[{ تجمع مستخدمات الكلوميد والدوفاستون وإبر التنشيط والتفجير للحمل }]

[Um Ghala]

المشاركة الأصلية كتبت بواسطة عنفوان أنثى 77

مرحباااا


شخبااااركم ..؟!

بنات أبغى رايكم لاني محتاره شو أسوي
أنا الشهر اللي طاف اخذت كلوميد وابرتين تنشيط وابره تفجيريه بس
مالله اراد لي واحمل
ورجعت هالشهر عطتني الدكتوره نفس الكورس بس الايام تختلف
وهالاسبوع تجيني الدوره
ويااااااارب اني ما اشوفها

بس مادري اذا لاقدر الله ونزلت رايكم اروح واخذ كورس ثالث
ولا اوقف العلاج فتره عشان ماتتعب المبايض
والله حييييل محتاره ومو عارفه شسوي
انتظر مشورتكم حبيباتي

ان شاء الله يارب تكونين حامل بإذن الله الواحد الاحد .. و في حال لا قدر الله نزلت الدورة ..

سؤال انتي سويتي كل الفحوصات غدة و هرمونات و اكياس ؟؟ في ثاني يوم الدورة تحليل دم
و اشعة الصبغة .. ؟؟
و زوجج فحص .. ؟؟

في حال كل شي سليم خذي الكورس للمرة الثالثة و اذا لا قدر الله ما صار لازم توقفين فتره لانه اكثر عن 3 شهور ورا بعض خطر ..

والله يرزقج من اوسع ابوابه يارب ولا يضيع تعبج ..

[أحمد حبيبي]

لمسة حنان .. الله يصلحج فجعتيني هههههه .. بسم الله على العليا اسال ربي ان يتمم لها حملها بكل خير ويرزقها توأم ولد وبنت يااااارب

ام محمـد .. شوورج وهداية الله .. انا بعد قلت بتريا مدام ريلي سليم وتمام التمام الله يحفظه وعلى قولة ام غــلا الله يسعدها ان شاء الله الموضوع بسيط .. بنرتاح شهر بعد وبنواصل .. شكرا عيوووووني

عنفوان .. الله يوفقج وتكونين حامل بإذن الله .. وانا راي من راي ام غلا بالضبط وكلامها عين العقل الله يرزقها الحمل ويرزقج والجميع وكل محرومة ان شاء الله

[عنفوان أنثى 77]

أم غلا
وأحمد حبيبي

فدييييتكم حبيباتي
وان شاء الله باخذ بمشورتكم
وبالنسبه للفحوصات الحمدالله كل شي تمام
والحين اخذت سنه من سويت اشعه الصبغه وسليمه الحمدالله

وزوجي كان عندها العدد قليل وفي لزوجه
وكتبت له الدكتوره فيتامين وعلاج للزوجه
والحمدالله صار تحليله تمام


تسلمون على الدعوات الطيبه اللي مثلكم
وربي يرزقكم من واسع أبوابه
وتبشرونا هالشهر يااااارب

[anarana]

[QUOTE=أحمد حبيبي;3689032]صبحكن الله بالخير والسرور
E]
anarana .. ان شاء الله كل خير حبيبتي لاتحاتين .. لا تشغلين بالج بكثرة التفكير بالاعراض وكلي أمرج لله .. وان شاء الله انها اعراض خير وبركة يااااااااااااااارب .. وتبشرينا بحملج يارب

مشكووورا حبيبتي على ردك وان شاءالله متوكله على الله وكلي يقين انه بيرزقني ويكرمني وياااكي ان شاءالله وكل محروومه اللهم امين

[أم.محمد]

بناات احيب أن أسألكن
هل منكن وحدة قطعت الدوفاستون
وماجاتها الدورة ولا طلعت حامل؟

[anoossam]

حبيبتي عنفوان أنثى 77 لا تستعجلي انشاء الله تكوني حامل

[Um Ghala]

دعيت في المطر ربي ما يضيع تعبكم هالشهر ياااااااااارب و يرزقكم و يجعلهم من حوامل هالشهر بكرمه و رحمته ..

[أم.محمد]

المشاركة الأصلية كتبت بواسطة um ghala

دعيت في المطر ربي ما يضيع تعبكم هالشهر ياااااااااارب و يرزقكم و يجعلهم من حوامل هالشهر بكرمه و رحمته ..

الله يتقبل منك يارب
جزاك الله خير وحقق لك كل ماتتمنينه
فعلا مازال الخير بالدنيا
بارك الله فيك اختي

[أحمد حبيبي]

صبااااح الامطاااار الجميــلــــة :)

الحمدلله الله رزقنا الغيث في الامارات من أمس المطر متواصل تبارك الله

وان شااااااااء الله بحيل الله وقوته الله بيرزقنا غيث ونعمة الذرية الصالحة والحمل السليم ان شاء الله

ام محمــد .. عادة تنتظرين من 2 الى 5 أيام بعد الدوفاستون عشان تنزل الدورة .. اذا مانزلت تحللين .. واذا سلبي عادي يصير تأخير أحيانااا .. انا الشهر اللي طاف خذته وطووولت الدورة وبعدين نزلت

الله يرزقج ويرزقنا الحمل كلنا ياااااااااااااارب

[عنفوان أنثى 77]

الحمدالله على كل حال

نزلت اليوم الدوره متقدمه عن موعدها يومين
ربي يرزقني الصبر ويعوضني خييير