تجمع اللي بيولدوا في شهر ربيع الثاني 1434

ρυяỉтч • · 02-01-2013, 11:28 AM

صباح الخير
ام جنو انا اسوي الحليب عادي ، اجيب حليب المراعي واغليه مع سكر واغسل الحلبه واحطها معهم تغلي
وبس تغلي اصفيهم ب الكوب واشربهم ،
بس صراحه انا اشرب كوب الحليب بالحلبه اول مايبدي الطلق معي يحميه لي وماطول ب الولاده الحمدلله

عديل الروح3 · 02-01-2013, 11:42 AM

سﻻﻻﻻﻻم
كانكم نسيتوني خخخخخخخ

جمعه مباررركه عليكم جميعااا
الله يسهل عليكم وتقومون بسﻻمه

انا بخير الحمدالله
اليوم كملت اسبوع رحت عند الدكتوره عشان تشوف الخيوط
قالت انا سويتلك خياطه تجميله وبطول اشةي الين تطيح
بنوتي هم بخيرر بس ترجع كثير مشاءالله عليها
وماتحب تنام بسريرها تحب الحضن هههههههه

عديل الروح3 · 02-01-2013, 11:50 AM

دامي ماعندي شي بكتب لكم قصة وﻻدتي
يﻻ دقايق واحطها

همسات دافئه · 02-01-2013, 11:55 AM

يالله عدووله ننتظرك

monaooy · 02-01-2013, 11:56 AM

جمعه مباركه اللهم تقبل منا حمدك وشكرك وارزقنا حسن عبادتك

LMAR · 02-01-2013, 12:02 PM

جمعة خير على كل الكروشات
اخباركم صبايا
توني داخلة حطيت الغداء بقدر الضغط وقلت بشوف كروشات التجمع
امس مت مليون موته
من كثر الشد والالم اللي من تحت هاذا غير التحجر
والالم في فخوذي

بعد عزيمة الحريم اللي عندي ماقدرت اقوووم اليوم بدري للاطفالي
ماصحيت الا ع ال11
لا وامس طول النهار ماجلست
كله احضر وابخر للضيافة
وربي العشاء جبته من براء عجزت اطبخة بالبيت
بس زين بيض الوجة

بنات بعدها لما جيت بنام نزلت علي شويه مويه وكانت حارة
لدرجة فكرت اني شخيت على حالي ولقيت ملابسي الداخلية مبلله
وربي خفت معقوله تكون مويه الجنين
بس انا الليوم دخلت التاسع

بكرة موعدي واتطمن على الاوضاع
بيروتي انا من اللحين يوميا اشرب حليب بحلبة هافة نفسي علية
هالايومين
عدوله وحشتينا يادبة وينك غاطة مع بنتك
الله يحفظها لك
اية روحي اتطمني على الخيوط
وما انصح بالتجميلية اللحين الا اذا كنتي ناويه تأجلين الحمل 5سنوات ع الاقل
وبعدين بسالك مازرتي تجمع النفوسات ولا باقي

بروح اصلي واشوف غدائي
،،،،،،،،،وبرجع اقرى الصفحات اللي فاتتني

عديل الروح3 · 02-01-2013, 12:17 PM

طبعا يوم الثﻻثاء نزلت علي ماي قليل مره بس قلت ابروح اشوف
وحت المستشفى وكشفت الدكتوره وقالت الرحم مغفللللللل بس عورتني
بعدها رحت امشي رحنا المجمع تعشينا ومشيت
وبعدها رحت البيت ونمت
يوم الاربعاء جلست من النوم الا اشوف افرازات مع دم وعرفت انها السداده
بس ماكان في الم ببطني بس بظهري خفيف
وجاء زوجي من الدوام وطلعنا نمشي قتله خلنا نمر الصيدليه واخذت زيت خروع
ورحنا نتعشى وطلبت عصير برتقال وحطيت معاه ملعقين كبار زيت خروع
واشربه وانا ﻻيعه كبدي
وبعدها مشينا ومشينا
ورجعنا البيت واحس جسمي مكسر قالي زوجي جيبي زيت زيتون اسويلك مساج ههههه
رحت ادور بالمطبخ زيت زيتون لقيت واحد منتي مدته
قالي عادي جيبيه
ودهن جسمي بزيت زيتون وركز ع ظهري وبطني
كنت استنى يجيني اسهال من الزيت بس ماجاني شي
المهم بعد المساج نمت
4ساعات وصحيت من شدة الالم واقوم ادور بشقه مافي فايده
وادخل اخذ دوش وهم ماقدرت من الالم
واصحي زوجي من النوم وانا اصيح من الالم
وقام لبس اشوي واختفى الالم
اختتتتتفى صار يجي ويروح ع فترات متباعده والم اخف
وجلست اجهز لبنوتي وارتب اغراضي
وجلست ادور الين الصباح
صباح الخميس رحت المستشفى وكان الالم هم ع فترات متباعده ومرره خفيف
دخلت ع الدكتوره قالت ابكشف عليك
قلت اوك
قالت خﻻص تنويم مفتوح 4سممممم
انصدمت مافي الم
خﻻص خﻻص دخول قلت لها طيب بروح امشي وبجي
قالت اوكي سوي الاجرات وطلعي ساعه امشي وتعالي
كان الساعه 10 الصباح ورحت امشي وامشي واحس الالم نهائي اختفى
ودقو المستشفى قالو خﻻص ﻻزم اروح لهم
دخلت المستشفى ع الساعه 1 ونص الظهر
ع طول قسم الوﻻده وحطو علي الاجهزه وجلست مافي طلق
وبعدها شالوه مني وقالو قومي امشي
العصر جاء الم خفيف جات الدكتوره وفتحت لي ماي الجنين
بعدها جاء الطلق بس مو منتظم وتعذت من الالم
بعدها فتح 5 سم
قلت لهم ابي ابره ظهر
قالو لسى الراس فوق بس اشوي ينزل نعطيك
ويزيد الالم مو محتمل
وبعدها عطوني الابره وارتحت حسيت زي الماي الباد انكب علي
وجلست استنى وطلقي مو راضي ينتظمممم حطو لي ابره بالنغذي قالو هاعشان الراس يتزل
ع المغرب فتح 10 سم
بس الراس فوق قالت الدكتوره اذا جاء الم حاولي تدفعي وجلست الين 1ونص الفجررر
قالت الدكتوره خﻻص يا تدفعي بقوه وﻻ نولدك قيصري
وحاولت وحاولت حسيت بتطلع روحي
قالت يﻻ كمان هذاني اشوفها انقلبت وتشجعني
بس انا خﻻﻻﻻص تعبت ماقدرت اكمل دفع اخر شي شفطوها
هي كانت مرره قريبه هي الشفط الحمدالله ماخرب لها راسها هههههه بسرعه طلعت
والحمدالله ولدة ع الساعه 2 الفجررر

عديل الروح3 · 02-01-2013, 12:23 PM

لمار انا ماقتلها شي عن الخياطه هي من نفسها سوتها لي
يمممممه خرعتيني ليه اشفيهاااااا اهئ اهئ

ρυяỉтч • · 02-01-2013, 12:25 PM

الحمدلله ع سلامتك عدوله ، والله غريبه ليش الطلق برد عليك فجإه
الحمدلله ربي نجاك من القيصري وارتحتي ..

ام جنى الامورة · 02-01-2013, 12:47 PM

الحمدلله على السلامة عديل وربي يخلي لك البنوته

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر ربيع الثاني 1432	الجوري	إستفسارات مرحلة الولادة	2929	04-14-2011 02:53 AM
تجمع منتظرات الحمل شهر ربيع الثاني(بأذن الله)	TOomy	منتدى علاج العقم و تأخر الحمل	473	04-05-2011 03:08 AM
تجمع الراحة و النقاهة لشهر ربيع الاول و ربيع التاني	هادية	منتدى علاج العقم و تأخر الحمل	230	03-22-2011 04:07 PM
تجمع الحوامل اللي بيولدوا بشهر 4	واشوقاه لمن يراني ولااراه	إستفسارات مرحلة الولادة	6	03-03-2011 07:33 PM