هنا تجمع حوامل الشهر (السابع والثامن والتاسع)

[ابنائي حياتي]

الصمت عشقي
ههههههههههه شعور مستغربة منو لاول مرة
ومو مصدقة اني ممكن اكمل واوصل للتاسع
صح ثقل وتعب عمري محسيتو بحملي الاول والتاني بس حلو اني اكمل اشهري ويطلع البيبي كامل واول مرة اشوف حالي كيف شكلي ليكبر بطني
بالسابع بكون اصغر من التامن كتير

منوش هانت يا قلبي .. التفكير بالبيبي وكيف شكلو وووو بهون كتير علينا

ام السعد لا تخافي حبيبتي من التقلصات والولادة المبكرة انا ولدت مرتين مبكرة والحمد لله اموري تمام
ودخلت المستشفى قبل اسبوع اخدت مثبتات وهلاء ماشية عليهم بالرغم من اني عاملة عملية ربط عنق الرحم
فلا تخافي لما ربك يريد بيجي البيبي بس لا تتعبي حالك كتير

[أم السعد]

أبنائي احبائي شكرا كتير لك ينتي طمنتيني الله يطمن قلبك انا قالولي لازم اشرب متبتات بعد ما خرجت من المستشفى بس ما تحملهم جسمي وقلبي مشان هيك وصفولي مسكنات بس راحة تامة.انا مبارح كيف ما كتبت بالاول كان وجع وتقلصات وشربت المسكنات بس ليوم ما حسيت بحركة الجنين وترعبت كتير اتمنى يكون خير انشاء الله

[ابنائي حياتي]

لا تاخدي مسكنات ام السعد
ارتاحي لا تتحركي كتير والتقلصات طبيعية تصير
واطلبي من دكتورتك تعطيكي ابرة الرئتين للبيبي عشان اذا ولدتي ما يكون خطر عالبيبي
انا من الشهر اللي فات اخدتها
وروحي راجعي اذا بكرة ما حسيتي بحركة البيبي
لانه طبيعي يتحرك لو عالخفيف

[الصمت عشقي]

الله يسعدك ابنائي
وربي يتمم حملك ان شاء الله
ام السعد حبيبتي لاتخافي
ووكلي امرك لله
ربي اللي حط جنينك ببطنك واهو بيحفظه
ومتى مااراد ربي انه يطلع للدنيا بيطلع
اهم شيء انتي لاتخافي ولاتحاتي
لانو النفسيه لها دور كبير ع الحامل والجنين

حبيباتي بسألكم
انا بالاسبوع 34 متى ابدء المشي..؟

[ابنائي حياتي]

يعني اسبوع تقريبا تفوتي التاسع ابدي امشي يا الصمت
اولها عالخفيف وشوي شوي تزيدي وقت المشي
بس لا تتعبي حالك مرة وحدة ساعة وساعتين
انا ناوية اخر اسبوع بالثامن ابدأ

[أم السعد]

شكرا لكم حبيباتي.ابنائي احبائي انا اخدت 2 إبر للرئة لما نمت بالمستشفى بس حبيبتي انا باسالكم كل ها الاسئلة لانو موعدي بعد شهر تقريبا مع الدكتور بس ليش حبيبتي قلتي لي ما تاخدي مسكنات ينتي خوفتيني لاني من بداية الحمل ونا باخدهم لما ادخل المستشفى يعملوهم لي بالوريد ولما اخرج يقلولي اشربهم
.

[أم السعد]

الصمت عشقي ربنا يخليكي ويديكي كل يلي تتمنينه بس ش اعمل بالخوف انا تاجربتي السابقة عقدتني من الحمل .اما عن النفسية فربنا يستر لاني من بداية ها الحمل ونا في خوف ورعب ونفسيتي مو ولابد انافي ايام مرت علي اضل ابكي وصبح على البكا .وزيادة مني عارفة حدا هون وبعيدة عن اهلي بقالي سنة ونصف ما شفتهم
بس الي لاحضتو اننا التلاتة بنفس الاسابيع ا لحمل تقريبا

[ابنائي حياتي]

ام السعد
وانا اعطوني مسكنات بس قلة الدوا احسن
فاذا فيكي تتحملي الوجع لا تاخدي مسكنات
انا باخد بندول لما احس اني مو قادرة اتحمل غير البندول ما باخد
بعدين التقلصات منيحة بتهون الميلاد وبتساعد على فتح الرحم
لا تخافي منها بس لازم تراجعي ضروري اذا البيبي ما اتحرك
وبكرة
وبعدين ليش لسة شهر لموعدك
المفروض من لما دخلتي التامن يصير كل اسبوعين ولما تفوتي التاسع بصير كل اسبوع

[ابنائي حياتي]

ام السعد وانا بغربة كمان وسنتين مو شايفة اهلي
والله دخلت المستشفى وطلعت وما حد من بيت اهل زوجي اجا لعندي
والمفروض اني ارتاح راحة تامة بس ما في مجال
لانو في بيت وولاد ومسؤولية

[أم السعد]

ابنائي احبائي