تجمع حوامل ليبيا

[ام لقمان]

الف مبروك اختى نسرينا
ويارب عقبال البقيه

[اضوء]

عيون أسفة لأنى مأجبتكش على سؤالك أمبارح طالعة مع راجلى /أنى مواليد87خريجة ليسانس حقوق<محامية>نسكن فى الحى الدبلوماسى

[نسرينا]

السلام عليكم

صباح الخير عليكم

الف شكر ليكم

بس والله مش عارفة ، حاساته مش حمل ، لان مافيش اي علامات او اعراض من اي نوع .

يستر الله ، والحمد لله

عيون / حمد لله على سلامة اوخيتك ما شاء الله " عميمة و خويلة " في نفس الوقت ، ربي يحفظهم ويطول عمرهم .

اضواء / بالنسبة للحجامة ، اني نعرف اللي جنب مصحة الفتح في مصحة غادي يحكوا عليها كويسة هلبة ، بس ميمونة اللي معانا مشت لوحدة في سوق الجمعة وتشكر فيها حتى هيا ، توا تخش وتعطيك العنوان بالضبط
ونصيحتي ليك ما تتاخريش بكل امشي على طول احجمي ، هلبة ناس نعرفهم حملوا بعد الحجامة على الصغار على طول ، ربي يسهلك .
عاشقة / ان شاء الله خير غيابك ، وما فيه سوء .

.

[أم سعد]

السلام عليكم

صباح الخيرات

كيف حال الجميع

عيون .. حوشي مازال مش تام ومعطل في الغالب بنطلع على حوش أهلي

أنا عندي أختي جنبك معناها بالضبط .. أختي جهة الكوشة

آية .. يارب تجيبي وانتي مكملة كل حاجاتك ومستعدة بالكااااامل وتجي تحكيلنا على جيابك
وتكون ولادتك سهلة ... وأنا بعدك يااارب

ميمونة .. العمر كله إن شاء الله .. أنا مواليد 85 أهلي يسكنو في بن عاشور .. الجرابة .. وأنا حوشي في 11 يونيو .. مهندسة حاسب آلي .. وبعد الزواج مانشتغلش

نسرينا .. شن صاير فيك؟؟؟ وينك اليوم؟؟؟؟؟

[نسرينا]

صباح الخير ام سعد

اهوو قاعدة

ربي يسهلكم ان شاء الله

[ღॐ آية ღॐ]

السلام عليكم
وصباح الخيرات والسعادة
نسرينا ديري التحليل فيسع
يا كسولة ديرية اليوم خيرلك
خلي اتم فرحتنا وفرحتك..

[ღॐ آية ღॐ]

ام سعد كيف حالك اليوم؟

[poucie]

السلام عليكم
كيف حالكم كلكم بدون إسثتناء
*عيون الف حمد الله على سلامة اوخيتك ومرت خوك ويتربو في عزهم انشاء الله تعرفي اختك صارها زي بالزبط تمروجت من الوجع والرحم قعد 1.5 سم بس وفي النهاية جبت بالعملية الحمد الله على كل حال
بالنسبة للحلويات اني في سبوعي في روان درت محنشية باللوز والفستق وحطيتها في باكوات دائرية
*نسرينا بري حللي دم باش تستريحي وتنحي الوسواس من بالك لاكن صدقيني حامل بإذن الله
*ليبيا قلبي صحيتي وايسلمك نشادة وانشاء تنجيبي وتنوضي بالسلامة
*ايه انشاء الله تلحقي اتوتي روحك قبل ما تجيبي والظمان ما تجهديش روحك هلبة تخافي اتجيبي قبل موعدك ردي بالك
*ام سعد كيف حالك وحال سعودي شن يرفس فيك باهي ههههههه ربي يكملك هالشهر على خير انشاء الله
*اضواء بالنسبة للحجامة انا سلفتي مشت دارتها عند مرأة جنب مصحة الفتح والله تشكر فيها هلبة والله اعلم تقريباً هي نفسها اللي قالتلك عليها نسرينا

[ღॐ آية ღॐ]

عاشقة وينك ؟؟
ليبيا قلبي ؟؟

[ღॐ آية ღॐ]

بوسي نورتي
انا كملت الضمان واليوم نحس في عمري منتهية
ولا عليا كحاحة وحرارة وربي يستر
بعد غدوة عندي موعد مع الدكتور شني يصبرني..