تجمع حوامل الأشهر الأخيره(السابع,الثامن,التاسع)

[ندى الياسمين]

المشاركة الأصلية كتبت بواسطة وميض النجوم

الله يسلمكم يا بنات والله يفرجها عليكم .. راح اقولكم الاكشن الي صار لي

انا مفروض اني اتنيم يومين من امس عشان يظبطون السكر و يفتحون الربط ( ربط عنق الرحم ) وبعد ماانام يومين ارجع اظبط اموري بالبيت وارجع عشان العملية لان قلت للدكتورة تجيني اوجاع تشبه الام الدورة قالت لي لازم نفتح الربط عشان لو جاك طلق وانتي مكان بعيد ومايمديك تجين المستشفى ماينفجر الرحم وقالت لي تعالي بكرا مع موعد السكر نفتحه لك ووافقت .. وقلت حق بنتي قبل ماتروح المدرسة اني راح اروح الموعد عشان السكر وكذا لان بنتي مره قريبه مني وكل شي تقوله لي وكل شي اقوله لها المهم عطيتها مفتاح البيت لحالات الطوارئ ووصيتها على بعض الاشياء وراحت بنتي المدرسة ورحت مع زوجي ووداني المستشفى وراح هو الدوام .. وفتحو لي الربط وممره يألم ماحطو لي بنج وانا اصارخ ويقولون لي لاتصارخين ساعدينا المهم بعد مافتحو الربط جات الدكتورة قالت بنسوي لك تخطيط وحطو لي التخطيط والممرضه والدكتورة يقولون ماشاء الله البيبي يتحرك كثيير وانا تطمنت قلت الحمدلله مافيه شيء ولما حطو التخطيط اشوف وجههم تغير الوان قلت لهم شفيكم شصار؟ قالو الوضع مايطمن نبض الجنين ضعيف لازم الحين الحين عملية قلت لهم طيب دقييقه بكلم بنتي لاني قلت لها اول ماتجين من المدرسة كلميني وانا ماسكة الجوال سحبوه مني قالو لالالالا مافي وقت بعدين المكالمات وانا مره خايفه مو مستعده للعمليه وتجمعو علي الدكاترة وحطو لي البنج و المغذي وفجأه نمت .. وبعدين حسيت فيهم واهم يصحوني من البنج وانا ابكي اقول انا صاحية بس ابي احس فيكم والحمدلله كلها ساعتين وصرت احسن وكلمت امي وامي بكت من الفرح وزوجي قال لبنتي وبنتي الدمووع تصب من عيونها من الفرحة وبكت زيادة لما شافت البيبي .. والحمدلله يارب ..

نصيحتي لكم يابنات الي فيها سكر الحمل لاتفكر غلط مثلي انا فكرت ان اهم شيء الجنين يتحرك اذا يتحرك يعني كل شيء تمام هالكلام غلط لازم تتابعون وتروحون مواعيدكم باستمرار ..

الله يفرج عليكم ويرزقكم الساعه السهله ..

الحمد لله على سلامتك
ومشكورة حبيبتي وميض على النصيحة
أنا معي سكر حمل الله يسهلها علينا وخايفه مره على البيبي ولكن أستودعته رب العالمين

[nano nono]

عهسيرية مشكورة على الوضيح
وميض هذي نعمة من رب العالمين إنك رايحة موعد بس علشان تنقدي الجنين
فوفو وأنا بكرية مثلك بس متفائلة اني ماآخذ التاسع كله انتي من تدخلي التاسع اكلي انناس طبيعي ووواجد

[ARTS]

المشاركة الأصلية كتبت بواسطة وميض النجوم

الحمدلله رب العالمين ابشركم يا بنات ولدت بعمليه قيصرية اليوم في العصر وجبت بنوته زي القمر
المفروض ان عمليتي بعد 5 ايام لكن نبض البيبي ضعف بسبب سكر الحمل
انا مره تعبانه بس قلت لازم اجي ابشركم

الف الف حمدالله على سلامتك
ومبرووووك ماجبتي وجعلها لله من مواليد السعاده يارب
...
بعد العممليه لا اوصيك لازم تمشي راح تحسي بالم فظيع وتعبانة ومافيك بس اغصبي نفسك
كل مامشيتي كل ماتعفيتي بسرعه
اول يوم صعب خديلك دقيقه يدوبك
الشي الثاني الغازات ..لازم تطلع البعض يستحي ...ويتمها انصحك لا تكتميها لانها بتضرك
*_^
والحمد الله افتتحتي الشريط
وعقبال بقيه الكروشات يارب

