تجمع حوامل سوريا-دردشة ورود سوريا-دردشة الغاليات

[hadeel al rouh]

[COLOR="LightBlue"][/COLOR


لك يسعدلي مساكون كلكون حبيبات قلبي ياريحة بلدي
والله اني اشتقتلكوون الله لايحرمني شوفة حروفكوم
انا فضيت وضيوفي امنت عليهون بيتون ههههه
الحمد الله اتسليت شوي بس كتييييييييييييييييييييييير ضهري واجعني
لاني الله وكيلكون مابركت ساعة على بعضها تنضيف ورا الصغار وطبخ وضيافات والخ
زوجي ماصدق خلصت الزيارة عشان ارتاح واتسطح بقا
نمت شي ساعتين والوجع هاد هوي ماعبعرف كيف ابرك وخايفة ااخود مسكنات بلكي في بوبو ببطني ههههههه .. انشالله
دورتي موعدها بكرا بس يارب ماشوفها




شبكون ولي علي انا مكتئبين وكرهااانين وطفشانين....
اوووووف والله حالي من حالكون يابنات بس شو بدنا نسوي لازم نصبر حالنا لازم انشالله مانفقد الامل ولا لحظة
قال يعني مندخل هون منرفه عن حالنا شوي بس والله اللقمة الي عمناكلها منغص فيها
حسبي الله ونعم الوكيل

[silla]

نادوووو ياقلبي مافهمت سؤالك انا ...

[silla]

ولي علي عليك ياسرووءة
والله ماتواخذينا يعني عنجد نفسياتنا مو بايدنا

يلا ... الحمد لله ع كل حال
وعندي امل كبير وتفائل اكبر انو النصر قريب وهديك الساعة ماعاد بضل شي اسمو هم
وحزن لانو كل هموم الدنيا اهون وارحم من هالهم والله يابنات ... اللهم عجل نصرك وانصر عبادك المظلومين
اللهم عجل نصرهم على الطاغية واعوانه
اللهم اشفي جرحاهم اللهم اشفيهم وعافيهم اللهم اغثهم واعنهم على النصر عااااجلا غير اجل يارب ياللله يارحيم

[silla]

سروووءة .. وعبورة وام عائشة والحوامل واللي بتعرف ترد ع سؤالي ههههه

هلئ انا كل ما بيجي موعد الدورة عندي يعني لو ماكنت حامل كان موعدها ... بوجعوني المبايض
بيجيني نغز وشوية الم من المبايض هالشي طبيعي
لاحظت هالشي صار ع شهرين داايما بيوم 10 و 11 بالشهر هيك بصير معي

[silla]

المشاركة الأصلية كتبت بواسطة hadeel al rouh

[COLOR="LightBlue"][/COLOR


لك يسعدلي مساكون كلكون حبيبات قلبي ياريحة بلدي
والله اني اشتقتلكوون الله لايحرمني شوفة حروفكوم
انا فضيت وضيوفي امنت عليهون بيتون ههههه
الحمد الله اتسليت شوي بس كتييييييييييييييييييييييير ضهري واجعني
لاني الله وكيلكون مابركت ساعة على بعضها تنضيف ورا الصغار وطبخ وضيافات والخ
زوجي ماصدق خلصت الزيارة عشان ارتاح واتسطح بقا
نمت شي ساعتين والوجع هاد هوي ماعبعرف كيف ابرك وخايفة ااخود مسكنات بلكي في بوبو ببطني ههههههه .. انشالله
دورتي موعدها بكرا بس يارب ماشوفها

لك تقبشيني قبوشة يا حلوة يافرفوووشة
انت بقلبي مكموشة بالمسمار والشاكووووشة
لك والله الك وحشة ياضرسانة ...
يلا متل ماودعتي تلاقي واهم شي انبسطتي
بس شو يظهر ولاد خالك مو عاقلين بنوب هههه الله يعينك والله
يلا احكيلي هات لنشوف شو اتفننتيلن بطبخات وضيافات


بالنسبة لوجع ضهرك انشالله خير ... ريحي حالك وفعلا مافي داعي للمسكنات
واصلا هالوجع مابدو غير راحة ... بقى بس ريحيلنا حالك ويارب خير

وانشاااااااااالله انت ونادو بتبشرونا بحملكم يااااااااااارب

[عبير اسماعيل]

المشاركة الأصلية كتبت بواسطة silla

سروووءة .. وعبورة وام عائشة والحوامل واللي بتعرف ترد ع سؤالي ههههه

هلئ انا كل ما بيجي موعد الدورة عندي يعني لو ماكنت حامل كان موعدها ... بوجعوني المبايض
بيجيني نغز وشوية الم من المبايض هالشي طبيعي
لاحظت هالشي صار ع شهرين داايما بيوم 10 و 11 بالشهر هيك بصير معي

اهلين ‏
سوسو كيفك ؟
حبيبتي انا صار معي هيك شي يعني وجع خفيف شبيه بأعراضك
وكان يزيد بالجنب اليسار أكتر رحت صورت خفت يكون في شي ‏
بس مابين شي وقالتلي اخصائيه الالترا ساوند يمكن التهاب مجاري بوليه
وضليت هيك للشهر الرابع بس بالخامس وبدايه السادس ماصار معي وجع
ف ان شاء الله خير والله لا يضرك يارب
بس ازا وجعك قوي لا سمح الله ديري بالك وشوفي دكتورتك وه فكرة صاير عنا ‏
اخصائيه نساء وولادة بالمنتدى ياريتك سألتيها مبارح ‏
يالله كله خير ‏

[عبير اسماعيل]

صباح الخير صبايا
سرووووووءه كيفك ؟ شكرا ع سؤالك عني والله يا سروءه اللي حكيتي كانك
قاعدة بقلبي انا نفس الشي بفوت من الجوال بطل لشوف ازا في حدا منكن
بس اي شي تاني ماإلي خلق عليه ونفسيتنا معكرة يااااارب تفرجها....


ناااااااااادو كيفك؟
ان شاء الله تكوني حامل انتي وهدوله
ازا شفتي شي علامه وماعدتي شفتي بعدها ان شاء الله حمل نفس الشي صار معي
ومع أحتي هاد الشهر عقبالكون صار معها هيك اعراض قلتلها هي أعراض حمل
وفعلا والحمد لله طلعت حامل الله يتمم للكل ‏


هدولتي كيفك الله يقويكي ‏
عزيزتي ازا وجعك كتير قوي ومو قدرانه تتحمليه سيتامول خمس ميه متل
البارديكس مثلا ما بيأثر لأنو سبحان الله السيتامول ما بمر ع المشيمه ‏
انا مرضت اول حملي حرارة ورشح ووجع راس قالتلي الدكتورة انو مابيأثر اشربه عادي
وان شاء الله تكوني حامل ببوبو ظغنون ظغنون ههههه
انتي ونادو يارب

[silla]

ااااااااااااه الله يفرجها

بس والله عم نشتاقلك يا عبورة ... لا عاد تغطي وتطولي ..

نحنا اللي هون ومالنا عايشين بنص المعركة هيك نفسياتنا
كيف هنن ياقلبي .... كيف هالاطفال عم يسمعو الرصاص والقصف كيف عم
تصير نفسياتن ياقلبي علين شو كيف عم يشوفو الحياة وشو عم بصير بطفولتن ...
حسبنا الله ونعم الوكيل يارب عجل نصرك يااااااااااااااارب يارب

[silla]

عبورة منشان النغزات يعني متل ماكنت حس فيها قبل ايام الدورة وبعدها وانا اليوم اول يوم الي بالشهر الرابع
ياااااااااااارب تمملي ع خييييييييير يارب ويتمملك بالخير ياعبورة انت وسروءة
ويفرحنا بخبر حمل هدولة ونادو

[عبير اسماعيل]

سيلا النغزات جائز تكون برد
يمكن أأخده برد والله بس ازا قويه كتير ما بعرف
لأنو انا لهلئ بتجيني نغزات بس خفيفه بس ما بكترث فيها لأنو بتروح ‏
بتعرفي الحامل بيصير معها كتير اهم شي ما تتوسوسي
عندي عمتي كانت تجيها الشهريه كل شهر وهي حامل بس خفيفه
ان شاء الله مافي شي