دردشة بنات فلسطين, دردشة حوامل فلسطين, تجمع بنات فلسطين

بينك روز · 04-04-2012, 01:24 PM

اهلا وسهلا بيكي اختي
انا من غزة
تسلمي ان شاء الله وان شاء الله ربنا ينولك الي ببالك انتي كمان
بالنسبة لابرة الظهر مابعرف ازا منيحه ولا لأ انا لسه بكريه ومابعرف كتير بالشغلات هاي
بس سمعت انها ممكن تأثر على الست الحامل بعد ما تولد
والله اعلم

maya123 · 04-04-2012, 01:31 PM

اهلا فيكي وبكل اهل غزة
انا كمان بكرية وما بعرف شي

انتي كديش عمرك وايش عاملة بحياتك؟؟؟ تدرسي ؟ تتعلمي؟

بينك روز · 04-04-2012, 01:51 PM

انا عمري 25 سنة
في 25/4 بسير الي متزوجة سنتين بالزبط
طبعا درست بكالوريوس تجارة وبشتغل بشركة خاصة محاسبة
حملت قبل هيك مرتين بس الحمد لله ما كتب ربنا اله يتم

خبريني عنك

جارة القمر · 04-04-2012, 01:58 PM

مايا لسا بدري تجهزي بس ازا بتحببي قطع معينه اشتريها
بالنسبه لابرة الضهر انا اخدتها كتير بتساعد وبنصحك تطلبيها

maya123 · 04-04-2012, 02:17 PM

يسلمو اخت جارة انا كتير خايفة من الولادة وبفكر اطلب ابرة الظهر حكولي كتير بتساعد وما بشعر بشي!! بس ما الها مضاعفات وتاثير بعد الولادة؟

جرة انتي حامل ببنت ويلا صبي؟

اخت بينك روز عن حالي انا عمري 22 من الناصرة بدرس طب اطفال ومتزوجة من 6 اشهر وما بشتغل لاني كتير مبلوشة بالدراسة. هاد اول حمل لي ان شاء الله ربنا بهونها علي وعالكل وبيعطينا اطفال سالمين بلا زيادة او نقصان

maya123 · 04-04-2012, 02:20 PM

بالنسبة لجهاز البنوتة بفكر اجهز الغرفة بس بهاي الفترة لانو بدها كتير شغل لسا بدي ادهنها وافرشها وبفكر اعمل فيها ديكور حلو بفكر اعمل هالاشياء هسا واخلي باقي الجهاز لبعدين

لانو باخر اشهر من الحمل بكون بفترة امتحانات وضغط بالدراسة وما راح افضى كتير

غُمُوض أُنثَى · 04-05-2012, 03:06 AM

كيفكو صبآآآيـآ ..

بينك روز ومـآآيآ العُمر كله يـآرب .. بينك انتي عنجد بتحكي عن نظآم الكهربآآ بالكَرت ؟؟؟
وشو هالحَل هـآدآ !! عنجد غريب اول مرة اسمع فيه والله

بالنسبة لكروت الجوال لما كنت بغزة كنت دايما اعبي كروت عشآن مسجات واتصالات دولية لخطيبي
بس هلأ بتونس 5 او 10 دنانير بيضلهم ومابعرف شو اعمل فيهم o.O

بنـآت مين بتشوف برنـآمج " تُوب شيف 2 " بيجي عالــ LBC كتير حِلو وممتع
وكمآن للي بدهآ تتعلم فن تقديم الاكل عنجد روووعةَ

اللي بتحضرو تحكيلي :)

سهى2012 · 04-05-2012, 07:58 AM

صباحكم ورد وفل وياسمين

كيفكم اليوم يارب تكون بخير وحملكم بخير

بينك روز فكرة حلوة عن كرت كهربا هي كان ضايل علينا بغزة الله يريحنا من فيها وعملوا فيها

هلاء نظام 8 ساعات بتيجي وباقي اليوم بتقطع يعني حتى لو تبرعت كل دول العالم بالسولار لشركة الكهربا راح برضوا يقطعوها حسبي الله عليهم

غموض انثى حبيبتي انت وين بتونس انا كنت بتونس قبل فترة واهلي هناك وانشاء الله راجع لها استقر فيها ويارب تكون ولادتي بتونس عند اهلي

على فكرة صبايا تونس روعة روعة كتير مهما حكيت عنها مابقدر اوصفها بكفي انها تونس الخضراء وشي الحلو انتشار الدين الاسلامي فيها

يسعد صباحكم غموض انثى وبينك روز ومـآآيآ العُمر كله وكل الصبايا الحلوين

جارة القمر · 04-05-2012, 08:50 AM

صباح الخير

مايا انا الحمد لله ما عنيت من شي بعدها احيانا بعد الولاده كان محلها يوجعني بس بشكل بسيط جدا
يقال لها اعراض بس فايدتها اكتر

انا حامل بولد ........... مايا

سهى اكيد تونس رووووعه اهلك ليش هناك ؟؟

بينك روز · 04-05-2012, 09:14 AM

صباح الخير صبايا
كيفكم شو اخباركم
شو سهى بدك تسافري وتتركينا بنهون عليكي
صحيح شو صار مع خالوووو طمنينا عنه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM