تجمع حــوامل التوائم

[كوثرية]

حزونة انتي جربتي الاثنين ؟

[حزن الزمان]

وينكم ما فيه ردوووود ... خلاص رضخت اخيرا واخذت الدواء المنوم ... خاطري أناااام ادعولي أمانة
يارب يثبتهم لي ياااارب ...

[ميمي الاموره]

ميمي الاموره حياااك الله قلبي ماشاء الله سرتي الزعيمه علينا انت بلأول وان شاء الله نستفيد منك 00كيفك مع الثقل معاك والولاده ان شاء الله قالو لك طبيعي 00
بعدك كوثريه
وانا ونونه العسوله ماشين مع بعض لساااتنا ورانا مشوار في السادس
وحزن وام فروحه وراهم مشووووار برابع الله يسهل علينا يااارب



الله يهون علي وعليكم ايه صرت الزعيمه ولله الحمد
اما الثقل الله لايوريكم انا ادرس ومحاضراتي بالدور الثالث ومااوصل الا ظهري منقسم نصين من الالم الله يعيني ويعينكم على التعب
وعندي زوج الله يهديه بس مايساعد ابد ولا يكلف نفسه واحس اذا قلت له اني تعبانه انه مو مصدقني يحسب اني اكذب عليه او ااتهول عليه الله يهديه بسماادري ايش اسوي معه خصوصا اني توني متزوجه مالي الا 11 شهر ماكملت السنه لسا

بس انا قالوا لي ولادتي قيصريه لان النونو اللي تحت جالس ومسكر المكان
فديييييييييييييته والله

ميمي الأمور

والله وجى من يسحب البساط من تحتي
بس يالله مبروك عليج العمادة

بس ماعليه أنا صرت ولية العهد>>نشبة إلا تبي لقب مافي فكة

بس لا تنسين تكتبين النا قصة ولادتج بالتفصيل الأكثر من ممل عشان ناخذ العضة والعبرة

بس ماقلتي لنا انتي من وييين ؟



يالعكس ياكوثريه احسن لك عشان تستفيدين من خبرتي مع اني بكريه اول مره بس يمكن التوام غير الواحد
وحلو ولية العهد بالعكس احسن من اللي وراهم مشوار طويل

اما قصة ولادتي فلاتشيلون هم لو ماقلتي انا ناويه اقولك
وانا من السعوديه من الرياض



ميمي الأمورة حياك الله ..انا مثلك قالوا وحده بنت والثاني مو باين
يلا شدي حيلك نبي نقرا قصة ولادتك انا متشوووووقه




توامي تكفين انا وددي قد مااقدر ااجلها لين اخلص اختبارات عشان اذا جوا النونوات اكون مرتاحه دعواتك بس




هنا باقولكم اخر ماحصل لي
وواحد من النونوات اكبر من الثاني ب 100 جرام وعندي مراجعه الثلاثاء الجاي يتحدد موعد ولادتي الاكيد ان شاء الله



حتى اني جهزت شنطة الولاده قلت لو ان الله كتب وتقدم الموعد الا مجهزتها ببيت اهلي لان امي هي اللي بتجيني وخليتها ببيتهم
لاني احس من دخلت الثامن بالالام وتعب وقالت لي امي انها طلق كاذب عشان الرحم يبي يتهى
وخلصت تجهيزي لنفاسي ولله الحمد من اسبوع تقريبا خلصت كل اشيائي

من ملابس لنونوات شريت بلون الوردي والبيج الى ملابس وارواب لي واعشاب النفاس كلها جمعتها وخليت الغاليه امي ترتبها عسى الله لايخليني

حتى الملبس والهدايا حقت النونو امس جبتها من الحرمه اللي تسوي الهدايا تجنن لو تشوفونها سويتها بحركه جديده خلطتها بثلاث الوان بيج ووردي وازرق وطلع شكلها مررررره غريب غير اللي معروف ان شاء الله بنزل صورتها







وبس تعبت من الكتابه هذي كل اللي عندي قولوا لي انتوا عن تجهيزاتكم

[أستاذة ذوق]

ميمي ..الله يسهل ولادتك ويسهل لنا جميع
بس حرام والله تطلعين كل يوم للدور الثالث كلميهم انك حامل بتوأم وتعبانه
عشان ينقلون محاضراتكم أسفل يمكن يتعاطفون معاكي لأن وضعك صعب
عشان ماتصير ولادة مبكرة

وطمنينا يوم الثلاثاء عن موعد ولادتك

ولاتنسين تصورين هدايا البيبي ودنا نشوفها

انا للحين ماعرفوا جنس الثاني آخر مره كان ساجد فديته شكله يجنن
بس انا اتوقع الاثنين بنات

[نـــــــارا]

