم؟؟
مررررره تعبني الحرقان كليت كل شي يقولون انه يخفف ولا فاد شريت كل حبوب الصيدليه الظاهر وبرضوا مافاااااد تعبت منه يارب عظم اجورنااا يارب..

جومانا..
انا كرشتي تلمع ويجننننننن شكلهااا خخخخخ ..

زود الغلا..
معليش اكذبي علشااان مصلحتك كذبتت لمين قلت بس الكل يقول انتي باي شهر وكل شوي اطلع شهر من راسي مررره اقول التاسع مره نهايته مره الثامن واشوف علامات استفهاام فوق راسهم ههههه بس ماهموني مصيرهم بيعرفووون..

محجبه ... كيفك يالغلا وبشريني عن صحتك؟؟

ام رضوي .. انتبهي لنفسك وحاولي تخففين من الشغل او خذي اجازه ترتاحين فيها لحد ماتعدين الخامس مع اني اشوف حمل التوأم لازم كله راااااحه الله يحفظ لك اجنتك يارب ويحميكم...

اليوم رحت السوق قلت خليني اخذ لصقات ولوح واشياء لغرفة البيبات التهي فيهاا بدال مااتشكى وانا وزوجي طقاااق على الالوان الا جتنا البايعه وقالت ليش محتارين خوذوا ياازرق ياوردي خخخخخ قلت لهااا انا فيني الثنين وش اخذ وانبسطت لي ياحبيلهااا وشوي وبتصيح الظاهر انهااا رحمتني خخخخخخ وقالت صح انه صعب بس مرررره حلو وانبسطوا...
فضفضة سهرانه ماجاها النووووووم وطفشانه...

[ام رضوي القمر]

متلهفة لحضوركم مشكوورة حبيبتي وانا توني راجعة من اجازة اسبوعين لان صادني نزيف يوم واحد وترقدت وبعدين صار بني وخف شوي شوي .. بس ماقدراهد الشغل لان راتب زوجي مايكفينا خصوصا عندي ولد والحين هو بالروضة ومصاريف .. وزوجي ماخذ قرض عشان ياخذ لي سيارة ويقصون نص راتبة عشان جدي مضطرة اشتغل ..

[ام رضوي القمر]

ذبحني الخفقان

تتوقعون من شنووو ؟؟

امس طقيت ابرة تثبيت ,, اللي خذو مثبتات الى متى خذيتون المثبتات ؟؟ نسيت مااسال دكتورتي .. ومتى الوحدة تقدر تنام مع زوجها انا الجماع ممنوع علي من صادني النزيف

[متلهفة لحظوركم..]

ام رضوي .. الله يعينكم يارب ويرزقكم انه كررريم اجل حاولي ماتشتغلين في البيت كثييير وريحي نفسك قد ماتقدرين.. والنزيف انا جاني لحد ماوصلت الشهر الرابع والحمد لله والدكتور قال اغلب اللي يحملون بأكثر من واحد يجيهم نزيف اول حملهم .. استودعي الله نفسك ومافي بطنك والله يحفظكم يااارب..

[متلهفة لحظوركم..]

الخفقان ممكن يكون فقر دم راجعي دكتورتك عمواما انا جاني خفقان اول حملي وكان مررره يتعب وبعض الاحيان يوصل للدوخه وماكان فيني فقر دم بداية حملي بس قالت لي الدكتوره طبيعي ..

وبالنسبه للجماع انا ممنوعه منه من الشهر الاول لبعد الولاده ان شاء الله معليش خلي زوجك يتحمل هالفتره ماجوووا هالبيبيات بسهوله ...