تجمع حوامل الأشهر الأخيره(السابع,الثامن,التاسع)

[احلم بطفل]

مرااااحب يا احلى كروشات ..
ششوو اخباركم و كيف الحمل معاكم ؟

عروس جديده اكثري من قول حسبي الله و نعم الوكيل
و اسأل الله ان يرده لكم رداً جميلا .. وااااااضح عزيزتي
والدك مصروف عنكم اسأل الله له الشفاء ..

يغار الحلى ..
الخيره فيما اختاره الله ،، الله يقومك بالسلامه
و تفرحي بشوفة ضناك ...

[يغار الحلى]

هلا فيكم الله يسعدكم و يكتبلكم الأجر

ولا يحرمني منكم

أعطيتوني دافع قوي عندي ناس الله يهديهم تحطيم اتشهدي و لا تستعجلي

مع أنهم قالوا رأس الطفل 9 و نص و حوضك 8 ماراح يخرج إلا بعمليه

توكلت على الله و إن شاءالله راح أبشركم عن قريب.

[لييتا]

يغار الحلى الخيره في ماختاره الله

توكلي على الرحمن واستخيري وتنزليلنا سالمه غانمه انتي وطفلك ان شاء الله

عروسه جديده الله يكون بعونك انتي واهلك وربنا يره لكم مرد جميل في القريب العاجل وادعو لابوكم انو ربنا يهديه وربنا يعينكم اللهم امين

[عشوق]

فديته الغالي
الحمد لله على سلامتك وسلامة العريس ويتربى بعزكم يارب

عروس جديده
وكلي أمرك لرب العالمين وهو راح ياخذ حقكم منها وعمر الظلم مايدوم

يغار الحلى
انا الحمد لله تمام باقي لي اسبوع وادخل الثامن
ربي يتمم لك بالخير وتبشرينا بولادتك يارب

بكرا عندي مراجعه // دعواتكم يكون تضخم الكلى اللي عندي راح والاتهابات خفت لاني بجد تعبت 😔😞

[هوادي***]

صبااح الورد

كيفكم كرووووشات


بنات انا باقي لي 4 ايام تقريبا وادخل الثامن..باذن الله

لاحظت ينزل مني موية نقطة او نقطتين.. والرائحه كريهه (اعزكم الله)

خايفه يكون التهاااب..

وبعدين الحين بموت جنووبي تعوورني احس كان اللحم يبعد عن بعض..برضوه هذي تشققات الحمل والا ايش..؟؟؟

وكمان احس بمووت من الحر اهلي يشتكون من برودة التكيييف وانا لا احس بحر
لدرجة لما انام اصحى صدري مووويه وظهري
هي الحامل تصير حااره هيك

وبس ريحووني

[لييتا]

المشاركة الأصلية كتبت بواسطة عشوق

بكرا عندي مراجعه // دعواتكم يكون تضخم الكلى اللي عندي راح والاتهابات خفت لاني بجد تعبت 😔😞

ربي يسهلك حبيبتي يارب ويعافيكي اللهم امين

على فكره عشوقه انا عندي شريط حملي في منتدى تاني ونفس تاريخي تاريخك من غير زياده ولا نقصان مشاء الله تبارك الله
ربي يتمملي وينمملك ويتمم للكل ياااااااارب

[لييتا]

المشاركة الأصلية كتبت بواسطة هوادي***

صبااح الورد

كيفكم كرووووشات


بنات انا باقي لي 4 ايام تقريبا وادخل الثامن..باذن الله

لاحظت ينزل مني موية نقطة او نقطتين.. والرائحه كريهه (اعزكم الله)

خايفه يكون التهاااب..