المشاركة الأصلية كتبت بواسطة بوح آلمطر

و المصيبه الثانيه

بعد مآ صحيت من النوم نزلت الدرج وعندنا الأرضيات سيرآميك :(
كآن فيه مويآ عشان ينظفوه
وطحت على ظهري
ومن وقتها و ظهري يألمني ورجلي اليمين مقدر أحرّكها
بس الجنين الحمد لله أحس بحركته
إيش أسوي الله يسعدكم وإن شاء الله مافي خطر علي ولا على الجنين ؟
خآييفه موووووووت لدرجة اني صدّعت مررره

حبيبتي لا تسكتين على نفسك
رووحي مرااجعه على طوووووول
لان لا سمح الله ممكن تنفصل المشيمة
..
وانا مابغا اخوفك اعرف وحده والله العظيم ولسه ماخلصت الاربعين
الله يعووضها خير يااارب طاحت وتوفى الجنين
...
رووووحي تطمني..احسن وانتبهي على نفسك وانتي تمشين وعلى مهلك
...
وفاالك العااافيه

[احلم بطفل]

بوح المطر
معليش حبيبتي العتب ع النظر ماانتبهت ( للمصيبه الثانيه )
الله يبعد عنك المصايب و الشرور ..
عزيزتي ضروري تراجعي المستشفى و تطمني على البيبي
و على نفسك ، ماابغى اخوفك بس مو بالضروره حركة الجنين
تدل على انو كويس او لا ..

[3rosajadeda]

السلام عليكم
كيفكم ياحوامل

احلم بطفل
شكرا علا ردك الله يسهلنا الولاده في الوقت المناسب شايله هم عشان حولد عل الاختبارات وفي غربه مافي اهلي ،الحمدلله ، بس اللي في الخير ربي يجيبه ، فوضت امري لله

بوح المطر
الله يسهلك ولادتك لازم تروحي الدكتور وتتطمني عل البيبي ، انشالله كويس ومافيه شي بس احسن تتطمني
المشي انا الدكتوره قالتلي المشي يقوي العضلات يعني يساعدك علا الدفع مو يسرع الولاده

وميض
الحمدلله علا سلامتك الله يخليلك بناتك ويقومك بالسلامه يارب

بنات ابغا اسالكم كيف الام الطلق يعني مغص ولا الم في الضهر ؟؟ لانه انا احيانا يجيني الم في بطني زي الم القولون لان عندي القلون بس هل الم الطلق نفسه او غير ؟؟

فديته لغالي
الله يرزقك ساعه سهله ميسره وولاده طبيعيه ويريحلك بالك

الله يهون علينا باقي الحمل والطلق والولاده والخياطه والتربيه ويرزقنا ولاده سهله طبيعيه ميسره في الوقت المناسب ويرزقنا اطفال سليمين وهاديين ويسخرلنا ناس طيبه تساعدنا يارب

[nur.kh]

الله يكون بالعون لكل الحوامل

صرلي كم يوم متضايقة و نفسيتي بالنازل كارة نفسي و الدنيا كلها والحمد لله بحاول استغفر كتير
بس ما بعرف ليش كل هالدموع و الالم الي في قلبي
الله يهونها علينا يا رب

بنات انا افتقدت فديتة الغالي معقول عملتها و ولدت ؟؟!! ان شاء الله يا رب على خير و هداة بال


ادعولي بنات براحة البال والله كتير متضايقة

[خجول الورد]

بوح .. سلامتك ماتشوفي شر صدقوا البنات روحي تطمني حتى لو تتحرك وسلامتك ياقلبي ..

[فديــته الــ غ ــالي]

nur.kh

ابششششششششششرك حياااتي ..











للحين مااولدت << قمة الوفاااء :(
خخخخ فديت روووحك حمسسسستيني اولد اليوووم قبل بكره :(

يسسسلمووو حياااتي دووم ع السؤااال

والله يبعد عنك الضيييييييق ويريح باااااالك قااادر كريم .. وجعلك ماااتشوووفي الا السسسعاااااده دوووم وياااك

[فديــته الــ غ ــالي]

المشاركة الأصلية كتبت بواسطة 3rosajadeda

فديته لغالي
الله يرزقك ساعه سهله ميسره وولاده طبيعيه ويريحلك بالك

الله يهون علينا باقي الحمل والطلق والولاده والخياطه والتربيه ويرزقنا ولاده سهله طبيعيه ميسره في الوقت المناسب ويرزقنا اطفال سليمين وهاديين ويسخرلنا ناس طيبه تساعدنا يارب

هلااا هلاااا حيااااتي ...


اللهم اميييييييييييييييييييييييييييييييييين .. ويخليييكي يالغلااااا ولكي بمثل مااادعيتي ..

اممممم كيف واااحد ينطق اسسسمك << معلشششش حاووولت وحااولت وماطلع

[وميض النجوم]

فديته الغالي .. مره احاتيك حبيبتي الله يسهل لك