ديوانية البحرين - دردشة حوامل البحرين - البحرينيات

[om khalil]

سلاااااااام عليكم حوامل كل عام وانتم بألف خير ان شاءالله

استقبلت العام الجديد بهواش مع بعلي خخخ،، مادري نسيت انه ليلة راس السنه والمفروض احترم نفسي وما أخويس له خخخ.. على افادي راضيته من شوي ماقدرت ههههه
وخليل بعد على عمري حرارته 40 توني يايه وياه من الدختر.

احلام أم، شكرا يالغاليه على أمانيش الحلوه والله يتمم حملش على خير وترزقين بمولود سليم معافى ان شاءالله،، ويارب بنوته :)

طفلي، يالسمجه من فترة اسايلش عن ريح البين السكري جيفه كانت عوارضش، هذاني أعلف في هالحلاوه مال القسام ولا ادري بروحي هيكو صحن ساقو قدامي يناديني.. عفر باكله.
اني بحملي بخلي السكري اللي ياني مرتفع وايد فكنت ادري عن روحي من اكل ادوخ عدل، الحين ما احس الا بدوخه خفيفه احيانا قليلة ونتيجة السكر باخذها يوم الثلاثا. انتين كان تييش دوخه خفيفه؟

شمس، الله يسهل عليش يارب ومايشوف شر الصغير..

فتاة، وينه انتين مختفية،، الحمدلله انش بخير عفر في التاسع انتين.. يالله سهاله هانت ان شاءالله هانت

مامداني اشوف اخباركم بس يالله تكونون كلكم بخير.. بقوم خلي مريض بانومه على عمر العدو..

[فلونة]

مرحبااا ،،

البارحة سهرتني طفلوو واليوم بارقد منوقت حدي دايخة احس بآلام في ريلي من فوق اعتقد يسموون هالمنطقة ورك ولا ادري طبيعي هالألم او لا ..


احلام ام .. مشكوورة حبوبة والله يثبت حملج ويعطيج الي تتمنينه في هالسنة ويعطينا وويااج كل الي نتمناه,,


فتوووت ،، الحمدلله انج بخير والله يسهل عليج وعلى كل الحوامل


حنووون ،، انا ما اعرف شنو فيني بس كل من جافني يقول لي فيج بنوتة وانا احساسي يقول بنت والله ورسوله اعلم ،, بس طفلو تقولي فيني ولد وانا خاشة صج خبللة هالبنية،،اهم شي الصحة والسلامة واللي ايي من رب العباد نعمة
ومشكورة على سؤالج ..علاووي الحمدلله بس الفقير له بخار على طول واختي تمللت من المستشفى والازعاج وطلبت من الدكتور يعطيها رخصة واحين متابعة معاه ادويته في البيت.. دعواتكم

ام خليل ،، هدي اللعب شوي ما يسوى عليه هالفقير سنة يديدة وهوشة يديدة وتركي عنج هالشكر مب زين حق الاسنان
وطفلو كله جذي ترد على الحجي الي يعجبها بس

[فلونة]

بطااات جوفوا هالخبر وايد عجييب ،، جوفوا اصور المواليد الجدد على هالسنة

http://www.alwasatnews.com/3039/news/read/518640/1.html

صار خاطرري اجووف هالمنخش في بطني ،، صج شعوور غرريب

[حبيبة حسوني]

مشكوووره احلام ام على هالدعوه الحلوه
الله يجعلها سنة خير علينا يارب ةويفرحنا بشوفة احلا بيبيات
واني اليوم بديت اتمشى وتكسرت تكسر
احس نفسي بمووت من التعب
يلا حبيباتي اخليكم اشوفكم بكرا

[ام السادة]

السلاااااام شحوالكم


سامحوني ما اقدر اقعد واجد خبركم

اخر اخباري الحمد لله رحت االاشعة والحمد لله كل شي اوكي بس كانوا يبون يتاكدون من نمو الوردة حبيبي الي في دبتي واشكر ربي واحمده انه بخير


انتون ويش اخباركم

[طفلي حياتي]

السلام عليكم
شخباركم
يسلمو احلام ام على الدعوات الحلوه ويارب تكون عليش وعلينا بكل خير وسلامه ان شاء الله
فلونه لا تتحججين فيني لان مابتقدرين تقاومين براويش عدل ... اني ارد على اللي يعجبني بس هااا؟؟
ام خليل اني الوسواس يعطيني اعراض خاصه فيني اني مو بس يدور راسي اني ريقي يصير حطبه يااااااااابس لان قالو لي اذا مرتفع هالشكل ورجفه وحاله واموت روحي من اليوع ونزل.... والحين احس الاعراض نفسها رجعت ولا حللو مره ثانيه عشان نتطمن وابغي اتطمن بجهاز بشوف عمتي جان ترضى باخذه خخخخخ (لان ماترضى )
والفتاة مابغيتين تمرين حقويش هالدلاعه؟؟ اان شاءالله يارب سنه يديده وكلها خير وسعاده
روزاتي شخبارش ؟
حنون عساش طيبه؟
بنوته الا اختفيتين لايكون رحتين السعوديه تحتفلين براس السنه وياهم؟ عموما كل عام وانتي بخير
شموسه وشخبار فصول نفسيتش خخخخ تضحكيني اذا تخلين الحره في ريلش
بنت الاياويد ادري ان السنه عندش احلى ليلة راس سنه لان وردتش منوره الليل في حظنش ربي يحفظها ويبلغنا ان شاء الله
ام الساده هلا والله يعطيش العافيه تعودنا على طلاتش البسيطه
باقي البنات وشخباركم؟
كل عام وانتو بخير والسنه اليايه في حظننا ورود وازهار ورياحين وعسل وفرح وسعاده لان البيبيات سليمين معافين وفي حظننا
شرت حماتي جمن حاجه لفرحتي وفرحت بهم عدل يارب تتم لي على خير نسيت ماقلت ليكم فصل ووسواسي اليوم :(
فرحه حركتها جدا قليله من البارحه مادري ليش اني خايفه طمنوني عادي في ايام يصير البيبي هادي ؟؟؟؟ ارجوكم ردو الحين

[ام السادة]

ويش اسوي يختي ما عندي نت في البيت مقطوع لين رحت بيت ابوي ادخل من جدي من السبوع الى السبوع هههههههههههه

[نورالدنيا]

مرحبا بنات ديرتي

شخباركم

[نورالدنيا]

طفولة وأم السادة شخباركم حبيباتي

[بنت الأياويد]

هلا طفلي اي والله هالسنة فرحتي غير لان بنتي معاي وعقبالكم يارب وانا من تاريخ 29 بعد كان عيدميلادي العام كنت مخطوبة وهالسنة بنتي في حظني الحمدلله والشكر لك يارب ، طفلي ترى عادي حركة البيبي تصير قليلة انا كنت نفسج اقول قليلة وقالت لي الدكتورة من ادشين التاسع حسبي لي كل يوم عشر حركات حق البيبي اذا اقل روحي المستشفى يسوون لج تخطيط وجم مرة اروح وطلع ان البيبي يتحرك بس انا ماحس فيه سااعات اكلي بصل عشان يتحرك البيبي وترى هالشي عادي طبيعي لان البيبي قاعد يكبر والمكان يصير ضيج عليه من جذي حركته تقل تركي عنج الوسواس ترى مب زين من الشيطان هالوساوس الي اتييج تعوذي دايما من الشيطان ، تصبحون على خير جميعا لان وراي قعدة عقب ساعة ونص او اقل دام شيخة رقدت بروح احط راسي رقدوا زين الحين لان بعدين مافي نوم