هلا حزونة... لا تحاتين ما سبقتج بس هذا الشريط يركض بي مادري ليش الظاهر يبي يغلبك

أما عن الولادة فأفضل صراحة الطبيعي ما ودي بعملية وأنا بكر وإن شاء الله ولادتي تكون طبيعية وتوائمي يكونون بصحة وعافية

أنا للحين ما خبروني عن المشيمة.. دكتورتي لازم اسألها عن كل شي عشان تتكلم.. الأسبوع الجاي عندي موعد بخليها تخبرني عن جنسهم وعن المشميمة إذا وحدة أو ثنتين

في أحد جهز لزينة غرفة الولادة؟ وشنو الألوان اللي بتستخدمونها؟ .. اتوقع أغلبكم وردي عشان بتجيبون بنات... مافي أحد ناوي يغير؟ أنا ودي أسوي شي غيرحتى لو عرفت جنسهم

[حزن الزمان]

ميمي الله يهونها عليك يارب وتقومين بالسلامة ونسمع تجاربك عن الولادة القيصرية لاني خايفة منها وراح تكون لي أول مرة ...الله يستر وياليت اشوف التوزيعات اللي سويتيها عشان انا بخاطري كذا ألوان ...
ناااارا شخبارك انا موعدي الخميس الجاي بسوي تلفزيون وبشوف ... بس بالمدرسة المدرسات يقولون لي بالرابع وكذاااا حملك ثقيل الله يحفظني من عيونهم يارب

[حزن الزمان]

توئمي شخبارك يارب تكونين بخير ...
عسووولة ماندري سافرت ولا لا الله يكون معاها يارب
كوثرية شخبارك يارب تكونين بخير ...

[البرنسيسة..؟]

استغفر الله واتوووب الية اني كنت من الظالمين

[كوثرية]

كوثرية شخبارك يارب تكونين بخير ...

بخير حوزنتي ياوجه الخير


بس هالأيام صايرة ملفقة

بس أتعب ينزل عندي نقط دم هئ هئ هئ

بس الحمد لله أرتاح ويوقف

[ميمي الاموره]

توامي
ميمي ..الله يسهل ولادتك ويسهل لنا جميع
بس حرام والله تطلعين كل يوم للدور الثالث كلميهم انك حامل بتوأم وتعبانه
عشان ينقلون محاضراتكم أسفل يمكن يتعاطفون معاكي لأن وضعك صعب
عشان ماتصير ولادة مبكرة
وطمنينا يوم الثلاثاء عن موعد ولادتك
ولاتنسين تصورين هدايا البيبي ودنا نشوفها
انا للحين ماعرفوا جنس الثاني آخر مره كان ساجد فديته شكله يجنن
بس انا اتوقع الاثنين بنات

ياحليلك رحت لهم قالوا لي جيبي تقرير طبي يثبت وطلبت من المستشفى وله اللحين بالمستشفى 3 شهور خلصت محاضرات وماطلع
وخلاص الحمدلله مابقى على الاختبارات الا اسبوعين وماراح اداوم فيها برتاااااااااح بالبيت بعدها باختبر واخلص من الجامعه دعواتكم بس
والهديا مو في بيتي في بيت اهلي بصورها اذا رحت لهم
وعن توقعي اتوقع انهم بنت وولد
مدري احساس قوي بس اهم شي يقومون بالسلامه

نــــارا
أما عن الولادة فأ فضل صراحة
الطبيعي ما ودي بعملية وأنا بكر وإن شاء الله ولادتي تكون طبيعية وتوائمي يكونون بصحة وعافية
أنا للحين ما خبروني عن المشيمة.. دكتورتي لازم اسألها عن كل شي عشان تتكلم..
في أحد جهز لزينة غرفة الولادة؟ وشنو الألوان اللي بتستخدمونها؟

انا كنت ابي قيصري يوم قالوا لي قيصري غيرت رايي قلت لا ابي طبيعي
حتى انا نفسك دكتوري بس ساكت يالله اطلع منه الكلمه ومن كثر اسالتي يقولي المره الجايه اذا جيتي اكتبي اسالتك بورقه عشان اجاوبك عليها

اما زينة الغرفه انا جهزتها بثلاث الوان ماتقيدت بلون واحد
اذا كملتها اختي بخليها تصورها لكم
هي مو متزوجه وفاضيه وتحب تتفنن وخليتها توريني شطارتها بس اللي مبين شغلها مررره حلوو وتعبت فيه
الالوان بيج ووردي وازرق

حزن الزمان
ميمي الله يهونها عليك يارب وتقومين بالسلامة ونسمع تجاربك عن الولادة القيصرية لاني خايفة منها وراح تكون لي أول مرة ...الله يستر وياليت اشوف التوزيعات اللي سويتيها عشان انا بخاطري كذا ألوان

الله يهونها على الكل ويخفف هالثقل علينا
ايه ولايهمكم بس خلني اروح بيت اهلي واصورها لكم