تجمع حوامل ليبيا

[غرام الغالي]

بناويت و ينكم؟؟؟
شكلها اية فعلا عملتها ربي يسهل عليها و علي خير يارب
من يطمنا عليها؟؟؟؟؟ و على ام سعد ربي يسهل عليها يارب
هنو عدنان انت من اين؟
انا من بنغازي

[غرام الغالي]

ليبيا قلبي
ميمونة
سندس
تحية طيبة
محتارة و نبي نعرف هل في لقاحات تؤخذ خلال الحمل
مش عارفة هل عندنا بليبيا هالنوع من الوقاية و اخذ لقاحات معينة
من منكم اخذت لقاح خاص بالحمل خلال فترة حملها

[ميمونة]

غرام هلا أنا من طرابلس
ليبيا_ والله بنحلل الأثنين بأذن الله

[أم سعد]

السلام عليكم

مساء الخير

أنا حالي كويس .. والدكتورة قتلي إما الاربعاء أو الخميس الجاي نجيبك

يستر الله

وربي معاك يا آية ان شاء الله ربي يسهلك

[معراج]

هلا بسندس وغرام الغالي نورتو التجمع يااااارب بحرمت هل الجمعه المباركه ربي يسهل عليك ياايه ويخلصك الله بلسلامه وترجعي البيتك وزوجك وولدك بلسلامه يارب انتي وام سعد والعقبه ليك ياليبيا قلبي ربي ييفرحك ويفرحني ويفرح كل حااامل بشوفت ضناها يااااارب يالله يالله ياالله ياميمونه ان شاء الله ما تشوفي الدوره الابعد ولادتك يااااارب وان شاء الله تكون ساعة استجابه وتكوني حاااااامل ياااارب

[بنت الزنتان]

.....................

[ام قصى محمد]

السلام عليكم كيفكم بنات انا رايفت عليكم وعقلى معاكم ايه شكلها ربى سهلها وجابت انشالله خير وميمونه كيف الاحوال شكلك ما قريتيش مشاركاتى عشان هكى ما رديتى ولا سلمتى المهم انشالله تبشرينا عن قريب مرحبتين ب هنووبنت الزنتان وغرام الغالى وسندس ام سعد ربى يسهلك اختى وليبيا عقبالك وتتهنى

[ميمونة]

هلا أم قصي والله أنا نخش من النقال النت بطئ _المهم شن حالك وشن صار نزلت دورتك_ وشن حال بنيتك توا _

[عاشقة الصحراء]

صباح الخير عالجميع .. وكيف حالكم يارب تكونوا بخير ..
آية شكلك عملتيها ..ربي يسهل عليك ويخليلك بنتك وتكون سليمة وصحيحة يااااااااااارب . طمنينا .
ميمونة كيف حالك وما اطول بالك قاعدة لتوا ماحللتيش ؟؟؟؟؟؟ خير انشالله حامل يااااااااااارب.
نسريييييييييييييييييييينا وينك ؟؟ غير خشي وقولي اني بخير وخلاص ولا الزكمة قاعدة مأثرة .. طمنينا عليك وشن صار حللتي ولا قاعدة زي ميمونة ..
أم سعد ربي يسهللك يارب وتولدي وتنوضي بالسلامة .. غير قوليلنا شن يصير معاك أول بأول .
ليبيا كيف حالك وشن أخبارك ربي يسهللك يارب .
عيون كيف حالك ياحلوة .. وينك ؟؟
أم قصي كيف حالك وشن أخبار ( شكار روحه ) شكله بعد ماطلع من عندي ختم عليك هههههههههههههه .
معراج كيف حالك والتجمع نور بيك حبيبتي
غرام ..هنو ..أم لقمان .. سندس .. نورتوا وكيف حالكم ؟؟؟

[ميمونة]

هلا عاشقه كيف حال حملك _تعرفي خايفه إنحلل مانحسش في أعراض حمل
بس عندي تعب ومغص الدورة حتي صدري مايوجعش فيا