تجمع حوامل ليبيا

[نسرينا]

صباح الخير على الجميع

كيف حالكم واحوالكم

ام سعد / الف لاباس عليك ، ربي يسهلك انت وايه " غير عاد ما تنسوناش في الدعاء " خخخ
اني سلفتي ليها يومين تتمروج ماشية جاية عالمستشفى مسكينة ، ربي يسهلها وتجيب اليوم وترتاح .

[نسرينا]

ميمونة
يارب يارب يارب ،، يصدق معاك التحليل ،،، ويصيرلك حمل هذا الشهر بجاااااااااااااااااه النبي

وان كان الخط فاتح وخفيف مرات يكون حمل في اوله ...
وبعدين مادام الدم شوية وقعد الصبح بس ،،، يعني اكيد مش دورة ... اطمني .. مرااااااااااااااااات توراية ومرات اول دورة بعد الحمل هكي تجي نقط بنية ودم غامق ..

ان شاء الله ربي يفرح قلبك بالحمل انتي وراجلك وعيلتك ...
ههههههههه عارفة لو بنقولك امشي حللي بتقوليلي وخيرك انتي ما حللتيش هههههه

بالنسبة ليا قاعدة ما حللتش لان بجد وبصراحة مش حاسته حمل ابدا ....

[أم سعد]

السلام عليكم

صباح الخيرات

شكرا لكل من سأل عليا وماتشوفو شر ياااارب

ميمونة .... أنا في حملي نفس الشي صار معاي طلع خط خفيف بكل وردي وجتني علامات الدورة بالضبط وطلعت حامل

بري ديري تحليل دم بس بعد غياب الدورة بأقل شي 5 أيام وإن شاء الله تكوني حاااااااااااامل

ميمونة ونسرينا ... نهنيكم بقلوبكم كيف صابرين تي برو ديرو تحليل وفرحونا هيااااااااااااااااااا


تعرفو أنا آمس ماحسيتش بحركة العيل اتصلت بالدكتورة وقتلي بري ديري جهاز في أي مصحة مشيت لمصحة الفردوس درت جهاز طلع العيل أموره تمام المية كويسة ونبضه كويس وهو تحرك بس الدكتورة ماطمنتنيش قتلي مادام الضغط عالي وانتي خشيتي شهرك المفروض تجيبك دكتورتك لأن الضغط العالي يوقف المشيمة عن العمل ومايخليهاش توصل الدم والأوكسجين للعيل ويخسر العيل ... تعرفو خاااااااايفة على الآخر ومعاش عرفت كيف ندير

ناخذ في الدواء وايدي على قلبي .... وبالذات انه حماتي خاسرة عيل توا في شهرها ركبني الوسواس حتى أنا .. ربي يستر

بالله عليكم دعواتكم

[نسرينا]

مشكووووووووووورة ام سعد

وبعد السوء عليك وعللي عيلك ربي يحفظه ،، ومادامه هكي ، كل يومين ديري جهاز ،،، وشوفي دكتورتك شنو تقولك ولو حتى انك اضطريتي اديري عملية عاد اصلا خلاص خشيت شهرك ومعادش فيه مشكلة ان شاء الله

ربي يجلده بجلوده ويفرحك بيه ....

ما تسكتيش مادام الدكتورة نبهاتك لا قدر الله

[نسرينا]

وماتنسيش ان تقريه وتقري عليه ...

.

[أم سعد]

هي دكتورتي قتلي ليوم الثلاثاء نقررلك عملية والا صناعي

بس شن يجيب يوم الثلاثاء وأنا على أعصابي

[نسرينا]

اليوم السبت ما فيش باس لو غدوة او حتى اليوم تمشي اديري جهاز عشان تطمني ..

ربي يحفظلك جنينك يااااااااااارب

.

[أم سعد]

إن شاء الله خير

[ام قصى محمد]

ام سعد انا بنت خالتى فىالبكريه وضغطها مرتفع خالتها دكتروتها لعند ماخشت شهرها في خامس يوم دارتلها الصناعى وجابته وليد صح نسكين جا منسود لان ضغطها مرتفع بس الحمدلله نجيت هى ووليدها انشالله عقباللك (حا منسود بس بعدين راق)

[ليبياقلبي]

ام سعد الف سلامة عليك وماتخافيش انا اختي من السابع ارتفعهلها الضغظ وجاها الزلال قوي نسبته 4 المهم دكتورها خلها تخش شهرها يوم ولدها عملية جابت ضوض توام وطبعا جو تعبانين ناقصين اكسجين ومن ضغظها اتروا علا البيبي بس دارولها نضام 40 يوم مسكرين الدار ودفاية كانهم في رحم امهم بس صحتهم الحمد لله واهو توا بدوا حتى يمشوا الحمد لله وربي يبشرك وحتى انا راهو الزلال عندي وربك يستر الضغظ ماعاد قيسته واليوم عندي مراجعة والله تبي الحق خايفة وهدا فيتامين برينجير كويس انا ناخد فيه من الخامس
وسلامي لي ايوتة وعيون ونسرينا بري حللي هيا وميمونة يارب حتى انت تبشرينا بحملك