دردشة بنات العراق, دردشة حوامل العراق , تجمع بنات العراق

White angel · 11-26-2012, 04:28 PM

هلووو حبايبي قلبي
شلونكم حبايبي
اخباركم
طبعا اشكر كل من باركتلي
ربي ان شاء الله يوفقكم ويحرسكم
طبعا مدا يصير عندي مجال اخذ صور الكوكي
لان خطيه عبالك مشابعه نوم ابطني زدا تنام وتسهر بليل
لكم عيني متدرون شكد مشتاقتلهه وميهل لي افاركهها ولو دقيقه
هسه خالتها كبالي واني دا اكتبلكم
طبعا مشاكل اني وزوجي يعني نقاشات حاده ع الروحه للبيت
هو يريد يرجع للبيت وامي مدا تقبل واني الصراحه حالية لي الكعده بيت اهلي
امي ادكوله منا حتى تطلع من الاربعين وهو متخبل
يكول اريد اروح ارتاح ابيتي
بس واخيرا اقتنع بس يكول لازم نروح للبيت وبعدين نرجع لان اخوته ميردون يجون البيت اهلي لان عشتو ميرتاحون
ولو هو خيرا تعمل شرا تلقى حق الي ابويه داراهم وشالهم بنص عينه وحتى شغل سوالهم وهسه نكرو الجميل وصارو اهلي مو خوش ناس بس شنسوي اجر ابويه يم رب العالمين
المهم ابويه اليوم راجع لان جان مسافر وطبعا مشايف بنوتي الحلوه
لكم بنات احجيلكم عن كوكي نسخه نسخه نسخه نسخه من ابوها وكلشي مماخذه مني حتى كد ميكولون تشبه ابوها كلت الهم بعصبيه اصلا حتى نوري ميشبه نوري امها ههههههههههههههههههههههههه
لكم ابد متشبهني ابد ع اساس ماخذه حلكي بعدين طلع الحلك مو حلكي الحلك حلك بيبيتها ام ابوها هههههههههههههههههه
وهاي قصتي كلهاااااااا
عود ارجع الكم بعد الاربعين من ارجع البيتي لان اسم الله عليكم عبالك عندي هبوط بالضغط لان اوكف واوكع
والخياطات بعدها مواكعه لان تعرفون بنوتي شكتني يله طلعت
اكولكم شنو اخبار مراوي مجابت؟؟؟

يله حبايبي اروح اكعد بنوتي لان صار وكت رضاعتها صار ساعتين من رضعت
يله حبايبي بوساتي الكم وحده وحده

مي & · 11-26-2012, 04:42 PM

هلواااااااااااااااااااااااااااااااات حياتي زنوبه حبي ام كوثر الحلوه

حبيبتي الف الحمدلله على سلامتج حبي مره لخ

يمعوده ابقى ابت اهلج ارتااحي حياتي

وارجعليان ابسرعه خوش حبي

مي & · 11-26-2012, 04:46 PM

اقتباس:

المشاركة الأصلية كتبت بواسطة لطف الرحمن

صباح الخـــــــــــــــــــــــــــــير لكل التجمع شخباركم فديت السألو عليه تسلمين حبيبتي مي كلك ذوق هاي بنتك البالصورة

حبيــــــــــــــــــــــــبتي اي بنتي الي بصوره واذا عندج الهه عريس تعالي كبعي وشيلي

هههههههههههههه

الله ايفرحج ابنوتج انشاالله

مي & · 11-26-2012, 04:49 PM

بنات خلي اضحكم

الي الصوره مال ابرار الي جوه اسمي

انتو مو عباللكم ابرار كاعده ابنص الورد ومسويه ايدهه هيج يعني امسويه هي من نفسهه لقطه حلوه

تدرون شنو ؟؟؟؟ هاي اتخاف من الورد ولامه ايدهه هيج حتى لطخ ايدهه بلورد هههههههه

فطلعت لقطه حلوهه هههه

مي & · 11-26-2012, 04:50 PM

وينكم مو خبلتوتي صارلي ساعه الغي ويه روحي

يله اخذلي فره وارجعلكم

بدور السماء · 11-26-2012, 04:56 PM

اقتباس:

المشاركة الأصلية كتبت بواسطة ام مهدي22

بس اني ارضع واني سامعه الئ اترضع متحمل
وينج يابدور هسه اتفسرلي

هلا بالحلوات شلونكم يالغوالي
ولج ام مهيدي والله ضحكتيني لج حب حب
ليش متكعدون راحة وهسة المرة معرضة للحمل باي وقت بهيج فترة
لان سبق وارتكبت اختي نفس الخطأ واكلتها بثنين ايديها
هههههههههه
يالله بلكي حامل واشبع ضحك عليج
ههههههه
حبي اذا تردين حسبي ايام الدورة العقيمة وخطؤو شكد متريدون
والايام العقيمة هية من يوم 21 من الدورة الى يوم9 من الدورة الثانية
يعني العشرة الوسطة من الدورة يصير بيها حمل
وهذا رجلج شوي ضبي وخلي يبيع ثكل
ههههههههه
الله يهنيكم يالغالية

بدور السماء · 11-26-2012, 05:14 PM

ام مهيدي عوفي الموانع لان الدكاترة يكولون ميصير استخدام اي مانع حمل بعد اول طفل لان حتى اذا تتركيه اطولين يالله يصير الثاني ولو يصير لو لا
اسم الله عليج
حبي مثل مكتلج استخدمي الحساب وهم عوغي الخارجي لان هم يأذيج

زنوب ياقلبي الف الحمدلله على سلامتج وسلامة بابا وميهم تشبهج متشبهج المهم وردة ومثل الكمر ربي يحرسها من كل شر

ميوش حبي شلونج والله ياقلبي هم بيت حماتي المحنشين على النت وانا من دتصير فرصة افوت وما الكاكم على كل تؤبرني برورة الوردة ولج هاي تسوة ورود الدنيا وميخالف اذا تخاف هية تتعود

رنود قلب قلب شلونج فطيمة شلونها

زيونة شلونج عمري انشالله بخير
شعور حبي انشالله تبشرينا وتطلعين حامل بس انت هسة ديري بالج على نفسج لحد متتأكدين وخلي زوجج هم يكعد راحة مؤقتا
ههههههههههه
نبوعة الله يكوم ابنج بالسلامة يارب ويسهلها عليه
شهود مروش شموس لطوف ساروش
والكل شلونكم حبايب

مي & · 11-26-2012, 05:16 PM

هله حياتي شلونج بدور حبي

بعدج لو رحتي

مي & · 11-26-2012, 05:19 PM

ولج خوفتيني مال المانع وره اول طفل

مو اني استخدم حبوب مال ياسمين ما ادري اذا سامعه عنهن لان خفت ايصير حمل وره بروره واني ولدت عمليه وكلت هسه بعد كم شهر وابطلهن

بس خفت من كلتي اياخر الحمل الله لا ايكولهه بس اني دكتورتي زينه الحمدلله يعني لو بيهن شي جان كالت

اكول باجر موعد الدوره اكول يوم اشكد من الدوره ايصير فحص البيضه هم اتعرفين؟؟؟؟

مي & · 11-26-2012, 05:20 PM

وينج لتخليني الغي وحدي حبحب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM