تجمع حوامل ليبيا

[ام قصى محمد]

صحه تغديتو لا شكلها راجلها ماجاهش نجونا اليوم ههههههههههه

[ميراس]

مرحبتين بيك ياام قصى كيف حالك اليوم انا متهتكة كيف روحت من صالة المراة للرياضة ماعندى عظم نابت مع عظم كيف حالك ياغرام انا من ورفلى وتشرفت بيك ياغالية وينك ياعاشقة انشالله تمام توا وربى ايخليلك بعلك انا اليوم طالعة انشالله بنهيجو اشوى حتى كان ماعندى جهد من الرياضة عيون صحة صحة شوفتينى انا انموت فى حاجة اسمها رز ميمونة وين امغطسةوام السعد حتى هى

[ميراس]

انا بنطلع توا وبعد انروح توا انخش نتلاقو اوكى مش ترقدو بكرى

[ام قصى محمد]

الله يقويك انا سلفتى تقنع في انى نمشى معاها تبينى نونسها بس بصارحه انا ناويه نفكر نحمل بعد كم شهر ونمشى للمدرسه فى الصبح دوبى دوب حوشى

[أم سعد]

السلام عليكم

مساء الخير

كيف حالكم كلكم بدون استثناء

أنا إن شاء الله غدوة عمليتي الصبح ... دعواتكمـ

[سورينام]

السلاااااااااااااااااام عليكم يا غاليااااااااااااااات يل حلواااااات

[سورينام]

وين وين وين مغطسات ...معاش تبانو ... هههههههههه ماهو افضل وسيلة للدفاع هي الهجوم (بدل ما تسألوني وينك نسألكم ني وخلاص)

[سورينام]

والله فاقدتكم هللللللللبة وليكم وحشة يا احلى تجمع .. لكن الله غالب شوية ظروف خلتني ننشغل عليكم شوية .. عرس بنت حماتي داراته بسلامتها عرس كبييير وكامل وما نقصت حاجة وهيا في نفس الوقت صاحبتي وكانت تقرا معاي فانشغلت معاها من طقطق للسلام عليكم .. وهيا راس ابنية قعدنا حاصلين في حوسة حوشهم بعد ما اتسقدت .. وبعدها سارة بنتي مرضت مرضة كبييييرة .. اسهال وحرارة حاشاكم خدت عدوى فيروسية من ولد عمها وقعدت نعاني .. الحمد لله وخلاص

[حبل الوصل]

السلام عليكم كيف حالكم كلكم بدون استثناء وحشتونى وحشتونى وحشتونى
وزعلانة منكم لانكم مافقدتونى
المهم انى كنت في طرابلس فترة العطلة وماقدرتش نخش للتجمع وبعد روحت النت كان فاصل عندى
اية وليبيا قلبي الف الف الف الحمد لله على السلامة ومبارك البنوتات وان شاءالله تصحو بسرعة وترجعولنا وتحكولنا عن قصة ولادتكم
نسرينا وميمونة ان شاءالله عند الله خير وربي يعجللكم بالحمل
ام سعد ربي يسهل عليك وتكون عمليتك ساهلة وماتتعبيش المهم ماتوتريش روحك وانى ندعولك من كل قلبى المهم انتى ماتنسيش تدعيلنا معاك وربي يكون في عونك وتنوضي بالسلامة انتى وعيلك وتشوفيه سليم معافى باذن الله
ام اسيل طولتى الغيبة والله انشغلت عليك واجد بالله خشي طمنينى عليك ان شاءالله غيابك خير ولو كنتى بديتى في برنامج الزرع ربي يساعدك ويقدملك اللي فيه الخير وتنجح العملية

[سورينام]

الف الف مليوووون مبروك البنوتات الجديدات في التجمع .. وحمدالله على سلامتك يا أيوووووته ويا ليبيا قلبي .. ونشاءالله بنوتاتكم من قسمكم ياربي