دردشة حوامل مملكة المغرب - تجمع بنات المغرب

siham-it · 01-16-2013, 03:53 PM

اقتباس:

المشاركة الأصلية كتبت بواسطة chokirina

أنا اللي درتها لراسي أختي رجاء مبغيتش ندي البيبي لدار خاوية و باردة تيسخن الحال و نفرش بشوية عليا دابا اللي عطا الله عطاه هي ضريفة معايا و لكن أنا مكتهنينيش خاطري كتبقا فيا و لوستي الله اسمح ليها غير اليوما أنا طويت ليها غطاها فاقت و مشات المدرسة و خلات داكشي هكاك وعندها 17 سنة يعني كبيرة تبارك الله

هههههههههههههههه هديك كدلع على مرت خوها خليها راها بينه الكتكوته ديال الدار

oumdarda2 · 01-16-2013, 03:54 PM

اقتباس:

المشاركة الأصلية كتبت بواسطة siham-it

متفقى معاك أم درداء حتى أنا معطاوني والو ملي حملت و حتى إبره معطاوها ليا ، لكن راجا عندها الrهم مفتوح ضروري تاخد متبيتات + الراحه

حتى انا اختي والو معطوني والو مسكينة الاخت رجاء راه ماشي خاصها فيتامينات خاصها مثبتات ان شاء الله ما يكون غير الخير

chokirina · 01-16-2013, 03:56 PM

حتى أنا قاات لي ماتاخديش الفيتامين عطاتني tardyferon على حسىب فقر الدم حيث كنت صمت رمضان كامل و كنت نتوحم و ماكاناكل ما كنشرب من غيرالثمر نسييييييييت سهاااااام كلي الثمر مزياااااان كيساعد الرحم اثناء اﻹنقباضات و كيساعد الولادة و مذكور فسورة مريم العذراء الثمر الرطب هداك الناشف شوية ماشي المعسل

siham-it · 01-16-2013, 03:57 PM

بنات زوينات نخليكم هاد الساعه نمشي ناخد واهد الدوش نسخن كريشه ديالي و نرجع ، خليتم في أمان الله

chokirina · 01-16-2013, 04:01 PM

يا حتي حتى كتحلى الهدرة و كتسلتو وحدة بوحدة أنا العشية غنمشي الحمام و غندير الحنة داكشي traditionel زعما زعما لربما ربي احن من عندو نديرها لشعري و لحمي خصوصا ايدي و رجلي واخا عمري فحياتي مادارت هاكا عزيز عليا النقش و لكن هاد المرة طلباتني ماما مسكينة نديرها الله اخلي لكم ميماتكم كاااملين ؤالصحة سهام

oumdarda2 · 01-16-2013, 04:07 PM

اقتباس:

المشاركة الأصلية كتبت بواسطة siham-it

بنات زوينات نخليكم هاد الساعه نمشي ناخد واهد الدوش نسخن كريشه ديالي و نرجع ، خليتم في أمان الله

بالصحة والراحة وعنداك يضربك البرد

oumdarda2 · 01-16-2013, 04:11 PM

اقتباس:

المشاركة الأصلية كتبت بواسطة chokirina

يا حتي حتى كتحلى الهدرة و كتسلتو وحدة بوحدة أنا العشية غنمشي الحمام و غندير الحنة داكشي traditionel زعما زعما لربما ربي احن من عندو نديرها لشعري و لحمي خصوصا ايدي و رجلي واخا عمري فحياتي مادارت هاكا عزيز عليا النقش و لكن هاد المرة طلباتني ماما مسكينة نديرها الله اخلي لكم ميماتكم كاااملين ؤالصحة سهام

ياااااااااااااااااااااك اضحى كتفقسيني وانا مجعورة على الحمام والحنة *الله يحن عليك وعلى جميع امة محمد سيري احبيبة بصحتك وراحتك شوفي الميمة فكرات فيك الله يخليها ليك ويخليلينا امهاتنا انا منين جيت لهاد الارض السعيدة ما شفت لا حمام لا حنة الحمد لله على كل حال

oumdarda2 · 01-16-2013, 04:13 PM

سمحوليا البنات نمشي دابا ونرجع من بعد

Forgotten Rain · 01-16-2013, 04:39 PM

waaaaaaaaa siham w doha ghaydirou fina arro3b dyal lwlada men daba
hhhhhhhhhhhhhhh ana ba9a liya 3 mois ta9riban ila bgha allah wbdat fiya lkhal3a men daba ghir tkayso 3lina hhhhhhhhhhhhhhhhhhhhh

chokirina · 01-16-2013, 05:06 PM

لهلا احوزكم مشيت تغديت و جيت كلشي بأمر الله متنساوش راه حنا فينا الروح و كنعطيو النفس لروح ثانية من بعد ربي بطبيعة الحال الخوف حاجة طبيعية أول مرة كتحسي بانسان كتولديه انتي كيتنفس و كيبكي ولكن من بعد كلشي كيسالي و كتبقى غير هدرة علاش ربي نعم علينا بالنسيان باش نعاودوها ثاني ههههه الحمد لله و الشكر لله هادي نعمة غنعيشها بآلامها بفرحها بخيبها بزوينها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
دردشة حوامل أهل قطر - دردشة بنات قطر - تجمع حوامل قطر	سماسم	إستفسارات حوامل من الشهر السابع إلى الشهر التاسع	332	05-31-2013 04:20 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل مملكة المغرب - تجمع بنات المغرب	ام صيصة	إستفسارات حوامل من الشهر السابع إلى الشهر التاسع	1534	12-25-2011 09:35 PM
من المغرب للسعودية منتجات سحر المغرب روووووووووووووووووووووووووووووووووووووووووووووعة	kaminynya	منتدى السوق التجاري	2	08-18-2011 01:23 AM