دردشة بنات العراق, دردشة حوامل العراق , تجمع بنات العراق

بدور السماء · 11-27-2012, 11:53 PM

وهسة ارجع للترحيب
ملوكة بعد الروح والرية كل الناس عارية
شلونج ياقلب انشالله بخير انت وسحلول
رنووووووووووود بعد عمري الحمدلله على سلامتج ويارب يوم لتشوفيها عروس
ولج هاي شنو الكمر اللهم صل على محمد وال محمد
ولج هاي صدك تشبه ابوهة مبينة من الصورة
الله يحميهم ويخليهم يارب
قطورة شلونج حبي الله يسهلج انشالله ويسرلج امرج انت ومراوي ويجعلها ساعة سهلة يارب
زنوب قليبي شلونج وكوكتنا شلونها انشالله بخير ولج حبي دنزلي عاد الصور والله مشتاقة اشوفها ربي يحرسها ويحميها من كل شر
والباقين امانة لتواخذوني اذا نسيت وحدة
بوساتي وتحياتي الكم كلكم
كلكم لو بهارات لوفلفل اسود ههههههههههه
يبوووووووو شكد لغيت الله يساعد رجلي علية
رجلي لو ايدي
ههههههههه

بدور السماء · 11-27-2012, 11:54 PM

هاااااا رنود نسيت اكولج
وخصوصا عيونها مثل ابوها بالضبط
الله يخليهم

بدور السماء · 11-27-2012, 11:57 PM

ها بنات ارجوكم اليوم لتفشلوني بيت حماتي الله هاديهم علية وممحنشين على النت
يالله تعالو لااجي اسحلكم بالقوة

""ام حمودي"" · 11-28-2012, 12:17 AM

ساره حبي اتشرفت بمعرفتج وربي يهون عليج وتشوفين عبوسي بالسلامه
رقيه عيوني اذا اكو التهاب الافرازات تصير الها لون وريحه وتسوي حكه بس اذا ماكو فهاي طبيعيه وممكن تكون افرازات حمل طبعا كل وحده حملها يختلف عن اللخي بالنسبه الي اني من التبويض الي صار موعد الدورة اني حاسه بروحي اكو شي مو طبيعي بحيث بنفس موعد الدورة الصبح سويت تيست منزلي وفعلا طلعت حامل الف الحمد لله بس مثلما كتلج لتخلين الموضوع ببالج اخاف تكومين تتوهمين بالاعراض ويتهيالج واذا شفتي نفسج حابه يصير عندج حمل روحي سوي تجييك عام اذا دورتج منتظمه روحي اخذي سونار يوم13 من الدوره وشوفي حجم البويضه وبقيه الامور وجيكي اذا عندج التهاب او لا لان بدايه الزواج هواي يصير التهابات بسبب الجماع والالتهاب يمنع الحمل ومرات تعدين الرجال هالمرة ينتقله الالتهاب ولازم ياخذ علاج بذاك الوقت وحاولي تسجلين تاريخ دورتج لتنسيه انشالله من تحبلين وين ما تراجعين يسالوج عن تاريخ اخر دورة شلون محافظته
حياتي ملوكه شلونج وشلونه مهودي حبيبي نزلي صوره يولي
رند ماشالله بنوتج حلوة ربي يخليها وتشوفيها عروس

""ام حمودي"" · 11-28-2012, 12:20 AM

هلو قمر شلونج عيوني
بدور نورتي الج وحشه

بدور السماء · 11-28-2012, 12:22 AM

هلو زيونة حبي شلونج
شخبارج؟انشالله بخير

""ام حمودي"" · 11-28-2012, 12:29 AM

والله اخباري مهلكد لان اني عايشه بدبي بس خلصت اقامتي ورجعت للعراق ورجلي بعده بدبي وصارله فتره مقدم عالاقامه بالجديد وتاخرت واني لازم اروح لدبي ومن دبي افيز لانكلترا اجيب يم اهل زوجي ولسه مرحت لدبي واني دخلت السابع مااعرف شوكت اروح لدبي وشوكت افيز لانكلترا وشوكت اوصل انكلترا اخاف بالثامن والتاسع ميصعدوني طائره او يصير خطر عليه الطيران وكلش ضايجه
ادعولي ربي يسهل امري واروح بسرعه لان مليت من الانتظار

""ام حمودي"" · 11-28-2012, 12:31 AM

اشوف توقيعي مال انا قادم هههههههه
ساعات افرح اشوف الايام دتمشي ومبقه شي ويجي حنفوشي للدنيا انشالله
ومرات اشيل هم اكول مبقه شي واني بعدني بالعراق

بدور السماء · 11-28-2012, 12:32 AM

حبي الله يسهلج ليش من شوكت انت بدبي
يعني صارلج شكد خارج العراق

بدور السماء · 11-28-2012, 12:33 AM

اكول انت عرفتي شنو جنس النونو؟
زين شناوين تسوه؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM