ديوانية البحرين - دردشة حوامل البحرين - البحرينيات

[om khalil]

بنت الأياويد والفتاة الذهبية وطفلي حياتي وحنين الماضي وبنت الأياويد
الشر ما اييكم ان شاءالله اني كنت زينه اليوم الى حد وقت الغذا ياني صداع قوي
وغثيان وياه ماقدرت اكل شي وتالي قبل ما اروح للسيلان غصبت روحي اشرب ماي زمزم، توكلت على الله والحمدلله قدرت اقاوم شوي لما رحت قاسوا ضغطي نازل ولازم سيلان بس هربت تمللت، والحمدلله قدرت اتعشى اليوم ماشاءالله واحس الصداع خف وايد الحمدلله الحمدلله..

طفلي حياتي
اني بعد كنت انتظر دخلتش العصر اسولف وياش بس ان شاءالله باجر رغم اني باجر بنتقل للسكن بيت عمي وعندنا عفسة في نقل الاغراض. عاد ليلة اليايه الي مابقدر انام شكلي من يتغير عليي المكان بس.

بنت الأياويد
عمتي دخلت في راسي سالفة التواءم من قالت لي نساتش هالمره اصعب من بنتي البكر، ومن تعب الحمال تمنيتهم تواءم بس علشان نقول خلاص الحمدلله.. بس احنا ماعندنا خلفة تواءم الا بنات عم امي عندهم تواءم. فمادري اتوقع مو توأم،، يالله بعد شهرين نشوف ان شاءالله.

[بنوتة حلوة]

مرحبااا حوااامل شلونكم ؟؟ شخباركم؟
وحشتوووووني .. انشغلت هالاسبووووع رجع زوجي من السفر وطوول الوقت معاه .. اليوم طلع عني .. رجعت من الشغل وتعشيت والحين قاعدة اكمل بعض الاشياء حق الشغل .. شخباااااركم؟؟

[حنين للماضي]

ما عليج شر ام خليل
عاد تحملي باجر موتشيلين وتحطين في الاغراض
انتي توش في البداية يعني لازم ماتتعبين كلش
ربي يسهل عليش ان شاءالله


قرت عينج بنوتة
الحين رجعت لج الابتسامة عجل
الله يعينش على الدوام
بس ان شاءالله مو متعب واااجد

[طفلي حياتي]

الحمدلله ع السلامه ام خليل ومثل ماقالو ماتلمسين شي باجر
تعالي لفتين نظري لشي التوائم متى يبينون؟
عادي يبين اول شي واحد تالي يشوفونهم 2؟

[om khalil]

قاعده من غبشه من اربع ونص
اقول بانام بس وين لابوه صداع بس هالمره سمعت حجيكم بقوم اخذ ليي شي طبيعي سوائل غصب عن الصداع
شربت ليي عصير جوافه وبردت ليي قلاص ماي زمزم في الخزان باشربه لين برد
زوجي كان ناوي يودي الثلاجه من امس قلت الا الثلاجه ما استغني لازم بشرب لي ماي مثلج مع الحبه مالت الغثيان رغم انه لازم الحبوب ماتشربين وياها الا ماي فاتر بس ويش اسوي ماقدر

خساره بتخلص غرشة الماي زمزم باشوف لي مقاول جان بروح العمره اييب ليي غرشه ثانيه

[om khalil]

بنوته حلوه
قرة عينش ان شاءالله

حنين الماضي
ماشلت ولا شي ماعدا حصالة بتي فتحتها الا فيها ريالات سعوديه قديمه وايد من نفار العروس ههههههه عطيتهم اخويي بادلها بهم بحريني . ماليي باجر الا مسكينه الشغاله بعدمها عدام في تعديل الاغراض، رغم اغراضي وايد استفدت من اكياس الضغط مالت التخزين اللي يبيعونهم في المنتديات وعفر رامز بعد يبيعهم،، ثياب ولادي مع كل مرحله عمريه وثياب الشتاء بعد حطيتهم في جيس ضغط مجفسين وسحبت عليه المكنسه وصار حجمه اصغر وايد حليو في التخزين احسن من الجيسه السودان.

طفلي حياتي
حروف تقول انهم بانوا الظاهر في الشهر الثاني عندها مادري الثالث، واليوم اطالع موضوع عن هالشي في المنتدى وفيه بعضهم يقولون انه بالشهر الثاني قالوا ليهم واحد بس وبعدين في الثالث قالوا ليهم توأم.
طبعا التوأم تعب دبل بس اهم شي فيه انه حمله وحده والسلام. اني خواتي واخواني وخيلاني وخالاتي وعمومي وعماتي ماعندهم تواءم.
بس من صوب أهل أمي الله يحفظها ثنتين من بنات عمومها عندهم توأم، وثلاث من بناتهم بعد عندهم توأم ماشاءالله..ووحده من نسوان ولادهم توها يادافع البلا ساقطه بتوأم في السادس الله يعوضها خير ان شاءالله.

وبسم الله عليي وعليكم جميع ان شاءالله.

[om khalil]

ملل بروحي متى بتقعدون ههههههه

باروح أعور في مركز البحرين التجاري

[om khalil]

شفت ليكم رد المشرفه سماسم اكيد بفيدكم
طريقة حساب اشهر الحمل


الشهر الاول: من اول يوم في الدورة

الشهر الثاني: 5 اسابيع و4 ايام تدخلين الثاني

الشهر الثالث: 9 اسابيع تدخلين الثالث

الشهر الرابع: 13 اسبوع و3 ايام تدخلين الرابع

الشهر الخامس: 17 اسبوع و6 ايام تدخلين الخامس

الشهر السادس: 22 اسبوع ويومين تدخلين السادس

الشهر السابع: 26 اسبوع و5 ايام تدخلين السابع

الشهر الثامن: 31 اسبوع و1 يوم تدخلين الثامن

الشهر التاسع: 35 اسبوع و4 ايام تدخلين التاسع



والله يتمم لكم ولي ولكل الحوامل على خير ان شااءلله

[الفتاة الذهبية]

هلا ام خليل شخبارج؟

[الفتاة الذهبية]

المشاركة الأصلية كتبت بواسطة حنين للماضي

سوري فتوتة(يازعم اسم دلع) رحت تعشيت
انتي ماتعشيتي للحين؟؟؟
عشاش بعد مع بيت عمش؟؟؟

سألتيني عن عمري
جم يناسبني بالأول عقب بقول ليش

اوكي اسم دلع مقبول ههه

انا يوم طلعت قعدت لين الساعه 9 بالضبط وسويت العشى
لا انا عشاي بروحي انا مع زوجي لكن انا عمتي تكسر خاطري
هي تاكل عيش فليل لكن اذا ما في عيش اسوي ليها ويانا عشى
طبعا عمتي كبيرة في السن يعني مو أي شي تاكل
اذا هي ويانا اسوي دجاج افوحه وعقب اقليه واسوي الو واذوب طماط جذي يعني

عن عمرج انا بعطيج 23

امممممممم يلا ابي الجواب