ديوانية البحرين - دردشة حوامل البحرين - البحرينيات

Roze · 12-30-2010, 03:29 PM

احسن شي نسويه مانفكر في هالسالفه مو كل شي بوقته حلو قمت ضربت علا السمج الحين مسويه ليي امي عنافيز مشويه هههههه

شمس الصباح · 12-30-2010, 03:30 PM

سلام

عندي استفسار وابغي جواب

اني اليوم الله يسلمكم اسمع اصوات تطلع من بطني وهذة الأصوات مسموعه حتى اللي قاعد صوبي يسمعها وفشيلة اخاف يقولون اني اسووووي ....تفهمون
ويش الحل وهل هذا طبيعي كل دقيقة واسمع صوت مثل الغازات في البطن وايد مضايقتني الأصوات واحسها كل على جهة اليسار

Roze · 12-30-2010, 03:32 PM

حبيبة حسوني لاتضايقين روحش ترا البيبي يتأثر بمزاج مامتو يالله اضحكي وفرفشي خليه / خليها يستانس

Roze · 12-30-2010, 03:36 PM

شمس اخر شي تفكرين انش تنحرجين وانتين بدبتش في التاسع يتراوى لي اي صوت عادي بس بالنسبة انها طبيعيه او لا ماعندي فكره يختش عن هالسالفه

شمس الصباح · 12-30-2010, 03:43 PM

هلا روز بس الاصوات مضايقتني وايد لانها مستمرة بروح احط موضوع وبشوف يمكن يفيدوني البنات مشكورة حبيبتي

حبيبة حسوني · 12-30-2010, 04:15 PM

بنزل ليكم صور تجهيزات بنوتتيي القمورره فطومه نور عيوني ويش رايكم ؟؟؟؟؟

om khalil · 12-30-2010, 05:09 PM

شمس
ماعليش شر يختي كثري حركة كثري حركة (التوقل) والله يساعدش اذكر ببتي خست ثلاث ايام واني طلوق في عمري تروح تيي.. بس بخليل ياقلبي عليه طلقه كان يوم كامل.

والاصوات اني الحين اسمعها ساعات ولا ادري هي ويش، احيانا كانش نفس اللي يوعانه وعصافير بطنش تصوصوصووصو..
الله يطمنش ان شاءالله وكلي امرش لرب العالمين ومع كل ألم قولي يارب سهل عليي وعلى الحوامل والوالدات بحق أحب الخلق إليك محمد صلى الله عليه وآله وسلم.. يارب نسمع عنش خبر زين يارب..ولاتنسين الصدقه بهالليله..

أحلام أم
هالمشاريع ويع ضيقوا خلقنا خواتي بمشاريع بناتهم امس اختي متحيره في السلسله الغذائية قالت ليها بت عمي اخذي علاقة وخرمي اوراق وعلقيهم فيها على شكل سلسله،، حوسه وموسه يبي لاولياء الامور دورات في هالمشاريع، مشكل عن الياهل بيعرف يسوي شي.
والحمدلله الله يطمنا على أم علي ان شاءالله مارحت سايلت عنها امس..ان شاءالله روحتش موعد السونار يكون سوناركم مثل سونار البديع حده واضح وتعرفين جنس الجنين، الله يرزقش اخت لبنتش ان شاءالله بالسلامه يارب.

حبيبة حسوني
خلينا نشوف شوقتينا :)

بنت الأياويد
ماطلعت عندي الصورة؟؟

طفلي
سبحته بماي فاتر مايل للبروده شوي والحمدلله ماشاءالله صار أحسن اليوم..

حبيبة حسوني
سمعي لا تقعدين تضيقين خلقش تدرين انه الياهل ببطن امه يتاثر بمشاعرها وبردات افعالها ويصير نومه متخبط مثلها، ان كانت الحامل مرتاحه بالحمل يصير الياهل هادئ وينام عادي ولا يزعجش في اليل، اما ان كانت الحامل وسواسيه وتعبانه نفسيا بالحمل ترى الياهل يطلع ليها قرون من السهر... وكلي أمرش لله في كل حالاتش وياعلي الله يساعدش ويسهل عليش ان شاءالله.

om khalil · 12-30-2010, 05:12 PM

Roze
مثل ماقالت طفلي ترى الصراخ وقت الولاده يخلي الجسم يتصلب ومايصير مرن، فتصعب الولاده، احسن شي التنفس العميق المفاهق لانه يخفف عليش الالم تحت، وحتى وقت الأبر أني دايما اقعد اتنفس بعمق علشان شوي ماحس بالالم.

Roze · 12-30-2010, 05:24 PM

ام خليل ومنكم نتعلم علا قولة المثل اسال مجرب ولا تسال طبيب ههههه بس عجبتني كلمة مفاهق درازيه هالكلمه

om khalil · 12-30-2010, 05:29 PM

فلونه
ههههههههه اني ماقلت ليكم اني بس سايلتكم عن اسامي بنات خخخخ
يمكن للحمله اليايه

وخساره جان زين سونارات مراكزكم الي تتابعون فيها مثل سونار مركز البديع،، حده واضح رغم انه ابيض وأسود.. شفت اصابع ولدي وشفت الأشياء ماله واضحه لما فتح ريوله يعني مافي مجال شك

كنت بقولكم بس انتظر الحلوه طفلو نشوف ويش في دبتها ان بنيه اخذناها لولدنا
واذا صبي رافقناهم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM