.·¤ تجمع الحوامل اللي ولادتهم في محرم¤·.

[Marawy]

ام اسكندر ،، الف مبروك دخولج السابع ،، عقبال التاسع يارب .. طمنينا سويتي سونار رباعي والا للحين ؟..*
حاسبي فديتج من سكر الحمل ربي يبعده عنج وعنا ،، انا احب الحلويات واحاول اتحاشاها قد ما اقدر ههههههه اوقات اسوي نفسي ما اشوفها ،، مشكوره ياقلبي على المعلومه مشكلتي من حملت احس نفسي وصخه لما اقعد بدون اندروير بس اوقات اسويها خصوصا وقت النوم وفعلا احس ماتنزل افرازات ،، شكلها الافرازات تدور الملابس بس عشان تنزل ههههههه وشلون طريقة منقوع قشر الرمان ؟ *
انا لو انام على ظهري اتعب واحس نفسي اختنق وتجيني الام بظهري ،، بس ضروري اغير نومني بين فتره والثانيه عشان ما تجيني الام ولا يتحجر بطني ..*
عليج بالعافيه الجالكسي الجديد .. وعليه بالعافيه اسكندوري العيادي .. وبجد جالكسي 3 رهيب وروعه .. زوجي اخذ له جديد من اسبوع وعجبني حيل .. بس مشكلتي متعوده ع الايفون ويعورني قلبي لو اخليه ههههه*

انا بعد البيبي ضاغطه تحت ع المثانه وتعبت من الحمام الله يعزج ،، وفعلا الحركه هاليومين صارت اوضح وتبان ماشاء الله بالعين ،، واكثر شي تكون جهة اليسار بالنص او فوق ،، لكن لما امشي احس بضغط على تحت ،،*

*ربي يطمن قلب نبعة وييسر لها حملها يارب ،، والله ماتستاهل الا كل خير ،،

[Marawy]

نوقا .. الف مبروك دخولج السابع عقبال التاسع ياقلبي .. طمنيني عنج وعن النونو ؟ *ان شاء الله سويتي الرباعي ؟ والا للحين ؟*
لا تحاتين الحركه ياقلبي .. انا في السفر صار لي نفس الشي يوم كامل ماحسيت بالحركه وصرت احاتي وافكر لكن بعدها حسيت بها والحمدلله ماشاء الله صارت واضحه الحين ..*

[Marawy]

وردة الجوري .. ربي يسلمج من الشر يالغاليه ،، والله يعينج ويعيننا على الواجب هههه بنات من جد خففوا شوي علينا ! صرنا بالسابع وبندخل الثامن وبعدها نثقل ارحمونا ههههه*
الف مبروك دخولج السابع ياقلبي ،،*



رورو ،، وحامك مثل وحامي ،، كنت اموت بالموالح بس الحين صرت احب الحلويات وبس اشوفها اخق ! وعليه بالعافيه النونو الملابس يلبسهم بالعافيه ،، ان شاء الله المره الجايه تعرفين جنس النونو .. اهم شي تطمنتي عليه..



بنت تبوك ،، الف مبروك ملكة اخو زوجج ،، ربي يوفقهم ويسعدهم .، وبسم الله عليج من التعب يالغلا ..*


موون ،، الحمدلله انج تطمنتي ياقلبي والف مبرروك الولد ،، ربي يقر عينج وعين زوجج به يارب ،، ههههههه فديتها بنتج بريئه ،، ربي يحفظها ،، مبروك دخولج السابع يالغلا عقبال التاسع ،،*

[Marawy]

جنان الورد ،، ماتشوفين شر يالغاليه واجو وعافيه ان شاء الله .. ديري بالج على نفسج وعلى النونو ..*



اعز الناس ،، ربي يسلمج حبيبتي و الف مبروك دخولج السابع ،، عقبال التاسع والولاده السهله الميسره يارب ،،*

[Marawy]

اميرة الورد ،، اي والله الثقل كل يوم عن يوم يزيد .. ربي يعيننا .. لاتضايقين نفسج المشكل تصير وخصوصا مع الهرمونات وتغيرها ،، والله انا صايره حساسه بزياده ودوم افكر ان زوجي بيبتعد عني بسبب الحمل ،، وغير المشكل اللي على اتفه الامور تصير وتضايقني حيل لدرجة اني احس نفسي مخنوقه اوقات ،، الله يعين بس ،، ويسخر لنا ازواجنا ويهديهم ،، وام زوجج ممكن عشانها تحبج بزياده وتحب التوينز خايفه عليج وتبي تشيلج وتنصحج .. بس مع الحمل تحسينها زايده .. لا تفكرين فديتج ..*
بالنسبه للانقباضات هذي حسيت فيها وانا في دبي من كثرت المشي وخفت بصراحه لاني او ل مره احس بشي مثل هذا ..! حتى صرت اقول لزوجي لو جاني الطلق ما اعرف كيف الالم يكون !!! بس اظن هذا الالم اللي كان يجيني انقباضات .. والله اعلم ..*

[Marawy]

اثري في مدادي ،، الف مبروك دخولج الشهر السابع عقبال التاسع يارب ،، ربي يسمع منج وتكون بنتي هاديه .. ويرزق كل محرومه ومحتاجه يارب ،،*



ام ريم ،، ربي يتقبل منج ان شاء الله صالح الاعمال .. اي والله شولولي مختفيه مالها بيان ! ان شاء الله المانع خير يارب ،،*

[Marawy]

غايتي الجنة .. عادي فديتج لا تحاتين الحركه .. انا من يومين صارت خفيفه بدرجة اني ما احس فيها وكأني في الرابع ! لكن بعدها رجعت تتحرك اقوى من قبل ما شاء الله .. اتوقع طبيعي .. ممكن من التعب وغيره الحركه تقل ..*



ايام .. الله يعينج ويعيننا على الحموضه .. والله انا استخدمت كل شي وما نفعني غير دوا الزنتك الدكتورة وصفته لي .. والحمدلله خفت كثير ولو يوم واحد ما اكل الحبه اتعب نفسيا .. مبروك التعيين يالغلا ..*



روح الورد ،، الحمدلله انج تطمنتي وواصلي على الفيتامينات لانها مفيده كثير وكثري من الحليب .. حاولي تقضين الشغلات المهمه عشان ماتثقلين بعدين وتستثقلين طلعتج للسوق .. والحين فرصه دام الاسواق فاضيه لان الشهرين الجايين الناس بتقضي لعيد الاضحى وبيصير زحمه ،، ربي يسخر لج زوجج ويسخر لنا ازواجنا ،، *

[Marawy]

خلاص بنات تعبت ،، الواجب كان حيل طويل علي ،، بروح انام لاني بديت اشوف شاشة الجوال 4 شاشات بدل الوحده !*

تصبحون على خير ،،*

[دلع الأحساء]

الحمدالله على سلامته مراوي
ومشاء الله قضيتي واجد للبيبي مبالغه حيييل ههه بس ماتنلامين اول فرحه بعد6سنوات
والله وياك نوم العوافي

[عيش الحياة]

المها
مشكورة وتسلمي على النصيحة لأني اكره الشغالات ووجودهم فقلت اذا مافي ضرر امشي


طيب باقي البنات عندكم شغالات ولا ماكو عشان احس وضعي مثلكم

مراوي
الحمد لله على السلامة عقبال التاسع

احب دادو
اللي اعرفو الحديد يجيب الامساك مو الكالسيوم بصراحة الدكتور ما يعرف كيف يخليكي تتركي الكالسيوم ويقول الحديد اهم الاثنين لزوم منهم وماهو حل نترك واحد منهم الحل انك تستخدمي مسهلات في كثير تنفع للحامل او اذا تحبي اشياء طبيعيه اشربي عصير برتقال يوميا طبيعي حتى السن توب يمشي او التمر الهندي جدا مفيد زي ماقالت لك دلع وعلى فكر كلنا نعاني من الامساك
نصيحة ارجعي للكاسيوم واشربي حليب وزي ماقلت لك في الرد الاول