هنا تجمع حوامل الشهر (الرابع والخامس والسادس)

[ام الهادي]

وين رحتوا الله يهديكم

[خجل*أنثى]

أم الهـــآدي__لا والله ماأعرفهااا ..
ذكرتيني بروح أخرج الدجاجه من الفريزر..
شكلي بسوي رز جااااوي ..

[مووج البحر]

لا ما اعرفه ايش هو هذا

ممكن المقادير والوصفه

[خجل*أنثى]

خرجت دجاجتي..
بطريقــآت__كم كاسه رز تكفي لنفرين أنا وزوجي..؟؟..
لسا ماني عارفه اضبط الكميه دايمآ يزيد وحرام يترمي..
أنا المقدار عندي بكاسة جبنة بوك الوسط..

[ام الهادي]

براحة علي شوي اصدق نفسي مهمة >>خخخخخخخ
هي ممكن بالدجاج او اللحمة تغسلي اللحمة كويس وتقطعيها ممكن الدجاج على 8قطع وتحطيها في القدر ومعاها موية متل الشوربة وتقطعي بصلة او 2 اربع قطع بس وممكن تحطي طماطمة بدون تقطيع ومعاها بهارات حب متل فلفل هبهان(هيل) قرفة اربع اعواد كويسة وتفتحي فيها النار طبعا لاتنسي الملح على زوقك تخلي النار عالية وبعد ما تغلي الموية تخفضي النار تكون واطية وتغطيها واستنيها الين ما تستوي اللحمة او الدجاجة وبس

[مووج البحر]

خجولة شفتي كاست الشاهي حقة الضيوف الصغيره الا بدون يد

انا احط اثنين على ملعقة صغيرة ملح

ان شاء الله يضبط معاكي

[خجل*أنثى]

أم الهـــآدي__طيب وش دور العيش والرز بالطبخه..؟؟..<<جاتك التناحه عاد..

[مووج البحر]

ام الهادي يعنى بدون رز ترا ما فهمت

متنحه من الصباح

[ام الهادي]

وتقطعي عيش صامولي احسن على قدر لقمتك وتعملي الرز وبعد ما تستوي السليقة تسقي منها العيش بس لا يصير لين يعني وسط وتحطي الرز وتسقيه شوية كمان وتحطي اللحمة او الدجاج من فوق وفي صحن صغير شطة حمرة مع ملح وليمون وصحن سلطة وبالنها والشفا
جوعتوني هههه
خجل انت على حسب اكلك انت وزوجك تاكلوا كتير ولا شوي وكاسة وحدة تكفيك ولا لا

[إنجي]

خجل والله صاحيه من الفجر لكن قمت نظفت البيت وبخرت بعود خخخخخ استرجع ايام العيد
ام الهادي ياميت اهلا وسهلا
موج الحمد لله لكن والله مازلت مزكمه والبنوته اليوم شكلها زعلانه ماتتحرك كثير