ديوانية البحرين - دردشة حوامل البحرين - البحرينيات

[فلونة]

كل عام وانتوا بألف خير وصحة وعافية والله يبلغنا السنة ونجوف بيبياتنا بصحة وعاافية ونكون بحال أحسن من هالحال وتكون سنة خير وبركة علينا وعلى جميع أمة محمد بحق عليل الطفوف....


هلا بروفكشن ،، اولا حمدلله على سلامتج ويتربوون في عزكم ان شاء الله
مشكورة حبيبتي على ردج ،، وان شاء الله ما تزيد هالتشققات لانه نفسيتي تعبت بسبت هالتغيرات ،، كل شي يهون على قولتهم لجل عين تكرم ألف عين المهم ايي ولي العهد بصحة وسلامة..انا وايد وسواسية شنو اسم هالكريم الي استخدمتيه؟؟؟


بنت الاياووويد ،، مشكوووورة حبيبتي وانا خذيت الكريم اتذكر في وحدة قالت لي عنه طلعتي انتي هاا
شخبارج وشخبارر شيختناا ؟؟ احاتيج ويا دوام الجامعة الله يعينج ويقوويج على الروحة.. انا الله يسلمج قصتي ويا زيت الزيتون قصة طويلة
تميت 3 ايام احلم في كوابيس ومادري شسالفة اقرى المعوذات واتعوذ من ابليس وصادني اكتئاب بسبت هالاحلام ،، قلت حق خالتي الا تقول لي يمكن ماكلة شي ورقدتي او حطيتي لج شي ما يناسبج ،، قلت لها زيت زيتون الا تقول اييب كوابيس وصج في 3 الايام كنت استخدمه لانه حسيته آمن وطبيعي مب مثل هالكريمات
بس شرايكم اتهقون الكوابيس من زيت الزيتون او يمكن انا اوسوس .. باجرب خلطتج امس حطيت لي بالمرز اليوم باحط زيت الزيتون وعلى الله ..

وووايد تحجيييت،، واتحجى بروحي جني مينونة.. معليه تحملووني
الا طفلوو ما لها صووت اليوم وينهي،، صايرة نام بكير واصحى بكير وجوف الصحة كيف بتصير

الله يسهل على جميع الحوامل الي دشو شهرهم شمووس وحنوون وفتوت الي ماندري عنهاا ونستقبل السنة الجديدة بالمواليد الجديدة

[فلونة]

من وين طالعة طفلو من الفاانوس توني اقوول شكلها رقدت وصارت خوش مرة

[طفلي حياتي]

مو منش من وسواسش اللي نوعه غريب
اني هنا ومنوره المكان توش شفتيني
عفر الكوابيس خلي قرآن وبتروح خليه تحت المخده

[طفلي حياتي]

فلونه اني بطني فووق كانت كرشه والحين بدأ يكبر عشان يصير مكان للبيبي يمكن المهم من اقعد وايد يألمني عدل وحتى مثل التنمل احس هذا عادي لو ويش؟؟

[فلونة]

انا سمعت ان القرآن في بعض الآيات المزعجة الي تذكر فيها الجن وابليس وتزعج النائم
ولا ادري عن صحة هالمعلومة مابي افتي

والله المكان منور بوجودي يا ام لسانين،، شخبار حركة بنتج احين

[طفلي حياتي]

على فكره فلونه انتين ما تشوفين سوالف السهر لاني اقوم محد يقعد واتم بروحي وما انام ولا شي ان شاء الله الليله انام يارب

[طفلي حياتي]

ماعليش من هالهرج مال كفار القرآن كلام نور منزل من لدن حكيم خبير وفيه طمأنينه للنفس خليه تحت راسش بترتاحين
وحركه البيبي مرات وايد ومرات خمول
اليوم مثلا حركتها مو كلش من شوي اضرب على بطني ابغيها تقعد بكلمها وهي ماتعطيني ويه
انزين هالتنمل اللي احسه فوق كرشتي ويش؟؟ صار لش؟؟

[فلونة]

تنمل واين يصيدج عاد ؟؟
لانه اذا نوع التنمل في كلتا الرجلين فهوو طبيعي جدن
لانه انا احين قاعدة وظهري منقص من القعدة ،، و تنمل يصيدني من زود القعدة لانه يصير ضغط وثقل عليهم ...
شكلها دبتج بتنط على فووق .. وانتي ماتعرفين شي عن كريم بالمرز يا الخبيرة

[طفلي حياتي]

اني تعبانه ومفتر مخي وانتين شكلش مفهيه حدش ويش دخل الرجلين في السالفه قاعده تتكلم نحو
اقول لش فوق دبتي اذا انزل راسي اكتب ع اللاب توب مثلا او اجندس احس بتنمل في دبتي من فووووووووووووووق

[فلونة]

ما ادري يختج ،، لانه اختي يوم تولد كنا حاطين تحت راس ولدها قرآن و وحدة الله يستر عليها قالت لنا هالحجي.. لانه وايد يصيح واهو راقد يبووز وحركات الانزعاج يسويها ماعرف ليش

وانا ما صادني هالتنمل الا في ريلي واحس في بطني نوع الششد يألم واايد وخصوصا لين تميت قاعدة واايد ..