وبعدين الحين بموت جنووبي تعوورني احس كان اللحم يبعد عن بعض..برضوه هذي تشققات الحمل والا ايش..؟؟؟

وكمان احس بمووت من الحر اهلي يشتكون من برودة التكيييف وانا لا احس بحر
لدرجة لما انام اصحى صدري مووويه وظهري
هي الحامل تصير حااره هيك

وبس ريحووني

والله اختي ماعندي فكره غير انو الحامل تكون حريره وتحس بالحر لكن البعض لا ونصيحه مني لا تخلي الهواء يجي عليكي وانتي عرقانه مويه نصيحه ترى مو كويس للحامل ولغير الحامل والله انتبهي

وربنا يتمملك على خير يارب ونلحقك بصحه وعافيه

اللهم امين

[احلم بطفل]

هوادي عزيزتي بإذن الله ما قدامك إلا العافيه
بكره ضروري تقولي للدكتوره على المويه عشان تاخذ
منك مسحه من المهبل و تعمل تحليل بول اكرمكم الله
و بالنسبه للحر حدث و لا حرج و ربي قبل الحمل
كنت في عز الصيف البس جاكيت لما اجلس في مكان
فيه تكييف و ما اتحمل برد المكيف ابداً و مااصدق احد
يغفل و اطفيه و في الاخير يجيني تهزيء يقولوا الا بردان
يدفى بس الحران يشيل ملابسه .. و مع الحمل صااااااااار
العكس على طول حررر و مكيفات بيتي او اي احد اروح عنده
ماتبرد 😥 والسبب يا هوادي الهرمونات مع الحمل تلعب فينا لعب

الله يتمم لنا على خييير و يهون علينا الطلق و الولاده ..

[وميض النجوم]

المشاركة الأصلية كتبت بواسطة 3rosajadeda

السلام عليكم

كيقكم ياحوامل
انا تعبانه نفسيا وابغاكم تدعولي خليني اقلكم قصتي
فجاه اكتشفت السنه اللي فاتت انو بابا متزوج وحده مغربيه وعنده منها ولد وجابت ولدها ايام زواجي عشان كدا ايام زواجي بابا كان مره متغير علينا ومو طايق احد مع اني اول بناته اللي تتزوج
وطبعا من اول ماتزوجها واحنا شاكين لانه مره كان متغير صار مره بخيل وبس يعصب ومايجي البيت ابدا
طبعا هيا وحده صغيره يلطيف كانت بنت مو كويسه الحمدلله الذي عافانا ومن اسره فقيره ، طبعا ضحكت علا بابا وخلته يتزوجها وخلفت منه وصار يجيبلها كل شي غالي واحنا مايجيبلنا شي ، الحمدلله بابا كان مايخلينا نحتاج شي عشان هوا مقتدر ماشالله وكنا نسافر وننبسط ، من يوم مااتزوجت كل صحباتي ابهاتهم معاهم الا انا الحمدلله، كل احد كان يحسدنا عليه خصوصا اهله حسبي الله ونعم الوكيل فيهم ، دحين سافرت انا عشان ادرس وحولد قريب انشالله وكل مااقول لبابا متا حتجوني يقولي مااقدر اجلس الا اسبوع والمشكله قبل مااولد ، ودحين اكتشفت انها حتولد نهايه الشهر يعني بعدي بشهر وتبغاه يكون جنبها حسبي الله ونعم الوكيل فيها يعني اول ماعرفت اني حامل راحت حملت، يعني لا خلته يفرح بزواجي ولا باول حفيد
انا هنا في غربه لحالي ودراسه وهادا اول حفيد المفروض يكون مبسوط فيه ، انالله وانااليه راجعون ، حتا ماسالني ايش تحتاجي وهوا مقتدر مره ، بس جالس يصرف عليها هيا واهلها ومنعته مننا ، يعني اخدتي ابونا مننا وكرهتيه في بيته واخدتي فلوسه وخلفتي منه ليش كدا ؟؟ يعني ايش تحس وهيا كدا تعمل ماتحس بتانيب الضمير ؟؟ المشكله انها قبل اسبوع خلته يسفرها يمشيها وجو هنا امريكا جلسو اسبوعين بس ماجو ولايتي ، يعني حتا غيرانه اني هنا وتبغاه يجيبها
والحمدلله علا كل حال ، مسكينه ماما مايجيها البيت الا مره في الشهر وينكد عليها، وحتا فيلتنا جالس يقول يبغا يبيعها ويسويلها فيلا ، المشكله عاملها فيلتين في المغرب ومشتريلها شقه في جده ، يقول لا هيا مسكينه ساكنه في شقه وانتو في فيلا ،
يعني مو كفايه اخدت ابونا مننا وماخده حقوقها كامله كمان ماتبغاه يعطينا شي وتبغا تاخد كل شي مننا
مسكينه ماما تقول مافرحني بزواجك ولا بحملك كلو نكد في نكد ، وكل شويه يهددها بالطلاق ويخرجها من البيت فهيا ماتتكلم وساكته دايما ، ويكلم اخواني ويقولهم تعالو عيشو معايا في المغرب واشتغلو هناك يعني يبغا يحرمها من اولادها كمان ، الله يهديه
تخيلو حتا قبل كم شهر سافر هوا ومرته وجاب شنطه ملابس مليانه لولده وكمان يبينها لماما، فماما قالتله ماجبت شي لولد بنتك قال لا انا مو مسؤول عنه ابوه يجيبله !! ماجابلي ولا حتا بلوزه ،، انا انصدمت مو علا شي بس بابا مررره كان كريم وهوا ماشالله عنده ، وهادا اول حفيد يعني يجيب اي شي يفرحني فيه ، واللي يقهر كل الناس حولينا يقولولي اكيد ابوكي طاير فيكي ومبسوط انك حامل
واهل زوجي بس يسالو متا اهلك جايين ، عشانهم يعرفو انو بابا بس يسافر وانا اول بنت اكيد حيجوني وهما مايعرفو انو متزوج

اختي واخواني كل يوم يدعو عليه ، وانا احبه مااحب احد يدعي عليه ، لانه كان طيب معانا وهوا طيب بس هيا اللي خلته كدا ، انا خايفه علا بابا يصير له شي لاسمح الله بسبب الدعاوي لانه ظالمهم ، وخايفه مرته فجاه تاخد فلوسه وتسيبه ويصير فيه شي لاسمح الله

انا عمري مااشتكيت لاحد ولا ابغا احد من صحباتي يعرف ، بس كل احد بيسالني متا اهلك حيجو لانهم يعرفو انو بابا مقتدر وماعنده شي ودايما يسافر
انا بس ابغاكم تدعولي وتقولو حسبي الله ونعم الوكيل فيها والله يرد نيتها علا نفسها والله يفرجها،
اذا في عند احد منكم تفسير ليش بتسوي كدا تقولي ؟ لاني مني مصدقه انو في انسانه كدا يعني ماتخاف من ربنا ؟ انا لو منها اخاف انو احد يدعي عليا او اخد حقوق احد ، يعني ماخده كل شي ليش تخليه يقصر علينا كمان

عارفه اني مررره طولت بس نفسي اخد راي احد يعني ايش المفروض نعمل وهل طبيعي وحده كدا تعمل ؟؟

الله يعينك حبيبتي

[هوادي***]

المشاركة الأصلية كتبت بواسطة احلم بطفل

هوادي عزيزتي بإذن الله ما قدامك إلا العافيه
بكره ضروري تقولي للدكتوره على المويه عشان تاخذ
منك مسحه من المهبل و تعمل تحليل بول اكرمكم الله
و بالنسبه للحر حدث و لا حرج و ربي قبل الحمل
كنت في عز الصيف البس جاكيت لما اجلس في مكان
فيه تكييف و ما اتحمل برد المكيف ابداً و مااصدق احد
يغفل و اطفيه و في الاخير يجيني تهزيء يقولوا الا بردان
يدفى بس الحران يشيل ملابسه .. و مع الحمل صااااااااار
العكس على طول حررر و مكيفات بيتي او اي احد اروح عنده
ماتبرد 😥 والسبب يا هوادي الهرمونات مع الحمل تلعب فينا لعب

الله يتمم لنا على خييير و يهون علينا الطلق و الولاده ..

هلا هلا

يسلم قلبك..
وشووله مسحه طبيه..؟؟؟؟؟
لا يكون فيني شي
انتي شاكه في شي..؟؟؟

والحر الله يعييين..

اللهم امييين... ويسهل لك..ويقوومك بالسلاامه