تجمع حوامل ليبيا

[عاشقة الصحراء]

اوووووووووووووووووه بالجودة ياميراس
نحس في روحي وصلت مادامك ورفلية
ونعم الناس والله

[عاشقة الصحراء]

لالا ياميراس قاعدين ... شنو تطلعي معانا اني وعيون ؟؟؟؟ شن رايك ؟؟

[ميراس]

والله ياعاشقة ادللى لكن بازين باللحم الوطنى ومش حاتنسى بنته طول عمرك اما بطبيخة الفول راح نسالك امى لانها اتفتلك فيه وخاصة فى مناسبات الوفاة اما انا انفضله باللحيمة الوطنية ا

[عاشقة الصحراء]

حبيباتي لو معاش رديت معناها طلعت لأن دوامي خلص ... شوفي روحك ياميراس كان بتطلعي ديريلي رنة ههههههههههه
وياعيون الساعة 5 نكون عندك بنمشي للحوش نغير حوايجي وجاياتك نبيك قدام الباب
( درت أحرف من الرجالة لما بيرفعك واحد منهم لمكان هيا هيا ... معروف عليا هكي ديما مفددة امي واخواتي كان عطلوا عليا واني نستنى ندير حالة ونزعل ومانحيلكمش ههههههههههههه )

[ميراس]

ادهموا عليا مافيش مشكلة

[عاشقة الصحراء]

تسلميلي ياميراس والله تعرفي سهفتيني أكتر اووووووووووووووووووووه نحس في روحي بنهبل على بازين بطبيخة الفول ههههههههههه
فعلا حتى اني كليته أول مرة وآخر مرة في حالة وفاة قبل 3 سنين وقاعدة بنته في فمي وتوا سبحان الله في الوحام جتني فيه النية ... حااااااااااااااااااااااالة وخلاص
يسلموا ايديك ياغالية وربي يخليك .. كإني ذقته من ايدياتك الحلوين

[ميراس]

سلمك حبيبتى

[عاشقة الصحراء]

خلاص امالا حبيبتي جهزي روحك ونجيك بعد ماناخد عيون وصغارها ( باهي باش تشدي معانا الصغار هههههههههههه )
توقعت مش حتطلعي لأن جماعة ورفلة حزارين وماعندهمش اللعب ههههههههههههه ... حقا حتى راجلك من ورفلة ؟؟؟؟

[عاشقة الصحراء]

سلام حبيباتي أنا رايحة وكان فتحت من الحوش نكلمكم ... حقا بنتلاقو بعدين ونطلعوا هههههههه سلااااااااااااااااام

[ღॐ آية ღॐ]

السلام عليكم
الحمد لله على تمام النعمة واكتمال المنة ..
الحمد لله حمداً كثيرا طيباًمباركاًفيه
ولدت والحمد لله يوم السبت وبنوتي بصحة كويسة والحمد لله
طبعا ولدتي كانت قيصرية بسبب ضعف نبض الجنين وتعسر الولادة طبيعيا
اكيد ميمونة بشرتكم وعقبال الي ممزالو يارب..
استحشتكم هلبا هلبااااااااااااااااااااااااااات...