.·¤ تجمع الحوامل اللي ولادتهم في محرم¤·.

[ام اسكندر]

ياحريم بسألكم بخصوص شعر الاطفال
انتو تحب الكدش ع الاولاد
ما اقصد الكدش مررررررة زي عبدالفتاح قريني
لا اقصد الكدش الخفيف .؟؟؟

ودي انزل موضوع بقسم الاطفال استشيرهم

ترى شعر ابني من النوع اللي يتلفلف
مو جعد
تراه ملمسه ناعم بس يتموج

وابوه يقول لي اربيه واخليه يطول شوي يصير زي الكدش
قلتله طيب تسعة شهور اللي هي فترة حملي ما رح اقصه
بس مع ولادتي رح اقص له
الحين طال شوي
بس احسه مو مرتب
شكله زي اللي توه صاحي من النوم
احس الولد حلاته يوم يقص شعره يكون شكله مرتب
بس برضو احب الكدش الخفيف ع بعض الاولاد .. بس ع ابني ابد ماحبيته
حسيته مشعفل<<< ترجمو هالكلمة ع كيفكم

هنا صورة شعره قبل شهرين
بس دحين اطول شوي لكن ماعنده صورة حاليا

[مامة اولادي]

اهلين بنات
كيفكم ان شاء الله تمام
يا الله احس الايام قاعده تمشي وكل مالنا قاعدين نتقدم اكتر واكتر ما شاء الله ربنا يتمملنا على خير
ام اسكتدر انا ولدي زيك شعره ملفلف بس انا عكسك احب اطوله وزوجي ما يعجبه الحال وكل قنره يوديه الحلاق ويقصله هو بس مو مره على خفيف بس وربي هما بكدش او من غيره يجننه
انا ساكنه بمكه والى الان ما اعرف فين اولد انا دايما اولد بجده اول مره في سليمان فقيه والنره الثانيه في الطبي الدولي والاتنين كانو حلوين الحمد لله بس الان محتاره بالذات انه المره دي زوجي ما عنده تامين يعني كل شي على حسابنا لانه دوبنا راجعين من بريطانيا كان يدرس ماجستير هناك وخلصنا الحمد لله

[ام اسكندر]

الحمدلله ع السلامة دامك رجعتي من السفر
ومبروك الماجستير لابو الشباب

ومايمنع تسوي تأمين دحين
صح شركات التامين احيانا ترفض الحوامل
بس الحمدلله انا شركة التأمين وافقت لي ع التامين وانا في شهري الرابع
حاولو تقددمو وان شاء الله تتوفقو

[ام اسكندر]

تعالو ارويكم مشترياتي من ملابس الحمل

مابي تشوفو وتمشو
ابي ردود حلوة بحق تعبي في رفع الصور

يلا قولو ماشاء الله عشان يكون فيها البركة لي ولكم

شوفو هالبلوزة البيضا
انجنيت يوم شفتها بالمحل



ولانها بلوزة توب ولزوم الحشمة والستر اخذت لها هالجاكت
واشتريت بنطلون استرتش اسود طويل


.
.
.

وهنا بلوزة اهدتني اياها بنت اختي
بس ما اعتقد تمشي معايا غير للشهورر الوسطى لانها قصيرة مع كبر البطن ممكن ترتفع للسرة



ناوية البسها ان شاء الله مع التطقيمة السابقة



.
.
.


وهنا بلوزة توب مشجرة



ولزوم الحشمة عندي هالجاكت من قبل
واشتريت جنز للحوامل ازرق
ماحبيت هالبنطلون لانه متموج .. كان ودي لو كان سادة لون واحد بس
بس للاسف هالازرق الوحيد اللي لقيته بالمحلات حق الحوامل اللي اخدني لها زوجي


.
.
.


وهنا بلوزة كيوت تناسب الجنز الازرق الانف الذكر


.

.
.

هادي بلوزة لونها جنااااااااااان



طقمت لها هالجاكت البمبي ع لون الوردة اللي بالبلوزة
بس ما ادري البسها ع الجنز الازرق او ع ايش من لون بالزبط؟؟؟؟؟؟ وش اقتراحاتكم؟؟


.

.
.

وهنا بلوزة كيوت
واشتريت لها جنز حوامل ابيض



.
.
.

