تجمع حــوامل التوائم

[لمياء]

اميرة الشعر وينك؟

عسى في غيبتك خير

طمنينا عليك

[لمياء]

نواعم سلامتك ماتشوفين شر حبيبتي

الله يعينك وييسر لك حملك وولادتك وكل الحوامل

[حزن الزمان]

بنات أنا ما نام بالنهار وبالليل أنام 10 وبعدها الساعة وحدة أو ثنتين بالكثير وأقوم وما يجيني نوووم للصبح وهذا أنا من أول حملي ما ناااام كلش ولاني عارفة شسوي ... الدكتورة عطتني منوم بس أنا خفت وما خذيته

[كوثرية]

حبيبتي كوثريه انتي مثلي بالسابع


كيف الحركه معك

هلا والله بملاذ الطي

والله توني بديت أثقل والا ماكنت أول هالشكل
أكثر شيء أكرهه أني أنحني وآخذ شيء من الأرض
أو إذا منسدحة أحس إذا جيت أقوم ما كأني آدمية حشى تقولين مدرعة هاللي ناوية تقوم .

انا مره احاتي وهل تاخذي فتمينات غير الحديدوالكالسيوم

أنا آخذ حديد +( قرص مخلوط حديد + فوليك أسيد + زنك )+ كالسيوم

وحملك كيس ولا بكيسين

حملي كيسين بس مشيمة وحدة
يعني توأم متشابه الحمد لله
والأحلى انهم بنوتات

وكيف حجم بطني انا صغير مومبين توام

أنا بعد حجم بطني صغير كلش
حتى اللي مايدرون أني حامل بتوأم مايصدقون أني أقل من أسبوع وأدخل الثامن


حزونة

بنات أنا ما نام بالنهار وبالليل أنام 10 وبعدها الساعة وحدة أو ثنتين بالكثير وأقوم وما يجيني نوووم للصبح وهذا أنا من أول حملي ما ناااام كلش ولاني عارفة شسوي ... الدكتورة عطتني منوم بس أنا خفت وما خذيته

شكلج تحاتين

بطلي محاتى والله يهونها

بس إذا انتي تداومين أتوقع المنوم يتعبج لأن تأثيره يطول مو تقعدين مصحصحة

أمي كلش حساسة من هالنوعية من الأدوية
مرة من المرات بتسافر ومن كثر ما تفكر ماجاها النوم، راحت بلعت حبة منوم

شكلها صار في المطار تحفة
تقول أمشي والناس يطالعون فيني يفكروني سكرانة
لأنها تترنح وهي تمشي وأبوي ماسكها في المطار بس عشان لا تصاقع في الطوف

[نـــــــارا]

ضحكتيني كوثرية على أمج مسكينة.. أنا صادني هالموقف لما كنت بالحج، بعدها زرنا المدينة ومرضت مرضة قوية... نزل علي التعب كله وأخذت حبة زكام لأن كان شديد مرة وحبة الزكام تخدر وتنيم وكان كلها يوم واحد ونطلع من المدينة.. الكل راح يزور حضرة النبي صلى الله عليه وآله وسلم ومصرين علي أريح وأنا ما قبلت.. واصلة لعنده وما أزور ولا أدخل المسجد النبوي حرام!! وأصريت أروح

ونفس الشي كنت أمشي وأنا اترنح كأني سكرانة وأفشل حدي!!

حزونة لا تحاتين يوم يومين وبتدخلين الخامس... وأنا السبت بدخل الخامس! أما عن النوم فأنا عكسك... صايرة نوامة... حتى زوجي اللي كان يغلبني بالنوم ألحين محد يغلبني بالنوم
عموماً أختي الحليب الدافي مع العسل ينوم وهو مفيد بعد... وتقدرين بعد تاخذين دوش دافي قبل تنامي لأن يرخي العضلات

نامي ألحين بتييج شهور ما بتقدرين تنامين فيها.. وأقري قرآن قبل لا ترقدين وكثري من الصلوات على النبي وآله والاستغفار وسورة العصر لأنهم يساعدون على النوم وفيهم أجر وثواب

حبيباتي صحيح مذركير الأصلي مسوي تخفيضات 50%؟؟ يوم سمعت انقهرت لأني من كم يوم بس رايحة ومافي تخفيضات واشتريت بمبلغ محترم!

[أستاذة ذوق]

صباح الخير

امس كان عندي مراجعه وقالت الدكتوره توأمي في كيسين
منفصلين ومشيمه وحده انا توني ادري انها مشيمه وحده
اخاف ان المشيمه المشتركه تأثر على تغذيتهم

شوفوا هذي صورة توضح شكل الكيس والمشيمه
المتصلة والمنفصلة

[ملاذ الطي]

حبيبتي الكوثريه انا ف بدايه السابع وانتي شكلك باخر السابع
المهم حبيت اسالك

انا كشفت وقلتلي الدكتوره الحمد لله ولد وبنت معناته كل واحد بمشيمه وكيس منفصل

انا لما كنت بالشهرالرابع قالتلي
الدكتوره مشيمتين

لكن في الشهر الساد س قالت مشيمه وحده
انتي باي شهر بين معك المشيمه لان الدكتوره تقول كل ماكبرالجنين ماتبين المشيمه هل صحيح



وحبيت اسالك كيف حركه البيبيكيف قويه ولا على خفيف يعني مااحس بارفس القوي
معليش طولت عليك وتعبتك بسماصدقت قيت وحده زيي

[ملاذ الطي]

حبيبتي توامي



وانا بعد لان الدكتوره تقولي واحد وزنه اقل من الثاني يعني ياخذ اكل اخوه



والله مدري معناته كلهم بمشيمه





اصلا المشيمه ماتضح الا بالشهور الاولى اذا كانت وحده ا اثنيين في الشهور الاخيره ماتضح هذا كلام الدكتوره




وكيف عرفتي جنس الجنيين

[حزن الزمان]

هلا شخباركم تدرون هذي حالتي كل يوم من الساعة 2 بالليل قاعدة ولا يجيني نوم كلش كأنه الصبح إلى الساعة 10 بالليل اليوم الثاني يجيني نوم وهذا جدولي وانا مستغربة لان الحامل تحب النوووم وكل اللي انامهم 4 ساعات ياويلي خااااايفة ...

[ملاذ الطي]

هلا حبيبتي حزن

بس والله ها موزين لك ارهاق وتعب المفروضانتي تهيي لك جو النوم طفي الانوار واقري على نفسك
حتى لو ماجاكي نوم استلقي وارتاحي

لاترهقينفسك والله مو زين