تجمع حوامل ليبيا

ميرنا · 02-03-2011, 12:06 PM

سورنيام بارك الله فيك يالغالية على الدعاء لنا وان شالله ربى يحققلك كل امانيك

ميرنا · 02-03-2011, 12:14 PM

يابنات انا خش على النت بدون دارسة يعنى ما قريتش حاسوب وما نعرفش ما فيت انخش عليكن وعندى موشكلة هى .... اما نفتح جهاز الكمبيوتر او لابتوب ونخش على منتديات الحوامل النسائية ينفتح معى بدون ما نكتب انا ميرنا ونحط كلمة السر يعنى اى وحد يستخدم جهازى ويدخل على المنتدى ينفتح معها وانا الحركة هذى ما نبيهش علمونى كيف اندير

ميرنا · 02-03-2011, 12:16 PM

تى كيف اليوم مفيش حد

ميرنا · 02-03-2011, 12:20 PM

ام قصى وينك ازعمة هلك جيرانا من امس وانا انفكر منى من جارتنا عندها بنت متزوجة وعندها بنتين وتسكن فى الساحل

ميرنا · 02-03-2011, 12:23 PM

ام اسيل مفقودة

ميرنا · 02-03-2011, 12:30 PM

ام اسيل لا خلص لقيتها كلمتها توة بالموبيل وهى تسلم عليكن كلكن بس مشغولة فى القراية والمدرسة

عاشقة الصحراء · 02-03-2011, 12:55 PM

صباح الخيرات والليرات كيف حالكم ؟؟؟ الجميع بدون استثناء ..
عيون كيف حالك ؟؟؟ مع انك ماسألتيش عليا .. دقيتك هههههههههههههه
ميراس وينك هربتي بالبازين ؟؟؟ شن جوك وشن مدايرين فيك التمارين ووين طلعتي امبارح ؟؟
أم قصي الغالية ... كيف حالك حبيبتي وشن أخبارك ... ربي يخليلك زوجك ويحليك في عينه أكتر وأكتر ... ويخليلك بنياتك يااااااااااارب .
سوووووووووورينام كيف حااااااااالك وتشرفت بيك ياحلوة ؟؟؟
معقولة هكي ياسوري تبتزي اوخيتك المسكينة اللي تتوحم وعينها بتطلع من كتر ماتبي باااازين ؟؟؟؟ معقولة هكي والله حالتي تبكي هي هي هي هي هي هي ( ههههههههه)
حبيبتي اني غيرت اسمي في التجمع الليبي وبديت نوقع بعاشقة البازين لكن عاد يرضيك كل مانخش لتجمع تاني يسألوني شن هو البازيييييييييييييين ؟؟؟ ويقهروني بزيادة ؟؟؟ قداش بنشرحلهم هههههههههههههههههه
هيا بالله عليك شوقتيني و ( سال لعابي ) ياخبيرة البازين انتي ... قوليلي كيف نديره بالفول وليك مني أحلى لقب ( خبيرة البازين ) يسلموا ايديكي مقدما

ميرنا كيف حالك وشن أخبارك ؟؟؟ يمكن انتي يصير معاك هكي لأنك ماتسجليش في الخروج من المنتدى لما تصكري الجهاز وهكي اي حد يقدر يجي يخش ...

ام قصى محمد · 02-03-2011, 02:58 PM

هههههههههههه ميرنا ضحكتينى صار شاغله بالك من انكون ياستى انا هلى يسكنو فى الشوارع الاربعه الى على الجبل وانتى وين؟ وربى يكون فى عونك تعرفى انا قبل بنتى الثانيه اجهضت مرتين والدكتوره تقولى عادى ما فيك شى د.ليلى شنيب وبعدين خذتنى امى لطبيبه عرب العواميه الى باب طبرق والله مرستنى ووصفتلى دوا والحمد لله حملت بجنى على طول انشالله عقبالك جربى وعديلها

ميراس · 02-03-2011, 03:00 PM

سلام عالحلوين بدون استتناء والله قاعدة امبارح اطلعنا درنا دورة فى سوق الثلاتا وبعدين امشينا اخدينا كيكات ومشروب وشورما درنا شوية جو لولدى لانه نجح هو يقراء تانية هندسية

ميراس · 02-03-2011, 03:02 PM

فى حد ولا مكسدة