تجمع اللي بيولدون في شهر ذو الحجه

[اجوان]

غيبتك,,
لا ابدا اصحاكي تتنفسي ببيتك ترى فترة النفاس بسرعه ممكن تجيكي كآبه فيها خصوصا لو اول بيبي بالعكس روحي عند اهلك انبسطي معاهم وهما يساعدوكي وكمان ماتشيلي هم الضيوف ولاحقه على بيتك وزجك صدقيني ..


زهرة,,
الله يسمع منك ياقادر ياكريم.


ورد,,
لا بس انا لانو قبل الدوره باسبوع تبدا تجيني الام الدوره في بطني واحس فيها يعني مااعرف احس لو بدي الفتره حصل جماع مستحيل فجاه تختفي عندي الام الدوره وتتحول حمل ,,يمكن الاجسام تختلف عن بعضها..
وصح مافي شي بعيد عن ربي .


تصدقوا اكتر حاجه تخليني اروق لمن اتحمم مره احس كاني اطير ههههههههه

زوجي امس يطالع بطني ويكلم بنتو ويقولها خلاص اطلعي ماطفشتي والله حاديكي كفين بس تجي طفشتينا ههههههههههههههههه
دي المفعوصه كل العالم تنتظرها واهل زوجي مره متحمسين عشان دي اول حفيد ليهم..

[زهرة الموسم]

اجوان الله ييسرلك يارب
والله نفس الشي الكل يبغوني اولد بس خايفه اولد دا الشهر ينحسبلها سنه
نفسي اولد في محرم بس دكتورتي تقول رحمك مفتوح واحد ونص سم
*

[الصمت عشقي]

المشاركة الأصلية كتبت بواسطة ورد القلوب

الصمت عشقي ... شو انتي لسى ما ولدتي

لا والله لسى ماولدت
مو انا قايله لريم ام لولو بيقفل التجمع حق ذو القعده وانا ماولدت
ربي مابعد يامر او الفصعون اللي بكرشي يطلع
والمستشفى يقولو انهم احتمال مخربطين بالحسبه
وانا وكلت امري لربي متى مااراد ربي انو يطلع حايطلع بالسلامه ان شاء الله
بس انتو لاتحرموني من دعواتكم

[اجوان]

زهره,,
تصدقي انا قبل احمل كنت اقول ابغى احمل بوقت على اساس اولد بداية السنه ,,وبعدين لما قررت وحملت اكتشفت انو ولادتي اخر السنه قلت سبحان الله ماتشاؤن الا ان يشاء الله هههههههه
انا لو انتظر الين بداية السنه راح اكون خلصت العاشر ههههههههههه
يلا حظها في الحياة مثل امي اتولدت في ذو الحجه كمان اخويا اتولد في 28 الحج,,

[اجوان]

الصمت عشقي,,
انتي متى اخر دوره لكي كانت؟؟؟

[الصمت عشقي]

كانت 18 صفر
بس الكل يقول لي مو شرط حملتي بعدها بالضبط
يعني الاغلبيه يقولون لي يمكن حملتي ع ربيع
والله اعلم

[اجوان]

الصمت,,
يعني كانو ليكي دحين اسبوعين في العاشر احس مستحيييييل,,كمان الدكتوره ماتخليكي كدا لو لكي اسبوعين في العاشر لانو اقصى حاجه اسبوع في العاشر بعدها يولدوكي..
شكلو حملك كان متاخر مو على طول بعد دورتك انتي افتكري ماتفتكري متى حصل الجماع ..؟؟؟
طيب والسونار ايش يقول انتي باي اسبوع؟؟

[" قلب غيث "]

مساء الخير ~

غيبتك ..
نصيحه مني لا تنفسين ببيتك لا تكفين ..
وربي لتطفشي طفش مو طبيعي انصحك تروحي بيت اهلك يهتمون فيك و بنونك نصيحه
تبين تنامين يمسكونه لك تلقين أكلك جاهز ترتاحين تلقين ملابسك وملابس البيبي مغسوله ومكويه لان البيبي بس يرجع وببتعبين مع ملابسه هذي نصيحتي لك ،، حتى لاجى ضيوف عند اهلك بس تهتمين بنفسك و بنونك تخيلي لو ببيتك وش ترتبين وايش بتخلين ،،، غير كذى امكن يسون لك خياطه وما بتقدرين تمشين اول اسبوعين الا حبه حبه ولازم تهتمين فيها ...


الوالد يبيلها اهتمام خاص ،،،،

[الصمت عشقي]

والله انا ماافتكر ايش اكلت امس عشان افتكر متى صار الجماع قبل 9 شهور
بالسونار باين انو صار لي اربعين اسبوع و3 ايام
والله اعلم
المستشفى كانو يبو ينوموني ويعطوني طبق صناعي
بس انا سالتهم المويه والمشيمه كويسه قالولي اي طلعت ع مسؤوليتي
واخر مره رحت عملت تخطيط كان مافيه طلق بس الرحم مفتوح 2 سم
وقالت لي الدكتورة ان شاء الله ماتحتاجي صناعي لانو الرحم مفتوح << هذا الكلام يوم الجمعه
وانا دحين خايفه اروح ومايكون فيه طبق
بس تجيني الام مثل الام الدوره بس مو منتظمه وكل الوجع بظهري يجين من اسفل ظهري الى تحت من ورى << عذرا ع الشرح
بس والله مره يوجع يجيني كانه شد

الله يسهل علينا يااااارب

[اجوان]

الله يسهل عليك يارب ويطمن قلبك,,
انشاءالله شكلها هانت وقربتي دام يجيكي دا الالم والشد وتبشرينا قريب..