هااااااااا وش رايكم بالافرول - الشيال <<< بكل اللهجات
حسيت حالي زي الاجانب الحوامل دايم يلبسو كذا
البلوزة عندي من قبل




هنا بلوزة عريضة ومن تحت زي التنورة
اعتقد تنفع للاشهر الوسطى بس
مارح البس الحزام عشان مايضيق ع بطني
وطقمت لها استرتش ابيض
واكسسوار احمر
ولو لبستها ع صندل او شوز احمر ياسلاااااااااااام



.
.
.

هنا بلوزة طويلة لونها زيتي ومخططة بالبيج
وعندي من قبل استرتش بيج يناسب عليها



.
.

.
.
.

شوفو قد ايش حلاة هالقطعة
بلوزة رايقة
تنفع فستان قصير
بس اني ابيها بلوزة لان مااعتقد عندي حفلات او اعراس
اغلبها حتكون زيارات خصوصا ان العيد جاي
وطقمت لها هالاسترتش الرمادي شكله زي الجنز بس هو استرتش مو جينز
ماعرفت وش اطقم له من جاكت
ودي بجاكت جينز سماوي احسه يكون رووعة ع البلايز البمبي



وهنا فستان قصير احمر
بس ناوية البس له نفس البنطلون الاسترتش الاسود اللي في الصور السابقة عشان يكون زي البلوزة مو فستان
وابي له جاكت بس ما اددري وش اللون اللي ممكن يناسبه



هالفستان اخذته في عهد حملي باسكندر
فستان حمل
بس مارحت اي فرح ابد وانا حامل
وما ادري متى رح البسه



.
.
.


هاذي بلوزة راااااااااايقة هدية جاتني من الوالد بعد سفره
وطقمت لها هالاسترتش الازرق
وعندي اكسسوار ازرق



.
.
.

نجي للتنورات
اشتريت تنورة حمل
لاحظو الشريط الاسترتش حق البطن اللي ع التنورة
وعندي بلوزة من قبل موجودة ناسبت عليها
البلوزة فيها طبقات من الامام طايحة تغطي البطن فاعتقد رح تناسب الحمل


.
.
.

هاذي ماهي تنورة حمل
بس اشتريتها عريضة من فترة
وطقمت لها لمن خرجت هالبلوزة




يلا دور الارواب وقمصان البيت
اشتريت مجموعة
بس للاسف لبست البعض
ماينفع اصور شي ملبوس
بس رح اصور لكم الجديد منهم

هاذي شوفو كيف لونها نعومي بمبي وابيض



.
.
.

هادي الجلابية اخدتها لي اختي من شيار


.
.
.

هنا جلابية اهدتني اياها جارتي من سنة ولالبستها
حسيتها زي موديلات العجايز
الشي اللي مخليها بدولابي هو لونها البمبي عاجبني
يمكن اضطر البسها مع الحمل .. الله العالم



.
.
.

اادري رح تقولو كثرت الملابس
بس ترى ذي مو للحمل وبس
هيا تجديد لدولابي وتناسب مابعد الحمل كمان
باستثناء بناطيل الحمل اللي رح اشيلها من دولابي بعد الولادة

ولاتنسو ان العيد جاي والزيارات جاية مع العيد
وامي جاية من مدينة ثانية مع العيد واكيد مع زيارتها رح يكثرو زيارات الحريم لنا لذلك اضطريت اخذ كل هالقطع

وعقبالكم بالمشتريات

[ام اسكندر]

نجي الان لمشترياتي لاسكندر للعيد

يلا قولو ماشاء الله عشان يكون فيها البركة لي ولكم

هادا لاول يوم يروح صلاة العيد فيها <<< مع ان حبيبي لسا يصلي بالحفاظة^.^
والصلاة حسب فهمه يكبر ويسجد ع طول <<< لسا عمره سنة ونص
ينقصه بس غترة وعقال .. بس ما ادري من وين اشتريهم لطفل
مرة زماااااااااااان قريت عن واحدة تبيعهم بالنت حتى عقالات مقاس مواليد تخيلو تكون صغيرة ومخيطة في شماغ صغير ومن تحتها زي الطاقية القطن مخفية مو ظاهرة عشان تدخل في راس المولود
بس ما ادري وين القى ع مقاس ابني
ان شاء الله مايجي العيد الا وقد اشتريت له عقال وشماغ صغنونين
وودي اشتري له دقلة حجازية بعد
ان شاء الله يوم اشتريها رح اسدح صورتها هنا
بس حاليا هادا اللي اشترى له ابوه من السوق الشعبية
<<< ع فكرة ماكنت ادري انهم يبيعو سراويل سنة مقاس سنة
لااااااااازم مانخرج عن ستايل ابو سروال وفنيلة << ستايل تتوارثه الاجيال



