تجمع حوامل ليبيا

[ام لقمان]

مشكوره ياميرنا وانشالله نفرحولك عن قريب
واناكد عليك بالرقيه راهى حل عظيم وصدقينى شفنا من الى عندك واجد وين عطانا المولى ما اقدرش حد ياخذ عطاياه
زيدى من اورادك وركزى فى روحك وخلى امللك بالله كبير ما زلتى صغيره وسنوات زواجك اشويه والحق انى مستغربه موضوع ان اهل زوجك بيزوجوه
المهم انشالله عن قريب اتفرحينا واكثرى من الاستغفار والدعاء
وصدقينى ندعولك دائما
وايش رايك فى اسم بنتى اقصد بنت التجمع؟

[ميرنا]

رورورورورورورورورورو ي

مبروك

[ميرنا]

حلو وعاشت الاسامى وانا عندى بنت اختى اسمها جنان

[ميرنا]

انتى تبى ابنية صح

[ميرنا]

ام لقمان اقصد يام جنان انتى من قبل اتجيبى بالعملية

[ميرنا]

وينكن يابنات شاركو ام لقمان فرحتها

[ميرنا]

اليوم ايضا نحن فى انتظر دخول حبل الوصل على خشبة المسرح لى تنشر الفرحة فى قلوب الجميع

[راجيه فرج ربها]

مبروك عليك اختي ام لقمان البنيه يجعلها الله لك ونس في الدنيا ومن البارين بيك على فكرة الاسماء انت ولدك لقمان ولاكنيتك كانهو ماهوولدك ان شاء اتجيبيه وكانهو ولدك ان شاء الله تخاويه ويجعلها الله بنيتك من اهل الجنان والي قال امين ميرنا يصبحك الله بالخير وان شاء الله نزغرطولكن كلكن وانا امعاكن بحمل قريب بولدات صالحين وبصحيحتنا وعافيتنا يارب العالمين والي قال امين

[راجيه فرج ربها]

سامحيني اختي ميرنا تو قريت سؤالك ايه قعدت شهر بعد زواجي واحملت وعملت لولب بعد بنتي التانيه قعدت اربع سنين بعدها جبت اوليدي والله ماننصح حد بالمانع جيبن ياخوياتي اعولتكن وراء بعض هالدنيا كل يوم بحال ماكنت نتوقع روحي يجيني ورم سرطاني يوخرني عن الجياب لكن قدر الله تو ماناخد في شي ليش المجفف ماعنديش حليب شهر اكتوبر الي فات احملت ولكن الدكتوره امرتني نجهضه لانه خطر عليا الحمل قبلا سنتين وكنت مازال ماكملت السنتين مرات نقول في خاطري لو خليتا تو راني جايبه بعدها نقول الحمد الله لو فيه الخيره راهو قعد الحمد الله كنت نستخير في كل خطوه وربي اختار الحمد الله على كل حال ربي كريم وضني فيه مايخيب الحمد الله كيف كنت وكيف اصبحت الله المشكى لغير الله مدله غير انخبر فيكن رحمة ربي ماوسعها والله ماكنت نحساب نروح لصغاري ونجول كيف قبل في داري الحمد الله تبارك الله ماشاء الله ولا قوة الا بالله

[ساجدة]

السلام عليكم....كيف حالكم يا خواتي والله وحشتوني ووحشني التجمع لكن الله غالب قاعدة انعاني ابروحي لا جبت ولا تريحت ادعولي ربي ايسهل عليه ......وسامحوني مانقدرش ندخل للتجمع ديما لان ماعنديش جهاز لكن كان ولدت لالالالالالالازم انبشر خياتي اللي هما انتن