تجمع حوامل اللي موعد ولادتهم في شهر محرم 1433

[ملكة المشاعر]

الف مبروك الحمل ام علاوي

ام سالم اسم مياااار روعه

مانصحك بأسم مي لان معناه القرد

[لابسه المنفوش]

ههههههههه
ورده انا جلست 9 اشهر بعدين حملت
كنت وقتها بجده والدوره متأخره عليا يومين وقلت لزوجي يجيب الجهاز قلي والله احسك مو حامل قلتله والله انك صادق خلاص لاتجيب عاد مرينا من عند الصيدليه قلي اقولك يالله خلينا نجيب جابه ورجعنا البيت هوا كان جالس ع التلفزيون عاد سويت التحليل الا يطلع خطين يوم شفته قمت ارجف ورحت وقفت عند باب الغرفه الا زوجي يقولي خلاص لاتزعلي اذا ماحملتي الشهر الجاي ان شاء الله >>>لاني كنت راجته نفسي احمل
المهم قمت ابكي بصووووت زي البزوره قاااااااام وجا عندي قلي خلاص يابنت الناااس لاتزعلي انا عشان كذا ماابغى اجيبه الا انا امد له الجهااااز وشاااااااف انه خطين وقااااااام مره فرررررح وجلس يقول انا بسير ابوووو>>>متأثر بالمسلسلات التركيه هع
عاااااااااد ذحين يسألني ليش كنتي تبكي اقووووله والله احس اني استحيت بعد ماطلعت حااااامل هههههه

[" ام علاوووي "]

ام سالم اسم ريماس حلووو ..

[ورده بين ايديه]

انا كنت استنى الحمل من بعد ماكملي 6 شهور متزوجه..
وكل مره كنت احلل قبل موعد الدوره والنتيجه سالب وتنزل ونفسيتي تتعب..
الافكار الوسخه من كل جهه كانت تجيني شهر اربعه طنشت وكنت حاسه بألامها وزوجي كان مسافر ويسألني حللتي اقوله لا يقولي غريبه عليك اابرود ابشهر دا اقوله تعودت ع نيقاتيف ليش احلل..
بكره بالكتير وهي نازله..
وانا كانت الدوره بطبيعتها تتأخر اسبوع لما زادت عن اسبوع خالي وداني الصيدليه واشتريت تحليل منزلي وماصبرت وحلل طلع خطين من الفرحه قمت ابكي وناديت امي وقلتلها حطمتني قالت لاتفرحين انا دايم كدا يطلع خط والتاني خفيف ماصدقت دقيت على زوجي وانا ابكي تاني يوم حللت دم وكانت معايا خالتي الدكتور قالي مبروك يامدام حامل رميت نفسي بحضن خالتي وبكيت وبكيت معايا هي واللي في الانتظار يطلو في مستغربين مايدرو انو كنت كل شهر احلل بدي المستشفى واطلع وانا ابكي مافي حمل..

انا اللي قرقرت كتير والله يااكليل مو انتي..
بس لحظاات مستحيل انساها وربي تذكرتها دمعت عيووني..

[" ام علاوووي "]

ربي يباررررك فيگ ملوووكة ..

لابسة الله يتمم لگ على خيرررر ..

[إكليل]

اجل انا الي ع طول حملت بعد 5 شهور اهي اهي اهي

عاد وقتها انا كنت ابغى احمل لان بابا دايم يسئل ما حملتي اقول بدري بابا يقول ابغى اطمن عليكي

ويوم حملت ه الي فرح من جد

ويوم جيتهم بعد ما رجعت من ماليزيا جلست عنده شهر كان شايلني شيل

ما يخليني اسوي شي واي شي خاطري فيه ع طول يجيبه لي

وحشني حبيبي الله يرجعه بالسلامه

وان شاء الله هو الي يوديني المستشفى ربي ما يحرمنا منه

[ملكة المشاعر]

المشاركة الأصلية كتبت بواسطة ورده بين ايديه

الحمد لله بخيير..
وحبيب مامتو يارب يكوون بخير..
ان شاء الله راكاان..

ملووكه..
في وحده تسوي حلا جزائري حخليها تسويلي صحن..
ونفسي اسوي صحن صغير من تالا اذا تعرفيه مره فخم تقديمو..
والتوزيعات ماادري اذا راح اسوي ولا لا لانو سويناها لخالتي وحرام جلست ..
انتي تعرفي محلات توزيعات ناعمه وبسيطه ابغاها بس حلاوه لاني ماراح اخذ حلاوه للتقديم..
وبالنسبه للتزين مااعتقد لان ماما جددت غرفة الاستقبال مااعتقد تحتاج شئ..

ايوتالاروعه مره

وكمان محل اسمو ازهى حق تمور روعه

والله حتى انا في ولدي سويتها وبعضها جلس

فيه شكولاين وكمان شكولا الي في سلطانه

تالاعندو معمول ياورده

[Όм чαяα ♡♥]

لابسه

فديتك .. ضحكتيني لما قلتيله استحيت لما طلعت حامل ربي يسعدك ياناس

ام علاوي

اسم ريماس حلو وكمان موجود بالعيله عندنا :)

[إكليل]

والله ياورده انا الي دمعت عيني يوم تذكرت بابا

لانه سافر وانا ماكنت موجوده

كنت في جده وهو سافر من الرياض يعني تقريبا ليا دحين 5 شهور ما شفته

يارب يرجع السلامه

لاتلوموني وحيدته وماعنده بنت غيري

[Όм чαяα ♡♥]

انا الوحيده اللي تأخرت فيكم بالحمل جلس 3 سنوات :)

لكن ربي جبر بخاطري ورزقني بالحمل

كان عندي هرمون حليب والدوره مو منتضمه واكياس ع المبايض وتعالج منها وحملت الحمد لله

بس رمضان اللي قبل هذا سلفتي كانت حامل وعمتي كانت تعاملها بأهتمام مره وتزعلني عشانها

هذا اليووم بكيت من قلب ودعيت ربي قلت يارب خذلي حقي منها وان شاء الله مايجي رمضان

الجاي الا انا حامل وربي حبيبي ماخيب ضني لآني دعيت من قلب كنت من جوه احساسي محروق ومجروح منها يارب لك الحمد والشكر يارب احفضلي بنتي

ولا تحرمني منها يارب