حبيباتى سيدات ليبيا تفضلو لأعرف ما حالكم

[أم ورد]

أوشي غياب ان شاؤ الله خير

[هدية الخالق]

السلام علبكم ورحمة الله وبركاته
شن أخباركم اليوم
أمولة كيف الحاال قربتي ماشاء الله ربي يسهلك ويهون عليك ديري احتياطاتك احتمال تجيبي في هاليومين اني زمان لما نزل عليا الدم راجلي اتصل بالمستشفى والممرضات قالوله اذا هي بكرة مرات تقعد حتى اسبوع ثاني لكن جبت ثاني يوم
فروسة شن الأخبار ربي يعاونك عالعزومة ويعطيك صحتك وماشااااء الله ن خيال اكيد استمتعتوا ربي يخليلك زوجك ويعيش ويدهوركم وبالنسبة لسؤال الهالوين سامحيني والله في بالي منرد امس لكن نسيييييت واندهبت شيرتي حشاك عقلي خلاص عليه هذا أول عيل هكي مازاللي تسعة على حسبة راجلي ههههههه لانه هو طالب عشرة
عموما والله جو الهالوين زي عندكم تحضيرات قداش ليهم القرعة المعرمة في الاسواق وملابس الرعب لكن والله اليوم ماطلعت الجو مانقدرش نوصفه مطر وضباااااب لدرجة مانشبحش في المباني المقابلات والجو في عز القايلة كأنه مغرب والا صبح بكري لكن احني عندنا حيط كله مرش مقعمزة حداه ونتفرج عالناس الماشية والجاية وكل واحد بشكل ولون
لكن والله مانكذب عليك خايفة يخبطوا عليا هههههه السنة اللي فاتت علقولنا ورقة عالباب لو تبي تفتحيلهم خليها كان ماتبيش حوليها الورقةوالسنة اللي فاتت كنت بروحي والدنيا ليل حولت الورقة خفت كلا السنة هادي مش حاطين ورقة شكله بيجوا اجباري ههههههه امبكري قلت لراجلي مرات سوما تخاف كان جو قاللي انظني ام سوما هي اللي بتخاف ههههههه لا وزيادة امبارح متفرجة عاى فيلم رعب اليوم صابحة منموت من الخوف كل مانسمع ابسط صوت ننخلع ههههه
جنودة ماشاء الله عايشة الأجواء برا صوري ووريهلنا
جيجي ان شاء الله على خير يارب وقريبا تونسك الحبوبة جمان استقريتي عالاسم هذا خلاص؟
شموسة الحمد لله إنك اطمنتي عالبيبي فرحتيني عقبال ماتتمي حملك كله على خير
باقي البنات الحلوات
ام معاذ وام ورد وسوسو وام نوزة واثري شن اخبارك كلكم ان شاء الله تكونوا بألف خير
سلامي للجميع

[أم أجنادين 80]

ان شاء الله كل الأمور تكون تمام في عزومتك ان فروسي
وانتي قدها وزياده لاتنسي تصوير السفيرة الحلوه
سالتكم علي منتجات تجميل واستشوار ومملمس ماجاوبتوا

[أم أجنادين 80]

السلام عليكم
أكيد راقدين
ام فراس. او اموله متعاملين مع مواقع بيع اون لاين
زي ايباي وامازون
ألقيت مملس شعر وشامبوا في امازون نبي نفهم
ألطريقه أكيد ندفع بالبطاقة ويوصلوني للحوش
وهل فيه زياده من اجل التوصيل

[sosolibya]

صباح الخير.....

اليوم العالمي في النوضان بكري


شن جووووووووووووووكم وكيف أموركم

المشاركة الأصلية كتبت بواسطة أمل ليبيا

بنات حاق البكرة لازم تعطل ع موعدها

في أغلب ألأحيان وليس ضروري لكل البكريات.

؟؟وهل لازم تحسي ببوادر وجع قبل قرب الولادة والا عادي ؟لانه ليا 10 ايام في التاسع وماعنديش اي بوادر للولادة قصدي الوجع الي يقولو زي وجع الدورة ماجانيش بكل!!

لا مش ضروري يجي الوجع يعني البوادر أنا في حمود الحمد لله قعدت مرتاحة لحد ماجي ألم الولادة نفسه
..

عندي بس الالام في الحوض واعلا الفخدين هلبا لين مظايقني في المشي

وألألم يللي أت حاسة به هذا ألم الثقل
يارب يسهل عليك ياااااااااارب
وزي ماقالتلك فروسة لأنك في غلابة ربي حيسهلك كثر وأكثر إن شاء الله
زيني في حمود ربي سهلي لأني كنت صغيرة تعرفي ماشاء الله عليه جاني ولدي هااااااااااادي لأبعد حد
بس توا ............ خليني ساكتة الحمد لله

بالله قولولي تجاربكم وشن هي الحاجات الي جربتوها تسهل الولادة ؟؟

أعتقد المشي لكن مش لين تتعبي
والراااااااااااحة وألإسترخاء لتحصلي على جهدوطاقة كافية
وأكييييييييد التمر غصبي حتى على روحك بالسيف

اني عندي مية زمزم بنرقيها ان شاء الله وعاطيتني امي ربي يحفظها عشبة الي تنقعيها في مية لين تنفتح وبعدين تشربيها جابتهالي من الحج من فيكم جربها؟؟

ربي يحفظلك أمك الغالية وسؤال أمتى أعطتهالك؟؟
قصدي امتى زرتي ليبيا ولا تقصدي مشيتي حامل..

المهم نسمع بيها وشفت ناس يديرو فيها بس شخصيا لم أجربها ولا أستطيع أن أفيدك..

[sosolibya]

تعالي جنودة نهدرز عليك

أنا نايضة بكري.. ههه

[sosolibya]

جنودة الله يبارك لخوك وتحضري العرس بإذن الله وكم عمره خوك ياحلوة وعمر خطيبته (قصقصة)

وانت شفتيها خطيبته ولا ماشفتيهاش بكل

ويارب تطلع إنسانة كويسة



شموووووسة إن شاء الله الخميس تكلمينا من داخل صالة حوشك يارب..

[sosolibya]

منو جي ولاقاعدة بروحي ياترى..

أنا نقرأ في صفحات فايتيني..

فروووووسة بيك وحشة اليوم العزومة صح إن شاء الله تتيسر ألأمور ياااارب

[sosolibya]

هههههههههههه حتى أنا نكره الحمام عشان الشعر هههه نكره عشان شعري شن بينشفه وراجلي تعقد مني ههههههه بس توا بديت نحاول معاش نعدل

ممكن فعلا بالشتاء أصعب..

[sosolibya]

المشاركة الأصلية كتبت بواسطة أمل ليبيا

سوسو وشموسه وجنودة شن رايكم نديرو قروب مغلق لينا احنى بس ع الفيس نهدرزو مرة مرة طبعا اي وحدة عندها فيس وحابه نظيفوها مرحبتين بيها في انتظار ردكم

واااااااااو حلو جدا موافقة وطبعا نخليلك موضوع تنسيق الصفحة ديريها وبعدين توا نعاود انسقها خخخخخخخخخ

نستنى فيك ياحلوة

وإقتراح حلو جدا وموفق.. بإذن الله..