..
.
.
هنا ثوب بيت صغنون مقاس سنة ونص << ياقلبي ع الرجال الصغير حقي
مع نفس الصندل اللي فوق
بس مايعرف يحط الصندل في رجله ابد << تعرفو البزارين الصغار ماينفع لهم صنادل مفتوحة
يحتاج اوديه لاسكافي يركب له شريط مطاط اسود من ورا عشان يثبت برجله


.
.
.

هنا بنطلون زيتي
بس مالقيت تطقيمة تي شيرت ع نفس درجة الاخر اللي بالبنطلون
هاتيشيرت اخذته من سيتي ماكس
درجة الاخضر اللي فيه شوي فاقعة ع الاخضر الداكن اللي بالبنطلون بس هادا انسب تي شيرت لقيته
والشوز طقمته من محل جنب بيتنا نزلت وحدي مع ابني اشتريت له


.
.
.

وهنا بنطلون ابيض من سيتي ماكس عجبني ان فيه زرار من تحت تقدري تعطفي البنطلون وتقصريه عشان يكون ع مقاس ابنك
والتي شيرت من المحل اللي جنبنا
والشوز من شو اكسبرس



.
.
.

نفس البنطلون آنف الذكر مع تي شيرت من سنتر بوينت



.
.
.

التي شيرت من مارك اند سبنسر
والشورت والشوز من المحل اللي جنبنا ^.^



.
.
.

البنطلون كان هدية في النفاس
والقميص من سيتي ماكس هدية من اختي في عيد ميلاده
والاثنين مقاسهم من سنة ونص لسنتين
مع نفس الشوز حق شو اكسبرس


.
.
.

البنطلون من H&M
والتي شيرت من سيرجنت ميجور
والشوز من المحل اللي جنب البيت ^_^


.
.
.

الشورت من المحل اللي قريب البيت
والقميص من سيتي ماكس



.
.
.

الشورت من مذركير
والتي شيرت والشوز من المحل اللي قريب مننا



.
.
.

الجينز والتي شيرت من سيتي ماكس
والشوز نفسه حق شو اكسبرس



.
.
.

نفس التي شيرت اللي فوق حق سيتي ماكس
مع افرول -شيال من زارا
والشوز نفسه حق شو اكسبرس


.
.
.

وملبوس العافية لي ولابني ولكم باذن الله

اما الجنين لسا ماجهزت لي لاني لسا ما اعرف جنسه

[reality]

ماشاء الله يا ام اسكندر الملابس مره مره مره حلوه
تذوبيهم بعرق العافيه على مايقولون

[عيش الحياة]

مشكورة ام اسكندر واختي العزيزة ريالتي الله يطمن قلوبكم ولاتسونو بدعائكم وان شاء الله الشهر الجاي اطمن ويصير والوضع مطمن يارب ولا يوري احد فيكم ضيقه يارب


ام لنوع الجنين انا حولت عند عيشه وجهازها طلع قديم وسألتها ماعرفت قالت لسا مابان غريبة نفس المستشفى والاجهزة تختلف جهاز سمر مرة واضح ومتطور
بنات بسألكم ايش اضرار الفطريات على البيبي

ام اسكندر البس ما شاء الله حلوة زيك ذوق لبس العافية

[عيش الحياة]

ام اسكندر سؤال من فين اشتريتي تنورة الحمل حلوة شكلي بشتري زيها بس من وين عشان اروح

[عيش الحياة]

شعر ولدي لفلفه من عند ربنا وجالسة بالكريمات عشان ارطبو وابوه مصر يخلي كدش صاير كدش صغير بس من فترة طاح على راسو وانفقش ودم وخوف على المستشفى غرز واطرو يحلقو وراح الكدش بس دحين رجع طلع زي اول بس نفسي بتسريحة للكدش وهو يخاف من الحلاق موت

[عيش الحياة]

نوقا تسلمي الله يطمن قلبك يارب وتفرحي با حلى بيبي