دردشة بنات العراق, دردشة حوامل العراق , تجمع بنات العراق

[مجنونة بحبها]

هلا زنوبه

شكرا على كلامج الي يطيب الخاطر


شفتي شلون اول ماجبت يكولون شدي حيلج

انريد بعد كتلهم حقكم مو انتو انشك بطنكم


وماكو اريد شهر ارتاح من هذي الاسئله ماكو

وانوب عود ردت اروح ويه زوجي للعمره السنه

اشو رادن ويانا حمواتي اثنينهم

عادج انا بطلت كتله مااروح

اروح اخدم وتعب ورزايل عاد اكعد عند اهلي احسن

اكضيه ضحك وسوالف

بس محسوب علي سفر وعمره



انا اروح اطبخ الغدا واحضر لخطاري الغالين

[مجنونة بحبها]

هلا حبيبتي ام محمد يله بسرعه نزلي صورج لان راح تنغلق المسابقه

[مجنونة بحبها]

يله بااااااااااااااااااي اروح اشتغل

[زينب السعدي]

لايمنى بس زوجي فهمه كاله انت فهمتها غلط وهي مكالت هيج يكله اي لعد اني مسمعت زين يلا مصار شي
اني كتله لزوجي بالنسبة اله مصار شي لان مشاف مني شي محلو بس هو اتهمني ظلم طتله بس بالنسبة الي صار شي وشي كبير ومراح انسى هالشي ومن هاللحظة كلشي اختلف بعد معاملتي ويه ابوك رسمية حتكون اسوي الواجب عليه وبس لكن اي مداراة خاصة ماكو بعد كال اي انتي ممجبورة كل هذا الي دتسويه انتي المتفضلة كتله تالي محد مقدر كال لا اني اقدر ومن هالحجي المهم وعسى انت تكرهوا شيئا وهو خير لكم يمكن من صالحي صارت هاي المشكلة حتى بعد اثكل وميمون عليه باي تصرف ولا اي كلمة اقصد عمي وزوجي بعد ميكدر هم يسخرني ويكلي داري ابويه لان بعد ما اله وجه يحاجيني بهالموضوع على اللي سواه ابوه
اني عكب باجر ارجع للبيت اني وزوجي وطبعا باجر يجي حمايه اللاخ من لندن ويجي بيتي شي اكيد وحيظل اقل شي 4 اشهر
شوفو يعني حروح الخميس الكه عمي وحمايه ومرته وحمايه الثاني ونجي احنا 2 صار 6 وشي طبيعي كله براسي مرت حمايه متساعدني هلكد واني مااكدر اسخرها اكول فشلة خطار بس زوجي ضايج منها يكلي هو الخطار 3 ايام هي حيصيرلها 3 اسابيع وع هالوضع وفوكاتها حتجيني الدورة واني ينطاح حظي بالدورة اموت من الالم ...اوووووف طلعو دهني وحليب امي من خشمي

[اه من الغربة]

ما اقدر اروح لمركز التحميل طفيت اللابتوب لان حمودي قعد صاير يتنحس سوده عليه طلعن اسنانه الفوق و هسه مره ثانيه. هم بعد ديطلع سنين فوق و صار جم يوم كله يتنحس و اليوم احلي شي جان زعلان ويه مريم لان صار يومين رايحه بيت صديقتها و هوه وحده اليوم لمن شافها اول شي تعجب بعدين قريب ال نص ساعه يبجي و ما يقبل يروح يمها

اي احسن سوه رجلج زنوب و حتي مره حماج هم صيري شويه ثقيله وياها و خلي تساعدج أكيد عمج شاف فرق بينج و بينها
الله يعينج اهم شي صحتج انتي ما مجبوره تداريهم خلي كل واحد هوه يداري نفسه اهم شي صحتج


إيمان الله يعين اذا قدرت انزلهم منا الي باجر الصبح انزلهم اذا لا مو مشكله بعدين انزلهم مو الا بل مسابقة لان هسه كل ما حاولت ما صار و خلاص الساعه هسه 2:30 عدنا هسه رجلي يطلع حسه

[زينب السعدي]

حبيبي حمودي والله قهرتيني ع اسانانه انشالله معنده غير العافية وضحكتيني ع موقفه ويه اخته شكد حلوووووو مشتاقلها الله يخليهم لبعض يااارب
وانتي هم ديريبالج ع نفسج واذا شفتي الالم استمر روحي للطبيب اتطمني احسن وماعندج الا العافية انشالله

[اه من الغربة]

الله يعافيج زنوب باجر عندي دكتور عيون لوشفت بعدي راح اروح للطبيب
واخيرا نزلت الصور بس نزلوا بل مرفقات
اروح انام رجلي ديباوعني صفح هسه اسمعلي حجاية

[فوفو العراقية]

المشاركة الأصلية كتبت بواسطة زينب السعدي

حياتي فوفو اهلا وسهلا بيج نرحب بيج يا بت بلدنا العزيز
طبعا هنا غير البنات كلهن حبوبات ويرحبن بالجميعو وسوالفنا مستمرة وهسه تتونسين ويانه انشالله
اني مثلج هم مغتربة بس عايشه بدبي انتي وين عايشة ؟؟
اني كنت حامل وسقطت بالشهر الخامس اسم الله عليج
اكو حوامل بس قليلات اكثرهن والدات ههههههه
ممكن السي في ..لان هسه يجون البنات كلهم يريدون السي في مالتج

هلا بيج يا بعد جلاي
اي هيج الترحيب يخبللل
طبعا غير بنات بلادي غيرررر
الله يعينج عالغربة ويعنا جميعا
اني مغتربه بفنلندا اخر الدنيا ههههه ومكانج خالي ويا عواصف الثلج
الله يعوضج خير يارب
بس الله يعينج 5 اشهر يعني خلصتي الوحام وبدى الجنين يكبر وراح؟
الله يعوضج يارب
الف مبروك للي ولدن وان شاء الله بالصحة والسلامة

ههههههههههه السي في.... يا قلبي اني عمري 29 حملت 6 مرات وهذي المرة السابعه
3 اجهاظات... و3 ولادات... عندي ولد وبنات 2 من طليقي
ومتزوجة من 4 سنوات وهسة حامل بالاسبوع 10 بديت.
شنو بعد اسألوني وانا اجاوب حبايبي.

[فوفو العراقية]

المشاركة الأصلية كتبت بواسطة عذراء الجابري

حبيبتي فوفو مكتب معلومات العراقيات طلب منك cv بليس

ههههههههههه سجلته ياحلوة

[فوفو العراقية]

المشاركة الأصلية كتبت بواسطة عذراء الجابري

لازم الج واهس
صار وتدللين
بس لا تبجين
1/ ضعف مبايض
2/تكيس
3/ قلة حركة لحيامن الزوج لتعرضه لمواد كيمياوية لكونه مهندس نفط
4/حبلت

الله يعينج
والف مبروك الحمل ونشاء الله تجيبين وتكومين بالسلامة
يعني افهم من كلامج هسة بطنج صارت صيدلية يالله تم بحمد لله الحمل هههه
وشنو عندج ولد لو بنوته؟ ماعرفتي؟