تجمع الجزائريات الغاليات المتأخرات في الحمل ‏

[bassouma]

أمة نيشان هذا هو يعيشك وريلي كي يشكلوه
ألما على سلامتك حنونة

[صبورة]

السلام عليكم لبنات توحشتكم واش راكم
شكرا للبنات اللي سقساو علي
الما
انا لله و انا اليه راجعون عظم الله اجركم و الله يصبر اهله و الله يغفر له و يرحمه باذنه تعالى
عبير
يا عمري على الببونة ماشاء الله و لا حول و لا قوة الا بالله كبرت الله يبارك فيها..و مبروك عليك اخ ليلك يا رب تشوفيه كامل الخلقة و الخلق
20 سنة انتظار
يتوحشك الخير حبيبتي..يا قلتلك بلاك راكي حامل يا رب و الله راني متمنيتهالك من قلبي..
نور الهدى
زيدي اصبري بلاك الحمل مايبانش درك..يا رب تفرحينا بحملك ليعقوب ان شاء الله..
بسومة 26
على بالي تمنيتي نكون بالحمل هدا الشهر..ماعليهش مالازمش تعزفي على حالتنا راكي بالحمل حبيبتي..قدر الله و ما شاء فعل..الامل بالله كبير و اليقين بالفرج القريب اكبر..
باقي لبنات يا رب تكونوا كامل بخير و ربي يعطيكم ما تتمناوا ان شاء الله
اما انا غبت هاد اليومين حالتي النفسية كانت في الحضيض الحمد لله على كل حال.طمعت هذا الشهر فالحمل اكثر من اي مرة ..جاوني اعراض عمري ماشفتهم.جاني السطر انتاعها قاوي في يوم 28 يوم و قطرت شوية وانا اصلا اليوم الاول اللي تهبط فيه تهبط تقطر من غدوة تهبط عادي..استنيتها تهبط اليوم الثاني ماكانش و طمعت اني نكون بالحمل..و خدعتني وجاتني البارح وانصدمت..و قلت انا لله و انا اليه راجعون اللهم اجرني في مصيبتي و اخلفلي خيرا منها..
..وكلت امري لله(و قلت ان كانت سحرا او حسدا او عينا) قلت حسبي الله ونعم الوكيل في اللي خلى الدورة تزورني كل شهر مدة اكثر من تسع سنين زواج..

[صبورة]

اليوم الصباح بكري شفت في التلفزيون لبيبة و عجبتني وقعدت نتفرج فيها ...اسئلوا لبيبة وعند لبيبة لب القول ههه
و تفكرت ام نهى و قلت يا رب تدخل و طمنا عليها

[أمة الرحمان السلفية]

اهلا الما حبيبتي
انا لله وانا اليه راجعون عضم الله اجركم ربي يصبر خلتك في مصيبتها

[أمة الرحمان السلفية]

صبورة مرحبا كيفاش راكي

[أمة الرحمان السلفية]

قريوش وردة الرمال

3كيلات فرينة راني نكيل بالباطة تع الزبدة لابال تع رطل
نص كيلة ناقصة شوية زبدة
ملح
3 ملاعق صغار خميرةتع الدار
فاني
2 ملاعق صغار خل ابيض
تخلطيهم كامل وتلمي بماء الزهر
تخليها ترتاح 4 سوايع ومن بعد تحليهم فالمشينة 2و4و6 كامل ومن بعد تعاودي تلميهم وتكوريهم و تخليهم يرتاحو نص ساعة اخرى و هذا السر من وراء نجاحجها
بعدما ترتاح تحليها ف 2و4و6 و ديري3 دوائر ب مول تع 80 وتقليهم فطاوة غارقة وتعسليهم كامل وتزينيهم بالجنجلانية

[alma021]

اهلا صبورة واش راكي ليك وحشة معليش حنونة قدر الله وماشاء فعل علابالك انا مالموت تا ع راجل خالتي عرفت انو ربي سبحانو حكمتو فوق كل شي احنا نتقلقو ونقولو وعلاه جاتنا ومنا ومطلعو ونهبطو بصح كل هاد الشي عندو حكمة وربي حرمك هدو 9 سنين لحكمة لا يعلمها الا هو شوفي غير بنت خالتي مسكينةفيكسات لادات تاع العرس في 22 فيفري ايماجيني قبل العرس بشهر ماتت جداتي ربي يرحمها قلنالها اجلي مام هي قالت ناجل ماحبش راجلها ياجل العرس وبقى مصر على هديك لادات مام باباها ربي يرحمو ما اصرش عليه قال خليه يديها وخلاص احنا منديروش عرس تخيلي انت دارت العرس تاعها الجمعة فالليل اداوها لدار راجلها والاثنين فالليل توفى باباها ربي يرحمو شفتو الحكمة تاع ربي سبحانو كون اجلت غير سمانة كون ربي ماكتبش العرس سبحان الله

[jiji belle]

المشاركة الأصلية كتبت بواسطة صبورة

السلام عليكم لبنات توحشتكم واش راكم
شكرا للبنات اللي سقساو علي
الما
انا لله و انا اليه راجعون عظم الله اجركم و الله يصبر اهله و الله يغفر له و يرحمه باذنه تعالى
عبير
يا عمري على الببونة ماشاء الله و لا حول و لا قوة الا بالله كبرت الله يبارك فيها..و مبروك عليك اخ ليلك يا رب تشوفيه كامل الخلقة و الخلق
20 سنة انتظار
يتوحشك الخير حبيبتي..يا قلتلك بلاك راكي حامل يا رب و الله راني متمنيتهالك من قلبي..
نور الهدى
زيدي اصبري بلاك الحمل مايبانش درك..يا رب تفرحينا بحملك ليعقوب ان شاء الله..
بسومة 26
على بالي تمنيتي نكون بالحمل هدا الشهر..ماعليهش مالازمش تعزفي على حالتنا راكي بالحمل حبيبتي..قدر الله و ما شاء فعل..الامل بالله كبير و اليقين بالفرج القريب اكبر..
باقي لبنات يا رب تكونوا كامل بخير و ربي يعطيكم ما تتمناوا ان شاء الله
اما انا غبت هاد اليومين حالتي النفسية كانت في الحضيض الحمد لله على كل حال.طمعت هذا الشهر فالحمل اكثر من اي مرة ..جاوني اعراض عمري ماشفتهم.جاني السطر انتاعها قاوي في يوم 28 يوم و قطرت شوية وانا اصلا اليوم الاول اللي تهبط فيه تهبط تقطر من غدوة تهبط عادي..استنيتها تهبط اليوم الثاني ماكانش و طمعت اني نكون بالحمل..و خدعتني وجاتني البارح وانصدمت..و قلت انا لله و انا اليه راجعون اللهم اجرني في مصيبتي و اخلفلي خيرا منها..
..وكلت امري لله(و قلت ان كانت سحرا او حسدا او عينا) قلت حسبي الله ونعم الوكيل في اللي خلى الدورة تزورني كل شهر مدة اكثر من تسع سنين زواج..

معليش حنونة رانا كامل كيف كيف
بنات حبيت نبشركم هبطت مسودة السعد الله يعطيها ضربة ههههههههههه كون جات عبد كون راني قتلتها و هنيتكم كامل
واش نديرو مكتوب ربي
اللهم لك الحمد
خيرها في غيرهااااااا

[alma021]

غفر الله لنا ولكم امة ربي يثبت الحسنات ان شاء الله

[أمة الرحمان السلفية]